Matiu 25:42 - Tataroha Diana

⁴² Aena aana maholo nou hiolo, omu kaꞌa haꞌangaueu ike. Nou maarou na omu kaꞌa nii wei ike akue. Maholo nou kaꞌa toꞌo aana ike nga leu ni iiꞌo ineu, omu kaꞌa tola konieu ike aana mo nume iꞌomu.

Matiu 25:42 Referans Kwoze

2 Tesalonaeka 1:8

Na ke lae mai peꞌie dunge oto paine huni haꞌaloie mwala nge kire ko sereꞌinie a God na kire kaꞌa sare tola i sulie ike Tataroha Diana i sulie Aalaha ikie a Jisas.

1 Korinit 16:22

Taꞌena nga iini nge e kaꞌa manata diana hunie a Aalaha ikie a Jisas, nge haꞌaloinge a God kei hite aana. No ko eitanaie a Aalaha ikie a Jisas hunie ke lae mai lau-leu,

Tataroha Diana I Sulie A Jisas Kraes Nge A Jon E Uusue 5:23

Aena ngeena, ahutana mo iinoni ke mani haꞌamaꞌu aana a Kale oto mala kire ko haꞌamaꞌu aana Mamaꞌa. Iini oto e kaꞌa haꞌamaꞌu ike aana a Kale, nge e kaꞌa haꞌamaꞌu oto noꞌone aana a Mamaꞌa nge e uusungeꞌinie mai eena.

Matiu 12:30

Oto a Jisas e heꞌi teꞌuri loꞌu, “Taꞌena nga iini oto e kaꞌa aapa peꞌieu, ingeie maelonga ineu. Na nga iini oto kaꞌa soꞌokoni iinoni peꞌieu hunie Aalahanga a God, ingeie ni ko oohe tatangaꞌinie mwala mwaanie a God.

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.

Tataroha Diana I Sulie A Jisas Kraes Nge A Jon E Uusue 14:21

A tei nge ko rongo hunie mo haꞌatolanga ineu na ko tola i suliꞌi, ingeie oto iini e manata diana hunieu. Na a tei ko manata diana hunieu, nge Aamaku kei manata diana hunie. Ineu noꞌone ne kei manata diana hunie, na ne ke si haꞌasaie aana tolahaku.”

Matiu 25:35

Aana nou hiolo na omu haꞌangaueu. Nou maarou, na omu haꞌa-inuhieu. Maholo nou kaꞌa toꞌo aana nga leu ni iiꞌo ineu, omu tola konieu aana mo nume iꞌomu.

Matiu 4:2

A Jisas e iiꞌo i laona hanuesala hunie hai aawalai hei dinge na hai aawalai hei rodo, na e kaꞌa hikana nga mei ngeulaa aana maholona, oto ko hiolo.

Matiu 25:41

“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.

Matiu 25:43

Na maholo nou iiꞌo mwaakule, omu kaꞌa niie ike nga mo ola ni hoꞌosiꞌi ineu. Na maholo nou siꞌohaꞌa aani maelaa na nou iiꞌo i laona nume ni hoꞌo, omu kaꞌa kele maatolieu loꞌu.’