Matiu 20:28 - Tataroha Diana

²⁸ Mala oto ineu a Kale Ni Iinoni nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”

Matiu 20:28 Referans Kwoze

Hibru 9:28

Na urine noꞌone, a Kraes e toliꞌaasie maurihaꞌana mola hautaꞌai hunie ke mae mala nga uunu-olanga aana ko helesie haꞌaletehinge haahie mo oorahaꞌaa mo iinoni hunge. Na a Kraes kei heꞌi ruana lae loꞌu mei, taꞌe aana maholo nge ko lae mai ngeena, e saꞌa lae ike mai huni mae honotana mo oorahaꞌaa ikie loꞌu. !Haꞌike! Taꞌe kei lae mai huni toolea mai maurihe huu nana mwala kire ko maaꞌoohie.

Tataroha Diana I Sulie A Jisas Kraes Nge A Luk E Uusue 22:27

?A tei ni e roroꞌa, iini e iiꞌo i aano nge ko maaꞌoohie mola ngaunge, wa iini nge ko raretaꞌi? Toꞌohuu iini nge e iiꞌo i aano oto e roroꞌa. Taꞌe ineu, nou iiꞌo i matolamiu ie mala iini ko hei raretaꞌi.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

1 Pita 3:18

Aamasitoꞌo kaꞌu aana uri a Kraes e sapesalu na hule aana e mae. Ingeie, e kaꞌa mae ike i tehulaꞌana nga mei ola aaela e asuie, aana ingeie iini oodotaꞌi a God, taꞌe e mae mola honotaka mo iinoni kie kaꞌa oodotaꞌi. E mae hautaꞌai hunie ke toolekie aalihoꞌi loꞌu mei i saana God, taꞌe Liꞌoa Maaꞌi a God e taꞌe aalihoꞌi loꞌu aana hunie maurihe huu, na e saꞌa roroꞌa ni mae loꞌu.

1 Timoti 2:6

na e toliꞌaasie maraana hunie ke mae mala nga uuraaꞌinge honotana ahutana iinoni mwaanie kire iiꞌo loꞌu i memelutana oorahaꞌaa. Leune e rau aana tohungana maholo hunie, na ko haataꞌi diana aana uri a God ko sare haꞌa-uurie ahutana iinoni.

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Hibru 5:8

Na maꞌalana e neꞌie kaꞌu Kalena God, taꞌe e haro sapesalu huni haataꞌinie uri e tola i sulie a God oto toꞌohuu.

1 Pita 2:24

Oto maholo a Kraes e lae huni mae i lengine poꞌu-poꞌu e toolea noꞌone oto mo oorahaꞌaanga ikie i sapena. Haꞌaloilana e lae haahie mo oorahaꞌaanga ikie urine hunie kie ke mae mwaanie oorahaꞌaa, taꞌe kie ke mauri loꞌu huni iiꞌo oodotaꞌi taraꞌasi. Na i tehulaꞌana mo malaka i sapena ngeena, nge haꞌa-uurilaka e si lae.

Epesas 1:7

Na i tehulaꞌana a Kraes e tapa oolisikie aana maelana, nge a God e taꞌaasie noꞌone mo oorahaꞌaanga ikie. A Kraes e tohungei haꞌadianaꞌakie aana mo hahuꞌei niinge diana ingeie

Tataroha Diana I Sulie A Jisas Kraes Nge A Mak E Uusue 14:24

Oto a Jisas ko teꞌuri, “Apuku oto ienini nge e aahe i tehulaꞌana mwala hunge, na mei epu nge ko haꞌa-oaie haiholotaꞌinge haalu a God ko esuie peꞌie mo iinoni ingeie.

Matiu 26:28

aana apuku ni ienini nge ko haꞌa-oaie haiholotaꞌinge haalu a God ko esuie peꞌie mo iinoni ingeie. Apuku haꞌa-aahesilana ko lae i tehulaꞌana mo iini hunge huni saeꞌaasie mo oorahaꞌaa ikire.

Epesas 5:2

Manata-diananga oto ke paine i laona mau-meuringe iꞌomu, mala a Kraes e manata diana hunikie na e toliꞌaasie maraana hunie ke mae honotaka. Maenga ingeie hunikie e urihana nga uunu-olanga huni taꞌaasie oorahaꞌaa ikie, na a God e ilenimwaꞌe oto liutaa haahie, mala iinoni ko ilenimwaꞌe haahie dango wau-wesu nge e tohungei wesu mangoni.

Kalesia 3:13

Taꞌe mo Haꞌatolanga a Mosis ko uesie mo iini kire kaꞌa dau i suliꞌi. Aamasitoꞌo kaꞌu aana Uusu-uusu Maaꞌi nge e unue uuri, A God ko uesie taꞌena nga iini nge kire ko aaroroa i lengine nga ai.Diutronomi 21:23 Oto mei olana nge e rau aana a Jisas honotaka, na aena leune nge uesinge aana mo Haꞌatolanga e lae hunie a Jisas. Taꞌe aena leune noꞌone a Jisas e haꞌa-uurikie mwaanie uesinge aana iiꞌonga loꞌu i mamalutana mo Haꞌatolanga.

Uusu-uusu A Pol Hurula'aa Hunie Mo Rom 4:25

Iau, a God e niie mai a Jisas uri hunie ke mae honotana mo oorahaꞌaanga ikie, oto e taꞌe aalihoꞌi aana loꞌu uri hunie kie ke neꞌie iinoni oodotaꞌi i maana.

1 Jon 2:2

Aana ingeie oto e neꞌi uunu-olanga i saana Mamaꞌa, nge e sai haꞌa-oodohie mo oorahaꞌaa ikie. Na e kaꞌa ike taꞌe mo oorahaꞌaa ikie hahaiteli, taꞌe ahutana mo oorahaꞌaa mo iinoni aana walumalau oto noꞌone.

Hibru 2:10

A God oto iini e haꞌaholaa taꞌena nga ola, na ingeie oto tohungei aalaha haahie ahutana mo olana. Na nga taa e asuie aana e toliꞌaasie Kalena ke sapesalu, e tohungei oodo na e malisi, aana saena God hunie Kalena ke haꞌa-uurie mo iinoni oto hunge. Oto aana a Kraes e sapesalu honotaka mo iinoni urine, nge e haꞌamangoa oto asunge ingeie mala a Haꞌa-uuritaka, na e haꞌa-uurie mo iini oto hunge hunie kire ke mani iiꞌo oto peꞌie aana manikuluhaꞌana taꞌau i Lengi.

Matiu 8:20

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Matiu 20:27

Na nga iini hikemiu ko sare neꞌi naꞌohai mwane haahiꞌomu, nge ke neꞌi koni-konihe nana ahutemiu mango.

Tataroha Diana I Sulie A Jisas Kraes Nge A Mak E Uusue 10:45

Aana maꞌalana ineu a Kale Ni Iinoni, nou kaꞌa lae ike mai hunie uri mwala ke asu nekue, taꞌe nou lae mai huni neꞌi koni-konihe nana mwala, na huni niie maurihaꞌaku i tehulaꞌana mwala hunge, na huni holi eelihoꞌi aana mwala hunge.”