Matiu 26:74 - Tataroha Diana

⁷⁴ Oto a Pita e ere ni hoꞌasinge ko teꞌuri, “!Toꞌohuu oto mala God taꞌau i Lengi! !Nou kaꞌa saie ike a mwaena!” Oto kue ko tolana ngara oto.

Matiu 26:74 Referans Kwoze

Haataꞌinge 3:19

Omu ke saie mola uri no ko tohungei ere aana mo iini nou manata diana hunire na no ko haꞌaloire. Oto aena urinena, omu ke aaliꞌu mei mwaanie mo oorahaꞌaa iꞌomu, na omu ke asu aꞌailaꞌa peꞌie mwaꞌe-mwaꞌenga.

1 Korinit 16:22

Taꞌena nga iini nge e kaꞌa manata diana hunie a Aalaha ikie a Jisas, nge haꞌaloinge a God kei hite aana. No ko eitanaie a Aalaha ikie a Jisas hunie ke lae mai lau-leu,

Tataroha Diana I Sulie A Jisas Kraes Nge A Jon E Uusue 18:27

Oto a Pita ko si heꞌi taateingeꞌinie loꞌu, na kue ko tolana ngara oto.

Matiu 10:28

Mwaanie omu meꞌu-meꞌuteꞌinie mo iini ko sare horoꞌiꞌomu, aana kire sai horoꞌie mola sapemiu, taꞌe e aasa hunie kire ke horoꞌie maurihaꞌamiu. Taꞌe omu ke maꞌuteꞌinie mola a God aana taꞌe ingeie haliꞌite nge e toꞌo aana nanamanga huni deu tekelaꞌinie sape na maurihaꞌai i laona dunge ni haꞌamotaahinge.

Tataroha Diana I Sulie A Jisas Kraes Nge A Luk E Uusue 22:60

Taꞌe a Pita e aalamie uri, “!Mwae! !Nou kaꞌa manataꞌinie ike nga taa o ko unuena!” Na oto mola aana maholo nge ko ere-ere ue ngeena, kue ko tolana ngara oto.

Tataroha Diana I Sulie A Jisas Kraes Nge A Mak E Uusue 14:68

Taꞌe a Pita ko taateingeꞌinie, na ko teꞌuri, “Nou kaꞌa saie ike nga taa o ko ere i sulie.” Oto e taꞌelaꞌi, ko lai uure wau i aena maa aana para ahuie lolata ngeena. Na maholona kue ko ngara oto.

Tataroha Diana I Sulie A Jisas Kraes Nge A Mak E Uusue 14:30

Oto a Jisas ko teꞌuri hunie a Pita, “No ko unue oto huniꞌo uri i naꞌona kue kei ngara haꞌarue i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.”

Matiu 27:25

Oto ahutana mwalana ko aalamie a Paelat uuri, “!E diana mola! !Neꞌewau! !Roroꞌanga oto iꞌemi maraamami! !Maꞌalana nga mei haꞌaloinge ko si hite aana mo kalemami haahie maelana, taꞌe i sulie mei ola emi saetoꞌo aana mone oto!”

Matiu 26:34

Oto a Jisas ko teꞌuri hunie a Pita, “No ko unue oto huniꞌo uri i naꞌona kue kei ngara i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.”

Matiu 26:73

E kaꞌa tewa loꞌu na ngaeta mwala e uure-uure i leune, kire ko lae mai saana a Pita. Oto kire ko teꞌuri hunie, “Saꞌa mola iꞌoe ngaeta mwane aada ni ngeena, i sulie melu rongo saie mola aana erenga iꞌoe, aana o ko aapani mala mo Kalili.”

Matiu 26:75

Aana maholona nge a Pita ko si aamasitoꞌo aana mo wala a Jisas e unu-unuꞌi hunie uuri, “I naꞌona kue kei ngara i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.” Oto a Pita e iisitaa i sinaha, ko si ngara uulo-uulo.