Matiu 25:30 - Tataroha Diana

³⁰ Oto aana ko urine, omu ke aasie mwane auꞌesu aaela ngeena taꞌi sinaha i laona rodohono, leu ngaranga na saehuunge e paine aana.’ ”

Matiu 25:30 Referans Kwoze

Matiu 8:12

Taꞌe mo Jiu nge a God e lio hilisire kaꞌu oto i naꞌo hunie aalahanga ingeie, aasilada kei lae mola sinaha i laona rodohono. Na kire kei iiꞌo ni saehuunge mola peꞌie ngaranga.”

Matiu 22:13

“Oto inemauri ngeena ko unue hunie mwala auꞌesu ingeie uuri, ‘Omu ke pwasue e ro nimana na e ro aeꞌaena, oto omu ko aasie i laona rodohono poꞌoi sinaha, leu nge mwala kei iiꞌo ni ngaranga peꞌi saehuunge oto hiitoꞌo aana.’ ”

Matiu 13:50

Na kire kei aasire i laona dunge ni haꞌamotaahinge, leu ngaranga na saehuunge e paine aana.”

Jiud 1:13

Mwala urine kire kaꞌa sai masa ike haahie mo tataꞌalanga ikire, na kie sai leesiꞌi mola mala rama-rama nge aahe ko aasiꞌi i oone. Kire urihana mola mo tatahorade, aana haꞌamangolani oto i laona rodohono pupulu, na e urine noꞌone hunie mwala ngeena aana a God e koni aakau oto aana nga leu loosire i laona rodohono pupulu oto di.

Taetas 3:14

O ke haꞌaninaa mwala aana soihaadaꞌinge hunie kire ke mwaꞌe-mwaꞌe ni esuie mo ola diana huni peꞌi-peꞌie ngaeta mwala, na mwaanie kire lalawa huni esuie mo ola diana.

Tataroha Diana I Sulie A Jisas Kraes Nge A Jon E Uusue 15:6

Aana nga iini e kaꞌa iiꞌo susu eeku, aasilana kei lae mola mala sasarai ola aaela, oto ko nunulu mola. Na mo sasarai ola urine, kire ke soꞌokoniꞌi na aasileni ke lae mola i laona dunge hunie ke waru tetehu.

Tataroha Diana I Sulie A Jisas Kraes Nge A Luk E Uusue 13:28

“I leune omu kei iiꞌo ni saehuunge mola peꞌie ngaranga. Aana omu kei leesie a Ebraham, na a Aesak, na a Jekob peꞌie mo propet oto i naꞌo ikire i laona Aalahanga a God, na iꞌomu, aasilemiu kei lae mola poꞌoi sinaha mwaanie leune.

Matiu 24:51

Oto aalaha ngeena kei tohungei haꞌaloi letehie koni-konihe ingeie ngeena, na kei uusungeꞌi aasie oto peꞌie mwala ko lupweꞌi deu-deu. I leune kire kei iiꞌo mola peꞌie ngaranga na saehuunge paine.”

Matiu 13:42

Oto kire kei aasire i laona dunge ni haꞌamotaahinge, leu ngaranga na saehuunge e paine aana.

Haataꞌinge 21:8

Taꞌe mwala kire ko meꞌuteꞌinie mola sapesalunge i tehulaꞌana Jisas, na mo iini kire ko eeliꞌu mola mwaanie a Jisas, na mo iini kire ko talei deu tataꞌala, na mo iini kire ko talei horo, na mo iini kire ko mei-mesi, na mo iini kire ko siꞌo-siꞌo, na mo iini kire ko palo-paloa mo god eero-eero, na mo iini kire ko eero-eero, kire kei meni iiꞌo mola i laona dunge ni haꞌamotaahinge aana mo heu eeso-eeso, na ruana nga maenga otona.”

2 Pita 2:17

Mo haꞌa-uusuli eero-eero ngeena, ikire mo ola mwaakule mola. Kire ko heiholotaꞌinie mo ola diana, taꞌe mo wala mwaakule mola ni ngeena. Oto kire urihana mola mo huulaa e mwaꞌa. Na kire urihana mola mei rorodo e aꞌate nge e kaꞌa sai niie nemo hunie hohola ke aahu. Na a God e hele aakau oto aana leu ni haꞌamotaahinge talada, nge rodohono e paine aana.

Matiu 5:13

Oto a Jisas ko heꞌi teꞌuri loꞌu hunie mo pwaarongoisuli ingeie, “Iꞌomu oto domana ahaa hunie mo iinoni aana walumalau ie. Taꞌe omu ke saie uri dianahaꞌana ahaa nge kei eiꞌaa mwaanie, o saꞌa roroꞌa ni esuie loꞌu hunie ke ahaala. Mala ko urine oto, na e kaꞌa diana ike loꞌu hunie nga mei ola eena. Na aasilana kei lae oto mola i sulie tala na mwala kei uuri puli-pulisie oto.”

Matiu 3:10

Aana a God e urihana mwane e neꞌi aakau oto aana hakesi i aeꞌaena mo ei, na mo ei nge kire kaꞌa hungu ike aani hue-huei ei diana, kei tohu aasiꞌi na aasileni kei lae i laona dunge.