Matiu 20:12 - Tataroha Diana

¹² Kire ko teꞌuri, ‘!Sei! Mwala kire lae poi puri ie kire asu mola hunie taꞌa-taꞌa maholoi sato, oto o ko si holi sada aada loꞌu mola peꞌie mo iini melu esu hunie hai dinge laku i laona sato raramea.’

Matiu 20:12 Referans Kwoze

Tataroha Diana I Sulie A Jisas Kraes Nge A Luk E Uusue 12:55

Na maholo omu ko hiingeꞌinie ko iiru ni maraau, na ni omu unue uuri, ‘I eesi meuri kei aaela oto eena,’ na kei aaela oto urine.

Jemes 1:11

Maholo sato ko hane, oto ko madoro na ko weruhie hahalisi. Oto tatakani ko eehuhu na launihaꞌani ko waetaꞌi oto. E urine loꞌu mola aana mwane e toꞌo-toꞌo. Maholo e kaꞌa loꞌongaꞌinie ike maenga taꞌe ko loꞌongaꞌi hiitoꞌo mola i sulie tari-olanga ingeie, nge kei mae mola.

Epesas 3:6

Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.

1 Korinit 4:11

Iꞌemeelu, mwala e lio mwai-mweisiꞌemeelu, taꞌe iꞌomu nge mwala e leesiꞌomu mala mo aalaha. Oto lae mai hule siꞌiri, melu ko tohungei maesie oto hiolonga, na melu ko maesie oto inunge, na melu kaꞌa hoꞌo-hoꞌosie oto nga mei sala diana. Mwala ko seuniꞌemeelu, na melu kaꞌa toꞌo aana ike nga leu ni iiꞌo aana.

Uusu-uusu A Pol Hurula'aa Hunie Mo Rom 3:30

Aana e taꞌa-taꞌa God mola ni e paine haahie walumalau. Na ahutana mo iini ko hiiwalaimoli, maꞌalana mo Jiu wa nga mo Jiu haꞌike, taꞌe ingeie mola ni ko da kire ke neꞌi iinoni oodotaꞌi i maana.

Uusu-uusu A Pol Hurula'aa Hunie Mo Rom 3:27

?Oto uri kure sai ere toohaꞌinikure uri kure da mei ola diana hunie a God ke saetoꞌo aakarue? !Haꞌike oto ooꞌoo! ?Wa uri kure sai iiꞌo oodotaꞌi i maana a God aena aana kure ko lulu i sulie mo Haꞌatolanga? !Haꞌike loꞌu! Taꞌe oodotaꞌinge ikure mei niinge a God mola aana kure hiiwalaimoli aana Jisas.

Matiu 20:11

Kire tola toꞌoha mango, kire ko si aehota upwesie naꞌohai mwane ngeena.