Matiu 5:24 - Tataroha Diana

²⁴ o ke tolana toliꞌaasie kaꞌu uuraaꞌinge iꞌoe i epine ora ni uunu-uunu, na o ke lae kaꞌu huni uure ruru peꞌie aasimu. Purine uure-rurunge ngeena e mango, o ke si lae mai niie uuraaꞌinge iꞌoe hunie a God.

Matiu 5:24 Referans Kwoze

Jemes 5:16

Aena urinena, nge omu ke haꞌahoue mo oorahaꞌaa iꞌomu oodoiꞌomu heiliu, na omu ke aarengaꞌi talamiu heiliu hunie omu ke awaa. Sulie aarengaꞌinge mwane oodotaꞌi e tohungei nanama, na e sai esuie mo ola paine.

1 Timoti 2:8

Oto nou saetoꞌo aana uri ahutana mwane aana taꞌena nga leu kire ke aarengaꞌi. Mwaanie kire hele ni kumu aani saewasunge wa kire haataꞌinie kiꞌide aani haꞌa-erenga, taꞌe kire ke asuie mola nga taa e oodo aana kiꞌide, na kire ke susueꞌinie nimada i lengi aani aarengaꞌinge.

Matiu 23:23

“Aama-aamasilemiu mo Parise na mo haꞌa-uusuli aana mo Haꞌatolanga. !Iꞌomu oto mwala eero-eero! Omu ko niie taane tangahuluꞌana tari-olanga iꞌomu hunie a God, na lai hule oto aana toꞌo-olanga iꞌomu aani sihola. Taꞌe hule aana omu kaꞌa aapwasu ike aana tohungana haꞌa-uusulinge aana mo Haꞌatolanga, mala leinge toꞌohuu, na aamasinge, na hiiwalaimolinge. Mo naꞌohai ola uri hunie omu ke dau i suliꞌi kaꞌu ienini. Na loꞌu mwaanie omu pulongosie mo haꞌa-uusulinge mwai-mwei mala niilana tangahuluꞌana tari-olanga iꞌomu.

1 Korinit 11:28

Aena urine taꞌena nga iinoni ke haro leie iiꞌolana kaꞌu maraana holaꞌinaꞌo, haꞌalaa ke si ngeu aana mei ngeulaa ngeena na ke inu aana kao-kao ngeena.

Tataroha Diana I Sulie A Jisas Kraes Nge A Mak E Uusue 9:50

“Ahaa mei ola diana, taꞌe mala uri ahaanga aana kei lae mwaanie, kei neꞌi ola aaela oto aana e saꞌa ahaala ike loꞌu. Oto urine, e malisine tolahamiu ke ahaala taraꞌasi, na omu ke iiꞌo ni henuelama i matolamiu heiliu.”

Matiu 5:23

Aena ngeena, mala o ko toolea mai uuraaꞌinge iꞌoe takoie ora ni uunu-uunu huni niie hunie a God, na o ko aamasitoꞌo aana i leune uri aasimu ko saewasuliꞌo,