Matiu 25:13 - Tataroha Diana

¹³ Oto a Jisas ko si haꞌamangoa aalahuunge ngeena uuri, “Omu ke dau aakau taraureꞌi suli maholo, aana omu kaꞌa saie ike hai dinge wa maholoi sato ineu a Kale Ni Iinoni ne kei ooli loꞌu mei.”

Matiu 25:13 Referans Kwoze

1 Tesalonaeka 5:6

Oto kie ke suꞌuri urihana mwala aana rodohono ni welumalau nge kire ko talei maꞌa-maꞌahu mola, taꞌe kie ke iiꞌo aakau mola tarau loosie a Aalaha mala mo iini kire ko lio-lio diana taraureꞌi na kire kaꞌa inu wei ni pweu ike.

Haataꞌinge 16:15

Oto e oolu liꞌoa aaela ngeena kire lokoa oto mo inemauri aana leu kire haaraꞌinie aana erenga mo Jiu uuri, “Amakedon.” Oto a Kraes e si unue uuri, “!Omu ke pwaarongo kaꞌu! Ne kei lae mai mala iinoni peli-peli aana maholo omu saꞌa lio saie ike. Deidehie mo iini nge kire ko iiꞌo aakau loosie oolinge ineu mei. Mo iini urine kire urihana mo iini kire kaꞌa maꞌahu na kire hoꞌo aakau mola aana mo toꞌoni ikire mwaanie kire iiꞌo mwaakule na kire masa maholo ne kei hule.”

Tataroha Diana I Sulie A Jisas Kraes Nge A Luk E Uusue 21:36

Oto omu ke kakali diana peꞌi aarengaꞌinge taraureꞌi, hunie omu ke uure aꞌailaꞌa huni lae sapemawa i matolana walu ola kei reu ngeena, lai hule aana maholo omu kei uure i naꞌoku a Kale Ni Iinoni.”

1 Korinit 16:13

Omu ke lio talamiu na omu ke hiiwalaimoli ngaingedi. Omu ke suꞌuri meꞌu, taꞌe omu ke uure maꞌutaꞌa.

1 Pita 5:8

Taꞌe maelonga paine iꞌomu ngeena, a Pwelu Eero-eero, ko talei lae kali-keliꞌomu oto mola tarau huni waeliꞌomu. Ingeie ngeena domana oto nga laeon ko lae peꞌi tea paine aana ko lio hunie nga iini huni oonomie. Oto omu ke lio-lio diana talamiu, na omu ke kinetaꞌinie tolahamiu mwaanie aaelanga.

Matiu 24:50

oto aalaha ingeie kei hule mola, na e kaꞌa dau aakau ike. Na ko hule noꞌone mola aana maholo koni-konihe ngeena e kaꞌa loꞌongaꞌinie huni maaꞌoohie.

1 Pita 4:7

Maholo ie ko karaꞌinie oto haꞌamangolana ahutana walu ola. Oto omu ke loꞌo-loꞌongaꞌi diana na omu ke kinetaꞌinie tolahamiu mwaanie nga mei ola e waelie aarengaꞌinge iꞌomu.

2 Timoti 4:5

Taꞌe iꞌoe oto o ke loꞌo-loꞌongaꞌi diana tarau, na o ke uure aꞌailaꞌa mola maꞌalana uri o ko lae oodoie loꞌu aasanga. O ke lae taraꞌasi mola peꞌie tarohaꞌinilana Tataroha Diana, na o ke asuie toꞌohuu mei esunge a God e niie huniꞌo ngeena.

Palonga 20:31

Oto omu ke tohungei lio talamiu. Omu ke aamasitoꞌo aana mo haꞌapasulinge nge nou nii-niie huniꞌomu tarau, na nou sapesalu i suliꞌomu hunie e oolu helisi.

Matiu 25:12

“Oto poro haalu ngeena ko si aalamire mola uuri, ‘No ko unue oto huniꞌomu uri nou kaꞌa manataꞌiniꞌomu ike.’ ”