Matiu 25:35 - Tataroha Diana

³⁵ Aana nou hiolo na omu haꞌangaueu. Nou maarou, na omu haꞌa-inuhieu. Maholo nou kaꞌa toꞌo aana nga leu ni iiꞌo ineu, omu tola konieu aana mo nume iꞌomu.

Matiu 25:35 Referans Kwoze

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

Jemes 1:27

Taꞌe asunge toꞌohuu aana soihaadaꞌinge nge a God Aamaka e saetoꞌo aana oto uri huni peꞌie mo reiꞌinge, na mo nao nge kire maitale, na huni kinetaꞌiniꞌo maraamu mwaanie tataꞌalanga aana walumalau.

Uusu-uusu A Pol Hurula'aa Hunie Mo Rom 12:13

Omu ke peꞌie mo iinoni a God aana maholo kire ko lae oodoie aasanga, na omu ke tola konie mo awataa i laona mo nume iꞌomu.

Uusu-uusu A Pol Hurula'aa Hunie Mo Rom 12:20

Oto mwaanie omu suꞌu-suꞌue aaelanga, taꞌe omu ke haꞌadianaꞌaa mola mo maelonga iꞌomu, aana mo Uusu-uusu Maaꞌi e unue noꞌone uuri, Mala uri maelonga iꞌoe ko hiolo, o ke nii ngeulaa ana. Na mala uri ko maarou, o ke nii wei ana. Mala uri o kei deu urine hunie, nge o kei kumwaa saewasunge ingeie. Provebs 25:21

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Pilimon 1:7

Malahuku diana, manata-diananga iꞌoe hunie mwala a God e da kire ko tohungei hii diana, na aena mei olana o da ineu noꞌone, no ko tohungei ilenimwaꞌe na saeku e susu.

1 Timoti 5:10

Mo nao keni urine kire ke neꞌie oto mo iini nge ahutana mwala kire lio saie uri kire ko esuie mo ola diana tarau. ?Uri e haꞌasai diana taane aana mo mwela ingeie? ?Uri e totola konie taane mo awataa? ?Uri e rararetaꞌinie taane kira hiiwalaimoli peꞌi haꞌamwai-mweiꞌanga? ?Uri e peꞌi-peꞌie taane kira siꞌohaꞌa? ?Uri e oꞌoꞌo aakau taane huni peꞌie taꞌena nga iinoni? Mo nao keni repo nge tolahada e diana urine o ke si uusue satada hunie soihaadaꞌinge ke lio i sulire.

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

Uusu-uusu A Pol Hurula'aa Hunie Mo Rom 16:23

A Gaeas noꞌone ko niie wau mei wala ni saediananga huniꞌomu. Ingeie oto e tola konieu a Pol i nume ingeie aana maholo ienini, na e toliꞌaasie noꞌone nume ingeie hunie mwala aana soihaadaꞌinge ke loko aana. A Erastas iini lio-lio i suli toꞌoha aana huilume ienini, na aasikaelu a Kuotas kirerue ko niie noꞌone mei wala ni saediananga huniꞌomu.

Palonga 16:15

Oto ingeie na ahutana mwala aana nume ingeie kire si loto maaꞌi na ko haaraiꞌemeelu oto huni lae wau i nume ingeie, na ko teꞌuri, “Mala uri omu ko loꞌongaꞌi uri nou hiiwalaimoli toꞌohuu aana Aalaha, nge omu ke lae kaꞌu mei iiꞌo i nume ineu.” Oto aana e ere haꞌa-olaꞌemeelu urine, nge melu si lae huni iiꞌo peꞌie i nume ingeie.

Palonga 11:29

Oto ahutana kira hiiwalaimoli kire si meni neꞌisae tararuru huni peꞌie soihaadaꞌinge aana poꞌo ni henue i Jiudia i sulie e nite nga iini aada e sai uusungeꞌinie.

Palonga 10:31

Oto ko teꞌuri, ‘Konilias, a God e pwani rongoa oto aarengaꞌinge iꞌoe, na e lio saie oto nga taa o ko euꞌesuie huni peꞌie kira maitale.

Palonga 4:32

Oto ahutana mo iini kire hiiwalaimoli kire si meni neꞌisae tararuru i sulie walu ola. Nga iini e kaꞌa loꞌongaꞌinie ike uri mo ola e toꞌo aani uri mo ola oto ingeie maraana, taꞌe mo ola nge nga iini e toꞌo aani mo ola ahutada mango.

Tataroha Diana I Sulie A Jisas Kraes Nge A Jon E Uusue 13:29

Ngaeta mo iini aana mo pwaarongoisuli kire loꞌongaꞌinie e ere urine aena aana a Jiudas mone ko lio i sulie mei toꞌoha ikire, oto ohe a Jisas e unue hunie uri ke lai holie nga mo ola kire saetoꞌo aani hunie houlaa, wa huni niie nga mo ola hunie kira maitale.

Tataroha Diana I Sulie A Jisas Kraes Nge A Luk E Uusue 11:41

Taungei hoda-olanga urine e kaꞌa roroꞌa ike. Taꞌe mala omu ke nii ola mola i laona mo nime na mo kao-kao ngeena ana kira maitale, haꞌalaa ahutana walu ola ngeena ke si meni rereꞌa toꞌohuu huniꞌomu.

Tataroha Diana I Sulie A Jisas Kraes Nge A Mak E Uusue 14:7

Kira maitale kire ko oꞌoꞌo peꞌiꞌomu oto tarau, na omu sai peꞌire mola aana taꞌena nga maholo. Taꞌe ineu nou saꞌa iiꞌo tewa ike loꞌu peꞌiꞌomu.

Matiu 26:11

Aana mo iinoni meitale kire kei iiꞌo peꞌiꞌomu mola tarau, taꞌe ineu nge nou saꞌa iiꞌo ike peꞌiꞌomu taraureꞌi.

Matiu 25:40

“Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’