Matiu 19:23 - Tataroha Diana

²³ Oto a Jisas ko si unue hunie mo pwaarongoisuli ingeie uuri, “No ko unue oto huniꞌomu uri kei tohungei aasa hunie mwala e toꞌo-toꞌo ke toliꞌaasie a God hunie ke aalaha haahire.

Matiu 19:23 Referans Kwoze

Matiu 13:22

Nga mo iini loꞌu manatada e urihana mei mwakano e honu aana walo kau-keu ngeena, kire rongoa noꞌone walana God, taꞌe kire neꞌisae painesie mola mau-meuringe aana walumalau. Kire tolahiꞌe, na kire saetoꞌo aana mola toꞌo-toꞌonga, na kire ko saehanalie taꞌena nga ola. Oto mo wala diana ngeena kire kaꞌa pwito kohi, na kire kaꞌa hungu ike loꞌu.

Tataroha Diana I Sulie A Jisas Kraes Nge A Mak E Uusue 10:23

Oto a Jisas e toꞌomaaie mo pwaarongoisuli ingeie, ko si teꞌuri hunire, “Kei tohungei aasa oto hiitoꞌo hunie mwala e toꞌo-toꞌo huni sili i laona Aalahanga a God.”

Tataroha Diana I Sulie A Jisas Kraes Nge A Luk E Uusue 18:24

Maholo a Jisas e leesie a mwaena ko saehuu oto hiitoꞌo, ko si teꞌuri, “Kei tohungei aasa oto hiitoꞌo hunie mwala e toꞌo-toꞌo huni sili i laona Aalahanga a God.

1 Korinit 1:26

Oto maeni eesiku maaꞌi, omu ke toꞌomaaie kaꞌu maholo a God e holaꞌi soiꞌomu huni lulu i sulie. ?Aana lio-lionga ni iinoni, e nite iini eemiu kire saenanau? ?E nite iini eemiu kire neꞌi poro paine? ?E nite iini eemiu kire aalaha? !Tootaꞌi iini mola!

Tataroha Diana I Sulie A Jisas Kraes Nge A Jon E Uusue 3:3

Oto a Jisas ko aalamie ko teꞌuri, “No ko unue oto toꞌohuu huniꞌo uri nga taꞌa-taꞌa iinoni e saꞌa roroꞌa ni lio mangine Aalahanga a God na e kaꞌa hute haalu loꞌu.”

Jemes 2:6

Taꞌe iꞌomu, omu kaꞌa haꞌamaꞌu ike aana mo meitale aana walumalau ie. Omu ko haꞌapainaꞌaa mola kira toꞌo-toꞌo. ?Aana e ue nge e urine? ?Kira tei nge kire ko haꞌasiꞌohaꞌaꞌomu? ?Na kira tei nge ko tooleꞌomu i laona leinge?

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Tataroha Diana I Sulie A Jisas Kraes Nge A Jon E Uusue 3:5

Oto a Jisas ko aalamie uuri, “No ko unue oto toꞌohuu huniꞌo uri mala nga iini e kaꞌa hute aani wei na loꞌu aana Liꞌoa Maaꞌi, nge e saꞌa roroꞌa ni sili ike i laona Aalahanga a God.

Matiu 18:3

ko si teꞌuri, “No ko unue oto huniꞌomu uri, nge omu kaꞌa oolisie tolahamiu hunie omu ke urihana mwe-mwela, omu saꞌa roroꞌa malisine ike silinge i laona Aalahanga a God.

Matiu 5:20

Oto no ko unue huniꞌomu uri mala oodotaꞌinge iꞌomu e kaꞌa paine liutaa aana oodo-oodonga mo Parise na mo haꞌa-uusuli aana mo Haꞌatolanga a Mosis, omu saꞌa roroꞌa ni adona ike silinge i laona Aalahanga a God.”

Matiu 21:31

“?Oto nga taa ni omu loꞌongaꞌinie? ?Iini uri taa aana e ro kele saanau ngeena nge e sulu i sulie saena aamana?” Mo pris na mo rato ni mwane kire ko aalamie uuri, “Iini i naꞌo.” Oto a Jisas ko unue hunire uuri, “!Iau! Oto no ko unue oto huniꞌomu uri mo iinoni ni oorahaꞌaa mala mo repi na mwala susulu toꞌoha, kire kei holaꞌi sili i laona aalahanga a God i naꞌomiu.

Matiu 19:22

A mwaena e rongo urine, oto ko si lae mwaanie peꞌie saehuunge paine aena aana e tohungei toꞌo-toꞌo oto liutaa.