Matiu 20:31 - Tataroha Diana

³¹ Oto mwala ko ere aadarue uri kirerue ke rohu. Taꞌe kirerue ko si aawara oto loꞌu liutaa uuri, “!Aalaha paine! !Kalena Deved Inemauri, o ke aamasiꞌemereꞌi!”

Matiu 20:31 Referans Kwoze

Matiu 19:13

Oto mwala ko toolea mai mo mwela i saana a Jisas hunie ke hele i pweude aana nimana, na hunie ke aarengaꞌi talada. Taꞌe mo pwaarongoisuli ko ere aada mola.

Kolosi 4:2

Mwaanie omu mou-mou mwaanie aarengaꞌinge taraureꞌi, na mwaanie omu poo-poosuaꞌa loꞌu aana, taꞌe omu ke aarengaꞌi peꞌi paalahenga hunie a God.

1 Tesalonaeka 5:17

na omu ke aarea God mola tarau.

Matiu 15:23

Taꞌe a Jisas e kaꞌa aalamie ike a huꞌena. Oto mo pwaarongoisuli ingeie kire lae mai saana, kire ko teꞌuri hunie, “O ke peꞌie na o ke uusungeꞌi eelihoꞌi aana. Ko lae oto mola i sulikolu peꞌie eꞌengonga.”

Tataroha Diana I Sulie A Jisas Kraes Nge A Luk E Uusue 18:39

Mwala e naꞌo aana laeha ngeena kire ko ere aana uri hunie ke rohu. Taꞌe ko si uulo paine mola liutaa mwaanie holaꞌinaꞌo uuri, “!Kalena Deved Inemauri! !O ke aamasieu!”

Matiu 9:27

Oto aana maholo a Jisas ko lae taꞌau mwaanie numena, e ro mwane kire ulu ko aehota lae i sulie peꞌie soinge uuri, “!Kalena Deved Inemauri, o ke aamasiꞌemereꞌi!”

Matiu 20:30

E ro mwane e ulu kirerue oꞌoꞌo i reune tala i leune, na kirerue ko rongoa uri a Jisas nge ni ko tapaliu. Oto kirerue ko aehota aawara oto uuri hunie, “!Aalaha paine! !Kalena Deved Inemauri, o ke aamasiꞌemereꞌi!”

Matiu 20:32

Oto a Jisas e uure hahuroto, ko dolosi aadarue uuri, “?Nga taa ni more saetoꞌo aana ne ke da huniꞌomoreꞌi?”