Matiu 18:3 - Tataroha Diana

³ ko si teꞌuri, “No ko unue oto huniꞌomu uri, nge omu kaꞌa oolisie tolahamiu hunie omu ke urihana mwe-mwela, omu saꞌa roroꞌa malisine ike silinge i laona Aalahanga a God.

Matiu 18:3 Referans Kwoze

1 Pita 2:2

Taꞌe omu ke urihana mola mo kele wee-wee nge kire si hute na kire saetoꞌo aana susunge oto hiitoꞌo. Aana iꞌomu noꞌone, e malisine omu ke tohungei saetoꞌo aana haꞌa-uusulinge a God mala kele wee-wee e tohungei saetoꞌo aana ewei susu. Aana haꞌa-uusulinge a God e sai peꞌiꞌomu hunie omu ke pai-peine diana aana mo tolaha diana a God i laona mauringe haalu ngeena nge a God e si niie namiu aana e haꞌa-uuriꞌomu.

Matiu 19:14

Oto a Jisas ko ere aana mo pwaarongoisuli uuri, “Omu ke toliꞌaasie mo mwela hunie kire ke lae mai seeku, na omu ke suꞌuri uure honosire. Aena aana mo iini kire urihana mo mwela ngeena haꞌalaa kire ko sili i laona Aalahanga a God.”

1 Korinit 14:20

Maeni eesiku, omu ke suꞌuri deu mala mwela aana loꞌongaꞌinge iꞌomu. Kei lae otoi diana liutaa taane hunie omu ke neꞌi mwela aani esuilana tataꞌalanga, taꞌe aana loꞌongaꞌinge, omu ke neꞌi rato oto.

Tataroha Diana I Sulie A Jisas Kraes Nge A Jon E Uusue 3:5

Oto a Jisas ko aalamie uuri, “No ko unue oto toꞌohuu huniꞌo uri mala nga iini e kaꞌa hute aani wei na loꞌu aana Liꞌoa Maaꞌi, nge e saꞌa roroꞌa ni sili ike i laona Aalahanga a God.

Tataroha Diana I Sulie A Jisas Kraes Nge A Jon E Uusue 3:3

Oto a Jisas ko aalamie ko teꞌuri, “No ko unue oto toꞌohuu huniꞌo uri nga taꞌa-taꞌa iinoni e saꞌa roroꞌa ni lio mangine Aalahanga a God na e kaꞌa hute haalu loꞌu.”

Tataroha Diana I Sulie A Jisas Kraes Nge A Luk E Uusue 13:24

“Omu ke dau aahonga toꞌohuu huni sili i sulie maai para e kokohisi, aana no ko unue oto huniꞌomu uri mo iini hunge kei eriꞌapasie silinge wau, taꞌe e saꞌa mwadaꞌusire ike.

Palonga 3:19

Oto omu ke oonisae mwaanie mo oorahaꞌaanga iꞌomu, na omu ke lulu i sulie a God hunie ingeie ke si saeꞌaasiꞌi mwaaniꞌomu.

Palonga 28:27

Sulie mwala ienini saeda e popono oto, na kire ponosie mola aalingada, na kire ulue mola maada. Haꞌalaa kire sai lio sai ola taane, na kire sai rongo sai ola taane, na kire sai loꞌongaꞌi saie taane walu ola. Oto kire sai ooli mola mai takoieu hunie ne ke haꞌa-uurire.’ ” Aesaea 6:9-10

Tataroha Diana I Sulie A Jisas Kraes Nge A Jon E Uusue 1:51

Na ko heꞌi unue loꞌu hunire uuri, “No ko unue oto toꞌohuu huniꞌomu uri omu kei leesie mo ola paine loꞌu liutaa, hule aana omu kei leesie i Lengi kei taha na mo ensel a God ko walo-waloliu taꞌau na mai aano i seeku a Kale Ni Iinoni.”

Matiu 5:20

Oto no ko unue huniꞌomu uri mala oodotaꞌinge iꞌomu e kaꞌa paine liutaa aana oodo-oodonga mo Parise na mo haꞌa-uusuli aana mo Haꞌatolanga a Mosis, omu saꞌa roroꞌa ni adona ike silinge i laona Aalahanga a God.”

