Matiu 27:1 - Tataroha Diana

¹ Oto e dangi maahuꞌo-huꞌo, na ahutana mo naꞌohai pris na mo rato ni mwane kire mani loko na kire oalaꞌinie oto horoꞌilana a Jisas kei lae uri taa.

Matiu 27:1 Referans Kwoze

Tataroha Diana I Sulie A Jisas Kraes Nge A Mak E Uusue 15:1

Oto i maahuꞌo-huꞌo na e kaꞌa dangi kohi ue, mo naꞌohai pris peꞌie mo rato ni mwane na mo haꞌa-uusuli aana haꞌatolanga na ahutana pulitaa ni lei-lei, kire oalaꞌinie oto nga taa kire kei esuie aana a Jisas. Oto kire pwasue a Jisas, kire si toolea, na kire ko lai toliꞌaasie oto i nimana a Paelat.

Tataroha Diana I Sulie A Jisas Kraes Nge A Jon E Uusue 18:28

Oto mola i waꞌalie i maahuꞌo-huꞌo, kire si toolea a Jisas mwaanie nume a Kaiapas hunie nume paine ni aalahanga mo Rom. Mo mwane paine ikire mo Jiu, kire ko haꞌahili-hili aena aana kire sare iiꞌo rereꞌa malisine Houlaa Ni Liumwaanie. Oto kire kaꞌa sare sili ike i laona nume ni aalahanga ngeena mwaanie kire waelie haꞌatolanga ikire aana kire sili i laona nume mo Aapoloa Aaopa, na urine kire loꞌuhangaꞌa oto.

Tataroha Diana I Sulie A Jisas Kraes Nge A Luk E Uusue 22:66

Oto maholo na ko aehota dangi oto, mo rato ni mwane na mo naꞌohai pris oto peꞌie mo haꞌa-uusuli aana mo Haꞌatolanga a Mosis, kire meni loko oto. Na i leune kire ko si toolea mai a Jisas i naꞌoda.

Matiu 23:13

Oto a Jisas ko heꞌi unue loꞌu uuri, “Aama-aamasilemiu mo Parise na mo haꞌa-uusuli aana mo Haꞌatolanga a Mosis. !Iꞌomu oto mwala eero-eero! Aana omu ko lupweꞌi deu-deu mola mala uri omu ko lulu i sulie a God. !Taꞌe haꞌike! Iꞌomu maraamiu omu kaꞌa sare sili ike i laona Aalahanga a God, na omu kaꞌa toliꞌaasie ike nga mo iini ke sili loꞌu.

Palonga 5:21

Kire tola i sulie nga taa ensel e unue, oto e dangi hoꞌowa kire lae taꞌau i Nume Maaꞌi Peine na kire ko aehota huni haꞌa-uusulie oto mwala. Oto Naꞌohana Mo Naꞌohai Pris na mo mwane ko esu peꞌie, kire lokoa mo rato ni mwane aana pulitaa lei-lei huni loko. Oto maholo ahutada kire mani hule, kire si uusungeꞌinie ngaeta mo mwane wau i nume ni hoꞌo huni toolea mai mo hurulaꞌaa i saana pulitaa lei-lei.

Tataroha Diana I Sulie A Jisas Kraes Nge A Luk E Uusue 13:1

Aana maholona ngaeta mwala e oꞌoꞌo peꞌie a Jisas, kire haꞌarongoa aana mwala ni Kalili nge a Paelat e horo maesire aana maholo kire uunu-uunu ola i saana God.