Matiu 26:64 - Tataroha Diana

⁶⁴ Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Matiu 26:64 Referans Kwoze

Tataroha Diana I Sulie A Jisas Kraes Nge A Mak E Uusue 14:62

Oto a Jisas ko aalamie uuri, “Ineu kaꞌu otona. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

Tataroha Diana I Sulie A Jisas Kraes Nge A Luk E Uusue 21:27

Oto aana maholona, mwala ke si leesieu a Kale Ni Iinoni, aana ne kei lae mai i laona mei uuru peꞌie nanamanga na manikuluꞌanga paine.

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Matiu 26:25

Oto a Jiudas, iini nge ko pweloa a Jisas ko teꞌuri noꞌone, “?Mwaanie ohe ineu, haꞌa-uusuli ineu?” A Jisas ko aalamie uuri, “!Iau! Iꞌoe oto a mwaena.”

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

Matiu 16:27

Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Haataꞌinge 20:11

Oto nou leesie a God e iiꞌo i lengine naunekume rereꞌa oto paine. Na e lio mala uri walumalau na salo kire tahi mwaanie, na nga leu huni lio oodoiꞌi haꞌike loꞌu.

1 Tesalonaeka 4:16

Taꞌe a Aalaha maraana kei siho mai uure taꞌau i Lengi peꞌie mawataa paine mwaanie naꞌohai ensel na aawatai eehuri a God. Oto kira hiiwalaimoli nge kire mae oto, kire kei holaꞌi taꞌelaꞌi oto hunie maurihe.

Palonga 1:11

Na kirerue ko teꞌuri oto hunire, “!Mo mwane ni Kalili! ?Nga taa ni omu uure, omu ko lio-lio ue hunie taꞌau i salo? A Jisas nge a God ko tola aalihoꞌi aana i Lengi mwaaniꞌomu ngeena, kei ooli loꞌu mei oto mala omu ko leesie ko lae i Lengi ngeena.”

Tataroha Diana I Sulie A Jisas Kraes Nge A Jon E Uusue 18:37

Oto a Paelat ko si teꞌuri hunie, “!Oto iꞌoe ngaeta inemauri taane!” A Jisas e aalamie, oto ko teꞌuri, “Nge kaꞌu oto o ko unuena, uri ineu inemauri. Na aena aana aalahanga ineu ngeena mone nou hute. Na nou lae mai uri hunie ne ke toolea walaimolinge mai i laona walumalau. Taꞌena nga iini ko mwaꞌe-mwaꞌe huni lulu i sulie walaimolinge, nge e sai rongo hunie walaku.”

Tataroha Diana I Sulie A Jisas Kraes Nge A Luk E Uusue 22:70

Oto kire ko meni dolosi loꞌu aana uuri, “?Nge uri iꞌoe oto Kalena God?” Oto a Jisas ko aalamire uuri, “Nge kaꞌu oto omu ko unuena.”

Matiu 27:11

Oto kire toolea mai a Jisas i naꞌona a Paelat, na a Paelat ko si dolosi aana uuri, “?Uri iꞌoe ni oto inemauri mo Jiu?” Oto a Jisas ko aalamie uuri, “Nge kaꞌu oto o ko unuena.”

Uusu-uusu A Pol Hurula'aa Hunie Mo Rom 14:10

?Oto, aana e ue kaꞌu o ko leie aasimu maaꞌi? ?Na e ue kaꞌu nge o ko leledie aasimu na o ko loꞌongaꞌinie uri iꞌoe o diana liutaa aana? Leilaka kei lae mola i sulie neꞌisaenga a God, aana ahutaka, kie kei meni uure mola i naꞌona a God hunie leilaka.

Matiu 8:20

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Matiu 16:28

Toꞌohuu no ko unue oto huniꞌomu uri ngaeta mo iini hikemiu mwala nge omu uure ngeena, omu kei saronai leesieu, a Kale Ni Iinoni, ne kei lae mai mala aalaha, omu ke si mae.”

Matiu 22:44

A God e unue hunie aalaha ineu, uuri ‘O ke iiꞌo kaꞌu i pwalo-pwaloku aana naꞌohai iiꞌo-iiꞌoha, lai hule aana ne kei kama haahie mo maelonga iꞌoe i aano hunie o ke uuri puli-pulisire.’ ” Sam 110:1

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

Tataroha Diana I Sulie A Jisas Kraes Nge A Luk E Uusue 22:69

Taꞌe uure aana maholoi sato ienini pwau weu, ineu a Kale Ni Iinoni ne kei iiꞌo oto aana naꞌohai iiꞌo-iiꞌoha i pwalo-pwalona God Hahuꞌana Nanama.”