Matiu 25:21 - Tataroha Diana

²¹ “Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, oto ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Matiu 25:21 Referans Kwoze

Matiu 25:23

“Oto aalaha ingeie ko aalamie uuri, ‘O tohungei deu diana, na iꞌoe oto mwane auꞌesu diana, iini ni nou-norue. O lio i suli diana aana mo ola kaꞌa hunge, ne kei neꞌiꞌo o ke lio i sulie loꞌu mo ola hunge. Lae mai na o ke ilenimwaꞌe peꞌieu.’

Tataroha Diana I Sulie A Jisas Kraes Nge A Luk E Uusue 16:10

Nga iini nge e sai kinetaꞌinie nga mo ola kaꞌa hunge, ingeie ngeena e sai kinetaꞌinie noꞌone mo ola hunge. Na nga iini nge e kaꞌa sai lio i suli diana aana mo ola kaꞌa hunge, ingeie ngeena e saꞌa lio i suli diana aana ike noꞌone mo ola hunge.

Tataroha Diana I Sulie A Jisas Kraes Nge A Jon E Uusue 12:26

Taꞌena nga iini ko sare asu nekue, nge ke lulu i sulieu oto, uri hunie iini euꞌesu ineu ke iiꞌo oto peꞌieu aana leu no ko iiꞌo aana. Na nga iini ko esu nekue, nge a Aamaku ke si haꞌapainaꞌaa i maana mwala.

2 Timoti 2:12

Mala uri kie ko iiꞌo susuleꞌi mola aana hiiwalaimolinge maꞌalana kie ko sapesalu, nge kie sai aalaha noꞌone mola peꞌie. Taꞌe mala uri kie ko taateingeꞌinie uri kie kaꞌa saie ike a Kraes, nge ingeie kei taateingeꞌinikie noꞌone uri e kaꞌa saikie.

Haataꞌinge 3:21

“Hunie mo iini nge kire kei aꞌailaꞌa taraꞌasi honosie aaelanga, nge ne kei niie nada iiꞌo-iiꞌoha huni iiꞌo peꞌieu i lengine naunekume ineu, mala kaꞌu nou aꞌailaꞌa taraꞌasi na nou iiꞌo oto peꞌinie a Mamaꞌa i lengine naunekume ingeie.

Tataroha Diana I Sulie A Jisas Kraes Nge A Jon E Uusue 14:3

Na i purine no ko lae i deu aakau aana nga leu talamiu, ne kei heꞌi ooli loꞌu mei, hunie uri omu ke iiꞌo peꞌieu aana leu ne kei iiꞌo aana.

Tataroha Diana I Sulie A Jisas Kraes Nge A Jon E Uusue 17:24

“Mamaꞌa, nou saetoꞌo aana mo iini nge o maire oto nakue, kire ke iiꞌo oto peꞌieu aana leu no ko iiꞌo aana. Saeku hunie uri kire ke leesie manikuluhaꞌaku, mei menikuluꞌanga nge o niie nakue aana o manata diana hunieu oto wai naꞌona haꞌaholalana walumalau.

Haataꞌinge 2:10

Mwaanie omu meꞌu-meꞌuteꞌinie nga mei ola aana walu ola nge karaꞌinie oto kire kei reu eemiu ngeena. !Omu ke rongo kaꞌu! A Pwelu Eero-eero kei malaahongamiu na kei aasie ngaeta mo iini eemiu i laona nume ni hoꞌo, na taungeꞌinilemiu kei lae mola i sulie aawalai hei dinge haahuu. Omu ke hele susuleꞌi mola aaku lai hule aana maenga, oto ne kei niie huniꞌomu rorodara ni meurihe.

Matiu 24:45

Oto a Jisas ko heꞌi unue loꞌu uuri, “?Aana a tei kaꞌu e saenanau na e neꞌi koni-konihe diana? Ingeie oto iini nge aalaha ingeie e neꞌie hunie ke lio i sulie ngaeta mwala auꞌesu aana maholo ko lae, na hunie ke nii-niie waaitada hunire i suli maholo.

