Matiu 23:37 - Tataroha Diana

³⁷ Oto a Jisas ko heꞌi ere uuri loꞌu, “!Aaia Jerusalem, Jerusalem! Iꞌomu oto omu ko horo suuheꞌinie mo propet na omu ko uuꞌi maesie mo iini a God e uusungeꞌinire mai huniꞌomu. Mo maholo hunge nou sasare peꞌiꞌomu mala pwa-pwa ni kue ko lokoa mo kalena i hahana apa-apana huni haꞌa-uurire. Taꞌe omu kaꞌa saetoꞌo aaku ike.

Matiu 23:37 Referans Kwoze

Matiu 23:30

Na omu ko unue uuri, ‘!Saehuu oto hiitoꞌo! Mala emi ke iiꞌo aana pongine mo aamamami, haꞌalaa emi saꞌa dau ike mala ikire huni horoꞌie mo propet.’

Matiu 22:3

Oto inemauri ngeena ko haꞌarongoa mai ngaeta mwala hunie ngauhe. Maholo e dau aakau mango oto aana ahutana mo ola hunie ngauhe, ko si uusungeꞌinie mo koni-konihe ingeie huni soie mwala ngeena ke lae mai. Taꞌe mwalana kaꞌa sare lae ike mai.

Matiu 5:12

Omu kei ile-ilenimwaꞌe oto loꞌu liutaa, aena aana waaitemiu e paine oto taꞌau i Lengi. Na urine e haataꞌi diana aana uri omu urihana mo propet a God oto i naꞌo, aana mwala i naꞌo kire taungeꞌinire noꞌone urine.”

1 Tesalonaeka 2:15

Mwala ngeena kire horo maesie mo propet na Aalaha ikie a Jisas, na kire taungeꞌiniꞌemeelu noꞌone aana kire oohe aasiꞌemeelu mwaanie hanuena. Kire haꞌasaewasuliꞌaa God na kire tohungei waelie taꞌena nga iinoni,

Matiu 22:6

Oto ngaeta mo iini kire tapolie mola mo koni-konihe ngeena, kire ko repusire na kire ko horo maesire oto.

Tataroha Diana I Sulie A Jisas Kraes Nge A Luk E Uusue 15:28

Oto mwane i naꞌo ngeena ko saewasu, na e kaꞌa sare lae ike loꞌu weu i nume na aana ngauhe. Aamana e iisitaa, oto ko lai haaraie uri ke lae mai nume.

Matiu 23:31

Taꞌe omu ko ere urine nge omu tohungei haataꞌi diana aana oto uri iꞌomu, omu uure oto mwaanie mwala nge kire horoꞌie mo propet ni ngeena.