Matiu 25:40 - Tataroha Diana

⁴⁰ “Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’

Matiu 25:40 Referans Kwoze

Matiu 10:42

Omu ke saie mola uri maꞌalana nga iini ko niie mola nga mei wei wawai ana nga taꞌa-taꞌa kele iini aana mo iini ko lulu i sulieu, aena aana uri ingeie pwaarongoisuli ineu, na kei hele waaite oto.”

Tataroha Diana I Sulie A Jisas Kraes Nge A Mak E Uusue 9:41

No ko unue oto huniꞌomu uri, mala nga iini ko niie nga mei wei emiu aena aana omu ko lulu i sulieu, nge a God kei waaie taane iinoni ngeena.”

1 Pita 1:22

Oto i tehulaꞌana omu tola i sulie mo wala toꞌohuu aana Tataroha Diana ngeena, omu da oto maurihaꞌamiu e rereꞌa mwaanie oorahaꞌaa eena, na omu sai manata diana oto hunie mo eesimiu maaꞌi. Aena urine, omu ke mana-manata diana oto huniꞌomu heiliu aana ahutana saemiu.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Kalesia 5:22

Taꞌe hue-huei ola aana Liꞌoa Maaꞌi nge manata-diananga, na ilenimwaꞌenga, na hanuelamanga, na saemamae, na aamasinge, na diananga. A Liꞌoa Maaꞌi ko da kie ke neꞌi iinoni nou-norue,

Matiu 10:40

Oto a Jisas ko heꞌi teꞌuri loꞌu, “Nga iini ko tekuhiꞌomu nge ko tekuhieu eena. Na nga iini nge ko tekuhieu ko tekuhie noꞌone iini e uusungeꞌinieu mei.

Matiu 18:10

Oto a Jisas ko heꞌi teꞌuri loꞌu, “Omu ke lio talamiu mwaanie omu lio tolingeꞌinie nga kele iini aana mo iini e hiiwalaimoli eeku. Aana no ko unue oto huniꞌomu uri ikire kire toꞌo aana mo ensel huni kakalire, na mo ensel ngeena kire sai ere mola peꞌie Aamaku i Lengi aana taꞌena nga maholo.

1 Jon 4:20

Mala nga iini ko unue uuri, “Nou manata diana hunie a God,” taꞌe ko ngiduupu mola hunie aasine, ingeie ngeena iinoni eero-eero mola. Aana e aasa kei manata diana hunie a God, iini e kaꞌa lee-leesie, mala uri e kaꞌa sai manata diana hunie aasine, iini nge ko lee-leesie tarau.

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Epesas 5:30

na ikie oto mo sasarai ola aana sapena Kraes.

Kalesia 5:13

Iꞌomu, maeni eesiku maaꞌi, a God e soiꞌomu uri hunie omu ke iiꞌo luhetaꞌi mwaanie mo Haꞌatolanga a Mosis. Taꞌe mwaanie omu loꞌongaꞌinie uri omu iiꞌo luhetaꞌi huni oorahaꞌaa mola mala saemiu. !Haꞌike! Omu ke peꞌiꞌomu aani manata-diananga huniꞌomu heiliu.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Matiu 28:10

Oto a Jisas ko teꞌuri hunirerue, “Mwaanie more maꞌu-meꞌu, taꞌe more ke lae taꞌi unue hunie maeni eesiku uri kire ke lae hai Kalili, na kire ke si leesieu oto hai leune.”

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

2 Korinit 4:5

Iꞌemeelu, melu kaꞌa laeliwala ike mola i suliꞌemeelu maraameelu, taꞌe melu ko laeliwala aana a Jisas Kraes uri ingeie oto Aalaha, na iꞌemeelu mo iinoni euꞌesu iꞌomu mola aana melu ko lulu i sulie a Jisas.

Tataroha Diana I Sulie A Jisas Kraes Nge A Jon E Uusue 20:17

Oto a Jisas ko si teꞌuri hunie a Meri, “Mwaanie o hele-hele aaku urine aana nou kaꞌa tahelaꞌi ue i saana Aamaku. Taꞌe saeku o ke lae i haꞌarongoa mo pwaarongoisuli ineu uri no ko tahelaꞌi i saana Aamaku na Aamamiu, na God ineu na God iꞌomu.”

Matiu 25:39

?Maholo uri taa nge o siꞌohaꞌa aani maelaa wa o iiꞌo i laona nume ni hoꞌo nge emi maatoliꞌo?’

Matiu 25:45

“Oto ineu, a Inemauri, ne ke si aalamire uuri, ‘No ko unue oto huniꞌomu uri nga taa nge omu kaꞌa da hunie nga kele iini aana mo eesiku ienini, omu kaꞌa da ike oto hunieu noꞌone eena.’ ”

Tataroha Diana I Sulie A Jisas Kraes Nge A Luk E Uusue 19:38

Na kire ko teꞌuri, “!God ke haꞌadianaꞌaa inemauri ko lae mai nunuhaꞌana satana Aalaha! !Hanuelamanga i Lengi na manikuluꞌanga hunie a God!” Sam 118:26

Haataꞌinge 17:14

Na kire kei ooho honosie a Kalei Sipu ngeena. Taꞌe a Kalei Sipu ingeie oto aalaha paine haahie mo aalaha, na ingeie oto inemauri haahie mo inemauri. Oto ingeie na mo iini e lio hilisire na e soire na kire lulu i sulie taraꞌasi, kire kei aꞌailaꞌasie mola mo inemauri ngeena.”

Haataꞌinge 19:16

Na uusulana nga satai ola e lae aana toꞌoni ingeie na sasahana uuri, inemauri haahie mo inemauri, na aalaha haahie mo aalaha.