Matiu 21:21 - Tataroha Diana

²¹ Oto a Jisas ko aalamire uuri, “No ko unue oto huniꞌomu uri mala omu ko hiiwalaimoli toꞌohuu na omu kaꞌa neꞌisae rue-ruaꞌa, omu sai da mola nga taa mala nou esuie hunie ai ienini. Na kaꞌa taꞌe ike leu ie, taꞌe hule aana omu sai unue noꞌone mola hunie uuwo ie uuri, ‘O ke pola mola i eesi,’ na kei reu oto urine.

Matiu 21:21 Referans Kwoze

Jemes 1:6

Taꞌe mala o ko suke aana God, o ke hiiwalaimoli aana haꞌalaa. O ke suꞌuri loꞌongaꞌinie o kei noru dile aana, sulie iini ko hii mwaka e urihana naho nge ko aaꞌaro hailiu wai eesi aana iiru.

Matiu 17:20

Oto a Jisas ko aalamire ko teꞌuri, “Aena aana hiiwalaimolinge iꞌomu e kaꞌa susu ike aana a God. No ko unue oto huniꞌomu, mala uri hiiwalaimolinge iꞌomu ke paine mola mala nga kele litei ola, na omu sai unue mola hunie uuwo ie uuri, ‘Lae wau i leune,’ na kei lae oto. Nga mei ola e saꞌa aasaiꞌomu ike.”

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

Matiu 8:12

Taꞌe mo Jiu nge a God e lio hilisire kaꞌu oto i naꞌo hunie aalahanga ingeie, aasilada kei lae mola sinaha i laona rodohono. Na kire kei iiꞌo ni saehuunge mola peꞌie ngaranga.”

Matiu 21:20

Na maholo mo pwaarongoisuli kire leesie urine kire ko si pangataꞌi na kire ko unue uuri, “!Haꞌike eena! ?Ai ngeena e tolana nunulu oto mola lau-leu uri taa?”

Matiu 14:29

Oto a Jisas ko aalamie a Pita uuri, “Lae mola mai.” Oto a Pita e siho mwaanie iiola, ko aehota lae oto honosie a Jisas i kolune aasi.