Matiu 5:12 - Tataroha Diana

¹² Omu kei ile-ilenimwaꞌe oto loꞌu liutaa, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mwala i naꞌo kire taungeꞌinire noꞌone urine.”

Matiu 5:12 Referans Kwoze

Tataroha Diana I Sulie A Jisas Kraes Nge A Luk E Uusue 6:23

Omu ke tohungei ilenimwaꞌe aana maholona na omu ke mao-mao peꞌi saediananga, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mo weuwada i naꞌo kire taungeꞌinire noꞌone urine.

Jemes 1:2

Maeni eesiku maaꞌi, omu ke ilenimwaꞌe mola maholo mo malaahonga hai-aaopaꞌi kei haro hite aamiu,

Kolosi 3:24

Omu ke aamasitoꞌo aana uri a Aalaha kei niie taane huniꞌomu waaite nge e haiholotaꞌinie hunie mwala ingeie. Aana a Kraes oto tohungana Aalaha nge omu ko esu nana.

1 Pita 4:13

E diana uri hunie omu ke ile-ilenimwaꞌe mola, aana omu ko sapesalu oto noꞌone mala a Kraes e sapesalu keꞌu. Aena leune omu kei ilenimwaꞌe noꞌone aana maholo a Kraes kei lae mai peꞌie manikuluhaꞌana God.

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Uusu-uusu A Pol Hurula'aa Hunie Mo Rom 5:3

Na kie ko ilenimwaꞌe noꞌone haahie mo aasanga ko reꞌu-reꞌusikie i tehulaꞌana kie ko lulu i sulie a Kraes, aana kie saie oto uri mo aasanga urine nge ko da hunie kie ke uure aꞌailaꞌa loꞌu liutaa.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Hibru 11:6

Nga taꞌa-taꞌa iinoni e saꞌa roroꞌa da ike uri a God ke ilenimwaꞌe haahie, na uri e kaꞌa hiiwalaimoli. Aana nga iini ko sare lae mai saana God, ke hiiwalaimoli oto aana uri a God e iiꞌo taane oto, na ke hiiwalaimoli oto aana uri a God e sai waaie mwala nge kire ko eriꞌapasie uri kire ke lae mai saana.

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,

Pilipae 2:17

Na hiiwalaimolinge iꞌomu aana God, e urihana uuraaꞌinge nge niilana a lae hunie a God na ko ilenimwaꞌe haahie. Oto mala uri ingeie kei loꞌongaꞌi ni iidu tarakonie maenga ineu noꞌone huni haꞌa-ahue uuraaꞌinge aana hiiwalaimolinge iꞌomu, nge ne kei tohungei ilenimwaꞌe loꞌu liutaa. Na saeku omu ke ilenimwaꞌe oto noꞌone peꞌieu haahie leune.

2 Korinit 4:17

Na mei siꞌohaꞌanga nge ko tooleꞌemeelu mola hunie kele maholo oꞌoruꞌe ienini, ko da melu ke si hele liutaa aana mo ola manikuluꞌe oto hiitoꞌo loꞌu aana maurihe huu peꞌie a God taꞌau i Lengi.

Palonga 5:41

Mo hurulaꞌaa kire lae mwaanie pulitaa ni lei-lei, kire ko tohungei ilenimwaꞌe oto liutaa, aena aana a Jisas e haataꞌinie uri kire ado taane huni sapesalu i tehulaꞌana satana.

Matiu 6:16

Oto a Jisas ko heꞌi teꞌuri loꞌu, “Maholo omu ko oolongau, mwaanie omu nunuku dara mala mo iini ko lupweꞌi deu-deu. Aana kire ko lupweꞌi lio rahitou mola hunie mwala ke leesie uri kire ko oolongau. Taꞌe ineu no ko unue huniꞌomu uri mo iini nge kire ko teꞌurine, kire hele mangoa oto waaitada.

