Matiu 2:11 - Tataroha Diana

¹¹ Maholo kire sili i nume na kire ko leesie kele wee-wee na nikana, a Meri, oto kire ko pouruuru i naꞌona ni haꞌamaꞌunge aana. I leune kire ko tahanie mo mweꞌi ikire, na kire ko tahoa mo ola diana haliꞌite mala kol na e ro taungei dango wau-wesu nge kire haaraꞌinie frankinsens na mur, mo ola nge holiteni e paine hiitoꞌo, na kire ko niiꞌi oto hunie.

Matiu 2:11 Referans Kwoze

Tataroha Diana I Sulie A Jisas Kraes Nge A Luk E Uusue 2:16

Oto kire ko tolana lae lau-leu oto wau, na kire ko leesie a Meri na a Josep peꞌie kele wee-wee, na e eno mola aana leu ni haꞌangau puluke.

Matiu 2:2

Oto mo mwaena ko dolosi uuri, “?Kele wee-wee e hute i tei, iini nge kei aalaha haahiꞌomu mo Jiu? Melu lae oto mai huni pouruuru ni haꞌamaꞌunge aana, aena aana melu leesie ho heeꞌu ingeie taꞌau aana hanue iꞌemeelu i pwaalana sato.”

Haataꞌinge 19:10

Oto nou si pouruuru hai sulie aeꞌaena ensel, na no ko haꞌapainaꞌaa oto. Taꞌe e teꞌuri mola hunieu, “O ke suꞌuri haꞌapainaꞌaau, taꞌe o ke haꞌapainaꞌaa mola a God. Aena aana ineu ngaeta koni-konihe mola mala iꞌoe na mo eesimu nge kire helesie oto walaimolinge i sulie a Jisas. Aana walu ola nou haataꞌiniꞌi ie na ahutana walana mo propet ko lae hunie mwala ke saie walaimolinge i sulie a Jisas.”

Matiu 14:33

Oto mo pwaarongoisuli kire ko pouruuru ni haꞌamaꞌunge i naꞌona a Jisas, na kire ko unue uuri, “Iꞌoe oto Kalena God toꞌohuu.”

Haataꞌinge 5:8

Aana maholo e toolea uusu-uusu hio-hio ngeena, nge e hai ola mauri na e ro aawalai rato mwana hai kire ko pouruuru oto i naꞌona Kalei Sipu ngeena. Kire mani hele aana mo kao-kao aani kol nge kire honu eeni dango wau-wesu. Na mo dango wau-wesu ngeena oto mo palonga mwala maaꞌi a God. Oto kire mani da mo pesi aawa,

Tataroha Diana I Sulie A Jisas Kraes Nge A Luk E Uusue 2:38

Oto mola aana taꞌa-taꞌa maholoi satona, nge a huꞌena e lae mai saada na ko talaꞌai paalahea God. Oto aana mo dinge loꞌu i puri, a huꞌena ko si haꞌa-haꞌarongoa mwala uri a Jisas ingeie oto a Haꞌa-uuri. E ere urine hunie ahutana mo iini nge kire ko maaꞌoohie uri a God kei tapa oolisie mwala ni Israel.

Matiu 1:18

Hutelana a Jisas Kraes e lae uurini. A Meri, nikana Jisas e haiholotaꞌi huni toꞌo aana a Josep, taꞌe i naꞌona kirerue ke si iiꞌo ruru, a Meri ko hiꞌe-hiꞌe oto aani mwela aana Liꞌoa Maaꞌi.

Matiu 12:46

Maholo a Jisas ko ere-ere ue hunie mwala, na a nikana peꞌie maeni eesine mwane nge kire hute peꞌie, kire ko hule oto. Oto kire uure mola taꞌi sinaha, kire ko si dodolosi uri hunie kire ke ere peꞌie.

Tataroha Diana I Sulie A Jisas Kraes Nge A Jon E Uusue 19:39

A Nikodimas iini nge e holaꞌi lae kaꞌu i saana Jisas aana ngaeta hai rodo, e lae noꞌone peꞌie a Josep na e toolea ola mala oolu aawalai kilo aani dango wau-wesu, mo ola huni neꞌiꞌi i sapena mo rae.