Matiu 25:14 - Tataroha Diana

¹⁴ Oto a Jisas ko heꞌi unue loꞌu uuri, “Aana maholona Aalahanga a God kei urihana nga mwane paine e tauleꞌi huni lae aana ngaeta hanue. I naꞌona kei lae, a mwaena e saro ere-ere peꞌie mwala auꞌesu ingeie. Oto ko unue hunire uri kire ke lio i suli diana aana mo ola ingeie maholo ko lae.

Matiu 25:14 Referans Kwoze

Tataroha Diana I Sulie A Jisas Kraes Nge A Mak E Uusue 13:34

Aena aana kei urihana, mwane e lae mwaanie nume ingeie hunie ngaeta hanue. Oto e neꞌie mo mwane auꞌesu ingeie hunie kire ke lio i sulie nume, na e niie mo esunge hai aaopaꞌi hunie mwala auꞌesu ingeie, oto e si unue hunie kakalihe hunie ke kakali diana.

Epesas 4:11

Na ingeie oto e niie mo niinge hunie soihaadaꞌinge ingeie, aana e lio hilisie nga mo iini huni neꞌi hurulaꞌaa, na nga mo iini huni neꞌi propet, na nga mo iini huni tarohaꞌinie Tataroha Diana, na nga mo iini huni lio i sulie soihaadaꞌinge, na nga mo iini huni haꞌa-uusulie mwala.

1 Korinit 12:4

Mo taungei niinge ni Liꞌoa kire hunge na kire mani hei aaopaꞌi, taꞌe taꞌa-taꞌa Liꞌoa mola ni ko niiꞌi.

Matiu 21:33

Oto a Jisas ko heꞌi ere ni aalahuunge loꞌu hunie mwala uuri, “Omu ke rongoa loꞌu mei wala ni aalahuunge ie. Ngaeta mwane e oꞌoꞌo oto ko hesie hohola aani grep. Oto e para ahuie, na e asuie leu huni loosie mo grep hunie kei neꞌi waen, na e tohue saohai nume huni kakakali. Oto e haꞌamangoa hahuꞌana hohola ingeie ngeena urine, e si haꞌahaulaa aana ngaeta mo mwane hunie kire ke lio i sulie aana maholo ko lae i suli henue.

1 Korinit 3:5

?Haꞌalaa nga taa nge loꞌongaꞌinge iꞌomu aamereꞌi a Apolos? Iꞌemereꞌi e ro mwane auꞌesu mola a God ni ngeena. Mere peꞌiꞌomu oto mola hunie omu ke hiiwalaimoli aana a God, aana iꞌemereꞌi, mere asuie mola mo esunge hai aaopaꞌi nge a God e niiꞌi huniꞌemereꞌi huni esuiꞌi.

Tataroha Diana I Sulie A Jisas Kraes Nge A Luk E Uusue 20:9

Oto a Jisas ko ere ni aalahuunge loꞌu hunie mwala uuri, “Ngaeta mwane e oꞌoꞌo oto ko hesie hohola aani grep. Oto e haꞌahaulaa aana ngaeta mo mwane hunie kire ke lio i sulie maholo ingeie ko lae i suli henue, na e lae ngeena e kele lai iiꞌo tewa.