1 Korinit 3:8

Oto mwane ko hesi lite na mwane ko dengu wei, kire ko meni esu tararuru mola hunie taꞌa-taꞌa mei neꞌisaenga, na a God ke si waairerue i sulie asunge ikirerue.

Tataroha Diana I Sulie A Jisas Kraes Nge A Luk E Uusue 6:35

!Taꞌe haꞌike! Omu ke manata diana hunie mo maelonga iꞌomu na omu ke dau diana hunire. Omu ke nii-nii na omu ke suꞌuri loꞌongaꞌinie loꞌu suꞌuleni eelihoꞌi huniꞌomu. Mala uri omu kei teꞌurine nge waaitemiu ke si peine loꞌu liutaa, na omu ke si neꞌi kalena God, iini e paine liutaa. Aana ingeie noꞌone hule aana e diana hunie mo iini e oorahaꞌaala na mo iini kaꞌa sai paalahea.

Palonga 16:25

Oto i upui rodo a Pol na Saelas kirerue ko aarengaꞌi peꞌie kananga ni lahea God. Na mo iini nge kire iiꞌo noꞌone i nume ni hoꞌo kire ko rorongo mola i sulirerue.

Tataroha Diana I Sulie A Jisas Kraes Nge A Luk E Uusue 13:34

Oto a Jisas ko si teꞌuri, “!Aaia Jerusalem, Jerusalem! Iꞌomu oto omu ko horo suuheꞌinie mo propet na omu ko uuꞌi maesie mo iini a God e uusungeꞌinire mai huniꞌomu. Mo maholo hunge nou sasare peꞌiꞌomu mala pwa-pwa ni kue ko lokoa mo kalena i hahana apa-apana huni haꞌa-uurire. Taꞌe omu kaꞌa saetoꞌo aaku ike.

Hibru 11:26

A Mosis e loꞌongaꞌinie mola uri maꞌalana mwala ko teungeꞌinie i tehulaꞌana a Kraes nge ko lae mai, taꞌe leune e diana loꞌu liutaa aana mo ola diana hunge i Ijip. Na ko loꞌo-loꞌongaꞌi mola urine, aena aana ko toꞌo-toꞌomaaie oto nga taa a God kei niie hunie aana waaitana mai puri.

Pilipae 1:29

Iꞌomu, omu ko ooho oto aana taꞌa-taꞌa taungei oohonga nge omu leesie nou ooho-ooho kaꞌu aana i naꞌo, na omu ko rongoa no ko ooho-ooho ue aana maholo ie. Omu ko ooho urine aana a God e haꞌamaꞌu eemiu, aani lio hilisilemiu huni hiiwalaimoli aana a Kraes, na oto liutaa huni sapesalu i tehulaꞌana.

Hibru 10:34

Omu sapesalu tararuru peꞌie ngaeta mo iini eemiu kire iiꞌo i nume ni hoꞌo. Na maholo mwala e too-toolea toꞌo-toꞌolamiu, omu ilenimwaꞌe mola i sulie omu saie oto uri omu toꞌo aana taane mo ola diana loꞌu liutaa na kire sai iiꞌo huu.

Hibru 11:33

Aani hiiwalaimolinge mone, kire asuie mo taungei ola paine hiitoꞌo. Kire haiseuni peꞌie mo henue hai aaopaꞌi na kire aꞌailaꞌasire, na kire aalaha haahie mwala aana tala oodo, na a God e asuie mo heiholotaꞌinge hunire. Kire raꞌu ponosie wawana mo laeon,

Jemes 5:10

Kolu meni saie oto, maeni eesiku, uri mo propet maaꞌi nge kire ere hunie a God oto i naꞌo, sapesalunge paine e hule oto aada. Taꞌe ikire, kire maaꞌoohi susutoꞌo mola, na e malisine ikolu, kolu ke lulu i sulie uuri-uurite ikire aani maaꞌoohi-susutoꞌonga noꞌone mala ikire.