Matiu 20:18 - Tataroha Diana

¹⁸ “Kolu ko lae oto hunie i Jerusalem eena, na ineu a Kale Ni Iinoni, pwelolaku kei lae oto taꞌau i leune. Kire kei niieu oto i nimana mo naꞌohai pris na mo haꞌa-uusuli aana mo Haꞌatolanga a Mosis huni lei mae aaku.

Matiu 20:18 Referans Kwoze

Matiu 16:21

Uure aana maholona nge a Jisas e si talaꞌai unu diana aana hunie mo pwaarongoisuli ingeie uuri, “E malisine uri ne ke tohungei lae oto hunie i Jerusalem. I leune mo rato ni mwane aana mo Jiu na mo naꞌohai pris na mo haꞌa-uusuli aana mo Haꞌatolanga a Mosis, kire kei haꞌasapesaluꞌaau aana mo ola hunge, na kire kei horo maesieu. Taꞌe aana oolune nga hai dinge ne kei taꞌelaꞌi loꞌu mwaanie maenga.”

Palonga 2:23

Na a God e lae oto i sulie oalaꞌinge ingeie mala e loꞌongaꞌinie uure oto mai naꞌo maholo e toliꞌaasie uri omu ke tapolie a Jisas hunie horoꞌilana. Oto omu si niie i laona nimada mo puꞌo, na kire horo maesie i lengine poꞌu-poꞌu.

Matiu 27:1

Oto e dangi maahuꞌo-huꞌo, na ahutana mo naꞌohai pris na mo rato ni mwane kire mani loko na kire oalaꞌinie oto horoꞌilana a Jisas kei lae uri taa.

Matiu 26:66

?Haꞌalaa nga taa nge omu kei unue aana?” Oto kire ko meni aalamie uuri, “!E malisine oto ke mae!”

Matiu 26:2

“Omu saie oto uri e ruata hai dinge mola honosie Houlaa Ni Liumwaanie, taꞌe omu ke saie loꞌu uri aana hai dinge ngeena pwelolaku a Kale Ni Iinoni kei lae huni horo maesileku i lengine poꞌu-poꞌu.”

Tataroha Diana I Sulie A Jisas Kraes Nge A Luk E Uusue 22:71

Oto kire ko si teꞌuri, “!Rongo kaꞌu! !Kolu rongoa oto maraakaelu nga taa e unue! !Ngeena kolu kaꞌa saetoꞌo aana ike loꞌu nga iini ke ere takoie!”

Matiu 10:4

na ngaeta Saemon loꞌu (ngaeta iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel), na a Jiudas Iskariot (iini nge e pweloa a Jisas).