Matiu 25:1 - Tataroha Diana

¹ Oto a Jisas ko heꞌi unue loꞌu uuri, “Aana maholona aalahanga a God kei urihana aawalai keni haalu nge kire lae huni maaꞌoohie poro haalu aana ko lae mai hunie aaharota ingeie. Kire toolea mo laite ikire peꞌire.

Matiu 25:1 Referans Kwoze

Haataꞌinge 19:7

Kie ke sae-sae diana peꞌi ilenimwaꞌenga na kie ke soi haꞌamanikuluꞌaa God, aena aana haꞌarurunge a Kalei Sipu e toꞌo mone oto, na huꞌe haalu ingeie e iiꞌo aakau oto.

Haataꞌinge 21:9

Oto ngaeta iini aana e hiu ensel nge kire hele-hele aana kaꞌu e hiu kao-kao aana e hiu haꞌamotaahinge ooreta, e lae mai seeku na ko teꞌuri, “Lae mai i leu, na ne ke haataꞌinie aamu mo iini nge ikire oto domana huꞌe haalu a Kalei Sipu.”

Haataꞌinge 21:2

Na nou leesie hanue maaꞌi ko lae mai uure taꞌau i Lengi mwaanie a God. Kire dau aakau aana mala huꞌe haalu e toꞌoni eeni toꞌoni lauleuniꞌe hunie kei haꞌaruru peꞌie poro ingeie. Hanue maaꞌi ie nge satana Jerusalem Haalu.

Tataroha Diana I Sulie A Jisas Kraes Nge A Jon E Uusue 3:29

Maholo haꞌarurunge ko lae, a poro haalu oto iini nge ko toꞌo keni. Taꞌe tohungei malahune poro haalu ngeena nge e naꞌona laeha hunie tola-keninge, ingeie ko si ilenimwaꞌe mola haahie haꞌarurunge a poro haalu ngeena. Oto ineu domana malahune poro haalu ngeena, na ilenimwaꞌenga ineu ko lae mola mai oa urine.

Matiu 13:24

Oto a Jisas ko heꞌi unue loꞌu ngaeta mei aalahuunge hunie mwala uuri, “Aalahanga a God e urihana iinoni e hasie mo litei ola diana mala kooni i laona hohola ingeie.

Haataꞌinge 14:4

Mo mwane ienini kire kinetaꞌinire maraada hunie kire ke iiꞌo rereꞌa taꞌingelu mala mo iini nge kire kaꞌa hele roroꞌanga ike peꞌie nga keni. Na kire lulu i sulie a Kalei Sipu aana ahutana mo tolahai ola diana ingeie. E tapa oolisire mwaanie walumalau, na ikire oto domana niinge aani hiki-olanga nge niileni e lae hunie a God na a Kalei Sipu.

Taetas 2:13

Na kie ko maaꞌoohi susutoꞌo mola hunie hai dinge nge mei ola e diana oto liutaa na e tohungei menikuluꞌe kei reu, hai dinge nge kie hiiwalaimoli uri hahuꞌana God ikie a Jisas Kraes kei haro ooli loꞌu mei aana. Ingeie oto a Haꞌa-uuritaka

Matiu 22:2

“Aalahanga a God e urihana ngaeta inemauri e dau aaharota i sulie a kalena.

2 Timoti 4:8

Na waaite nge ne kei toolea i maana halinge ngeena e iiꞌo aakau loosieu oto, aana ineu nou iiꞌo oodotaꞌi oto i maana God. A Aalaha kei lei oodotaꞌi aana ahutana mwala, na aana Dinge Ooreta ke si waaieu taane. E saꞌa da ike leune hunieu haliꞌite, taꞌe hunie ahutana mo iini kire manata diana hunie na kire ko maaꞌoohie oolinge ingeie mai.

Matiu 3:2

“Omu ke aaliꞌu toꞌohuu mwaanie oorahaꞌaa aena aana Aalahanga a God ko karaꞌini oto mai.”

1 Korinit 11:2

Na no ko laheꞌomu aena omu ko aama-aamasitoꞌo aaku taraureꞌi taane, na omu ko lae-lae i sulie mo haꞌa-uusulinge nge nou niiꞌi huniꞌomu.

Matiu 20:1

Oto a Jisas ko heꞌi ere loꞌu uuri, “Aalahanga a God e urihana nga naꞌohai mwane nge e toꞌo aana hohola, na e iisitaa oto i maahuꞌo-huꞌo huni haaraie nga mwala huni holire huni esu nana aana hohola ingeie.

Matiu 13:47

“Aalahanga a God e urihana noꞌone huꞌo mwala wee-weesi kire aasie i eesi, oto kire ko weꞌi haahie taꞌe-taꞌena nga iiꞌe oto mola.

Matiu 13:38

na hohola walumalau eena. Litei ola diana mwala aana Aalahanga a God eena, na mo rea oto mo iinoni a Satan,

Haataꞌinge 4:5

Na uure mwaanie naunekume paine ngeena, waꞌariri ko eeso na lou-lou ko kakahite. Na i naꞌona naunekume, e hiu maai dunge ko eeso-eeso, na ikire e hiu liꞌoa a God otona.

2 Korinit 11:2

Mala mo mamaꞌa ko lio i sulie mo keni kaleda hunie kire ke neꞌi keni raoriꞌi lae-lae hule aana kire kei haꞌaruru aana kire toꞌo poro, nge ineu noꞌone no ko lio i suliꞌomu urine i naꞌona God. No ko lio i suliꞌomu oto mala a God ko lio i suliꞌomu, aana nou heiholotaꞌinie oto uri omu kei toꞌo aana mola nga taꞌa-taꞌa poro, na porona oto a Kraes. Saeku omu ke hiiwalaimoli mola aana a Kraes hahaiteli hunie uri aana hai dinge haꞌarurunge, nou sai maaiꞌomu taꞌau nana a Kraes mala oto nga keni raoriꞌi.

Matiu 9:15

A Jisas e aalamire uuri, “?Mo malahune a poro haalu kire kei saehuu uri taa na kire ko ngeu-ngeu ue aana ngauhe ni haꞌarurunge na a poro haalu e iiꞌo ue peꞌire? Taꞌe kei hule aana hai dinge nge kire kei toolea poro haalu mwaanire, nge kire ke si oolongau taane.”

Matiu 5:16

Oto iꞌomu, omu ke urine noꞌone. Raa-raa iꞌomu ke raangie ahutana mwala, hunie kire ke lio saie mo ola diana nge omu ko esuiꞌi na kire ke soi haꞌamanikuluꞌaa Aamamiu i Lengi i tehulaꞌani.”

Palonga 20:8

Na mo sine hunge kire eeso i laona duru nge melu ruru i laona taꞌau i lengi.

Matiu 13:31

A Jisas ko heꞌi unue loꞌu ngaeta mei aalahuunge hunire uuri, “Aalahanga a God e urihana iinoni e hasie litei ola aana ai mastad i laona hohola ingeie.

Matiu 25:7

“Oto ahutana mo keni kire ko meni lio oto, na kire ko deu aakau oto aana mo laite ikire.

Haataꞌinge 8:10

Oto oolune nga ensel e uuhie loꞌu aahuri ingeie. Na ngaeta ho heeꞌu peine e eeso mala waꞌariri, na ko ooho toli oto mai uure taꞌi salo. Na e teke i laona oolune ngaeta poꞌo ni leu aana mo wei peine, na i laona mo huulaa aani wei.