Tataroha Diana I Sulie A Jisas Kraes Nge A Luk E Uusue 22:32

Taꞌe ineu, no ko aarengaꞌi taane talamu Saemon hunie uri hiiwalaimolinge iꞌoe ke susu. Oto maholo o ko eeliꞌu mei takoieu, o ke si haꞌasusue mo eesimu hunie kire ke aꞌailaꞌa noꞌone.”

Tataroha Diana I Sulie A Jisas Kraes Nge A Mak E Uusue 4:12

Oto kire ko lio-lio taꞌe kire kaꞌa lio saie, kire ko rorongo taꞌe kire kaꞌa rongo saie ike, aena aana kire kei teꞌurine, nge kire kei oonisae na a God kei taꞌaasie mo oorahaꞌaa ikire.” Aesaea 6:9-10

2 Pita 1:11

Oto a God ke si tohungei tola koniꞌomu oto taꞌau i Lengi aana walumalau haalu nge e saꞌa mango loꞌu. Walumalau ngeena, a Jisas Kraes Aalaha ikie na a Haꞌa-uuritaka, nge e aalaha haahie.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Matiu 19:23

Oto a Jisas ko si unue hunie mo pwaarongoisuli ingeie uuri, “No ko unue oto huniꞌomu uri kei tohungei aasa hunie mwala e toꞌo-toꞌo ke toliꞌaasie a God hunie ke aalaha haahire.

Matiu 13:15

Aana mwala ienini saeda e hau, na kire ponosie aalingada na kire ulue maada, mwaanie uri kire lio sai ola aana maada, na mwaanie kire rongo sai ola aana aalingada, na mwaanie saeda e taha, na mwaanie kire aaliꞌu mei takoieu na ne kei haꞌa-uurire. Aesaea 6:9-10

Matiu 6:16

Oto a Jisas ko heꞌi teꞌuri loꞌu, “Maholo omu ko oolongau, mwaanie omu nunuku dara mala mo iini ko lupweꞌi deu-deu. Aana kire ko lupweꞌi lio rahitou mola hunie mwala ke leesie uri kire ko oolongau. Taꞌe ineu no ko unue huniꞌomu uri mo iini nge kire ko teꞌurine, kire hele mangoa oto waaitada.

Matiu 6:5

Na a Jisas e heꞌi teꞌuri loꞌu, “Maholo omu ko aarengaꞌi omu ke suꞌuri deu mala mo iini ko lupweꞌi deu-deu, nge saeda uri kire ke uure i laona mo nume ni palo-palo, na aani maai tala rue uri hunie mwala ke leesie kire ko aarengaꞌi. Ineu no ko unue huniꞌomu uri mo iini urine, kire hele mangoa oto waaitada.

Matiu 6:2

“Taꞌena nga maholo o ko niie nga mo ola hunie nga iinoni meitale, o ke suꞌuri deu haadaꞌi loꞌu aana uri hunie mwala ke saie, mala mo iini ko lupweꞌi deu-deu nge kire ko lai euꞌesuie i laona mo nume ni palo-palo, na i sulie mo tala paine, uri hunie mwala ke too-toohaꞌinire. Toꞌohuu no ko unue huniꞌomu uri mo iini nge kire ko teteꞌurine, kire hele mangoa oto waaitada.

Matiu 5:18

Toꞌohuu no ko unue huniꞌomu uri kei hule aana i Lengi na i aano kei suu, na nga taꞌa-taꞌa kele ngangaꞌai ola aana mo Haꞌatolanga a Mosis e saꞌa roroꞌa aiꞌaa ike, hule aana kire kei haro oa mango.

Matiu 18:2

Oto a Jisas e soie mai ngaeta kele mwela hunie ke uure i matolada,

Matiu 18:4

Aena aana nga iini oto ko haꞌamwai-mweiꞌaa mala kele mwela ie, ingeie oto kei tohungei peine aana Aalahanga a God.