Pilipae 1:23

E ro mei ola nge saeku ko eune i suliꞌi, uri ne ke mae mola hunie ne ke iiꞌo peꞌie a Kraes, aena aana tohungei leu diana nakue otona,

Haataꞌinge 7:17

aena aana a Kalei Sipu nge e uure i naꞌona naunekume, ingeie oto kakalihe ikire. E sai naꞌoda takoie huulaa ni wei meuri. Na a God kei usuri aasie ahutana mo wei ni aakalo mwaanie maada.”

Uusu-uusu A Pol Hurula'aa Hunie Mo Rom 2:29

Tohungei iinoni ni Jiu oto iini nge manatana e oodo oto peꞌie a God, na tohungei haꞌa-ara aana iinoni a God, mei hei-oolisinge takoie a God nge a Liꞌoa Maaꞌi ko esuie aana saena iinoni. Leu ngeena e kaꞌa lae ike mai mwaanie mo Haꞌatolanga nge uusuleni e sai lae i laona mo puke, taꞌe Liꞌoa Maaꞌi a God oto mola hahaiteli ni e sai esuie. Taungei iinoni urine e kaꞌa saetoꞌo aana ike mwala ke lahea, taꞌe saena mola hunie a God ke lahea.

Tataroha Diana I Sulie A Jisas Kraes Nge A Luk E Uusue 12:44

Mala ko urine, nge no ko unue oto huniꞌomu uri aalaha ngeena ke si neꞌie oto koni-konihe ngeena hunie ke lio i sulie oto ahutana toꞌo-toꞌolana.

Matiu 25:46

Oto a Jisas ko si ere ooreta uuri, “Mwala ngeena haꞌamotaahilada kei lae taraꞌasi oto. Taꞌe mo iini e oodotaꞌi kire kei lae oto i laona maurihe huu.”

Matiu 24:47

Mala ko urine, nge no ko unue oto huniꞌomu uri aalaha ngeena ke si neꞌie oto koni-konihe ngeena hunie ke lio i sulie oto ahutana toꞌo-toꞌolana.

Haataꞌinge 21:7

Taꞌena nga iini nge kei aꞌailaꞌa taraꞌasi honosie aaelanga kei toꞌo aana mo ola ienini. Na ne kei neꞌie oto God ingeie, na ingeie kei neꞌie oto kaleku.

Hibru 12:2

Kie ke lae peꞌi lio hahuroto aana a Jisas uri ingeie ni e aehotaa mei hiiwalaimolinge ikie, na ingeie oto ko lio i sulie hiiwalaimolinge ikie lai hule aana haꞌamangolana. Maꞌalana maenga i lengine poꞌu-poꞌu mei ola ni masanga oto paine, taꞌe ingeie e neꞌisae mwai-mweisie mola masanga ngeena na e lae peꞌi aꞌailaꞌa mola maꞌalana kire horoꞌie i lengine poꞌu-poꞌu urine. Ingeie oto e mwaꞌe-mwaꞌe ni mae urine aena aana e neꞌisae paine oto haahie ilenimwaꞌenga nge kei hele aana mai puri, na aana maholo ienini, e iiꞌo oto i pwalo-pwalona God huni aalaha peꞌie.

2 Korinit 10:18

Aana iinoni nge a Aalaha e neꞌisae paine aana haꞌalaa a God ko saetoꞌo aana, e kaꞌa ike iinoni nge e neꞌisae paine aana mola maraana.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

2 Korinit 5:9

Taꞌa-taꞌa mei eehuꞌi ola kie saetoꞌo aana, maꞌalana kie ke iiꞌo aana sapeka mai aano i leu wa kie ke oopa mwaanie na kie ke iiꞌo oto taꞌau i Lengi, taꞌe kie saetoꞌo aana mola uri a Aalaha ke ilenimwaꞌe haahikie.

1 Timoti 3:13

Mo iini nge kire ko peꞌi-peꞌi diana urine i laona soihaadaꞌinge, ikire oto mwala kei haꞌamaꞌu aada. Na ikire maraada, kire ke si aꞌailaꞌa ni unu tahangaꞌinie hiiwalaimolinge ikire aana Kraes Jisas.