Matiu 16:27 - Tataroha Diana

²⁷ Taꞌe ineu a Kale Ni Iinoni ne kei lae taane mai peꞌie mo ensel aana manikuluhaꞌana Aamaku huni waaie nga iini oto i sulie helelana. Sam 62:12

Matiu 16:27 Referans Kwoze

2 Korinit 5:10

Aana kie mani manataꞌinie oto uri ahutaka mo iinoni, kie kei meni lae i uure i naꞌona naunekume ni leinge a Kraes taꞌau i Lengi hunie ingeie kei waaikie oto i sulie helelaka mai aano i leu e diana wa e aaela.

Uusu-uusu A Pol Hurula'aa Hunie Mo Rom 2:6

Aana a God kei waaie taꞌena nga iinoni oto i sulie helelana aana nga moi taa e asuiꞌi. Sam 62:12

Uusu-uusu A Pol Hurula'aa Hunie Mo Rom 14:12

Oto i leune kie saie uri a God hahaiteli ni kei leie ahutana mo iinoni.

Epesas 6:8

Omu ke dau diana urine aana omu saie oto uri Aalaha Paine ikie ngeena ni kei waaie ahutana mo iini ko esu diana, maꞌalana nga koni-konihe wa nga iini e kaꞌa iiꞌo ike i mamalutana nga iini.

Jiud 1:14

A Adam oto eetana nga pwaunge ni iinoni wau i naꞌo, na mola aana hiune nga pwaunge, nge mwane maaꞌi a Inok e ere i sulie mwala aaela ienini uuri, “A Aalaha kei lae mai peꞌie mo sinolai ensel maaꞌi ingeie

Haataꞌinge 20:12

Na nou leesie mo iini e mae oto, mo iini peine na mo iini mwei-mwei, kire mani uure i naꞌona naunekume. Aasi e niie taꞌau ahutana mo iini nge kire mae i laona, na mwakano e niie taꞌau mo iini e mae na kire oꞌoꞌo i laona, na ahutana mo iini kire mae kire mani taꞌelaꞌi oto taꞌau. Oto kire ko tahanie mo uusu-uusu, na kire tahanie uusu-uusu aana maurihe, nge e toꞌo aana satana ahutana mo iini kire kei meuri oto huu. Na kire tahanie mo uusu-uusu loꞌu nge ko unue nga taa mwala kire asuie mai aano. Oto leilada e lae oto i sulie nga taa kire asuie nge uusulana e lae i laona mo uusu-uusu ngeena, nga iini oto i sulie nga taa ingeie maraana e asuie.

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Matiu 25:31

Oto a Jisas ko heꞌi unue loꞌu uuri, “Ineu, a Kale Ni Iinoni, ne kei ooli loꞌu mei peꞌie manikuluhaꞌaku na ahutana mo ensel ineu noꞌone peꞌieu, na ne kei iiꞌo i lengine naunekume ineu e manikuluꞌe.

Tataroha Diana I Sulie A Jisas Kraes Nge A Luk E Uusue 21:27

Oto aana maholona, mwala ke si leesieu a Kale Ni Iinoni, aana ne kei lae mai i laona mei uuru peꞌie nanamanga na manikuluꞌanga paine.

Tataroha Diana I Sulie A Jisas Kraes Nge A Mak E Uusue 14:62

Oto a Jisas ko aalamie uuri, “Ineu kaꞌu otona. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

Tataroha Diana I Sulie A Jisas Kraes Nge A Mak E Uusue 8:38

Mwala aana maholo ienini kire ko talei deu taꞌe wau oto mola, aana kire kaꞌa kinetaꞌinire ike loꞌu mala mo iinoni a God. Oto mala uri nga iini ko masa huni unu tahangaꞌinieu na mo haꞌa-uusulinge ineu i matolana mwala ni oorahaꞌaa ienini, nge ineu noꞌone ne kei masa huni unu tahangaꞌinie aana maholo ne kei lae mai peꞌie mo ensel maaꞌi aana manikuluhaꞌana a Mamaꞌa.”

Matiu 24:30

Oto aana maholo urine nga tolimaa leesilana kei lae i laona salo huni haataꞌinie uri ineu a Kale Ni Iinoni no ko lae oto mai. Ahutana mo komu ni iinoni aana walumalau kei ngara aana kire kei leesieu a Kale Ni Iinoni no ko lae mai i laona mei uuru mwaanie salo. Ne kei lae mai peꞌie nanamanga na manikuluꞌanga oto paine.

Haataꞌinge 1:7

!Lio kaꞌu! Ko lae oto mai taꞌaune peꞌie mei uuru, na taꞌena nga maa kei leesie, hule aana oto noꞌone mo iini nge kire otomie. Na ahutana mwala mai aano kei ngara maholo kire kei leesie. Iau, ke urine oto.

Palonga 1:11

Na kirerue ko teꞌuri oto hunire, “!Mo mwane ni Kalili! ?Nga taa ni omu uure, omu ko lio-lio ue hunie taꞌau i salo? A Jisas nge a God ko tola aalihoꞌi aana i Lengi mwaaniꞌomu ngeena, kei ooli loꞌu mei oto mala omu ko leesie ko lae i Lengi ngeena.”

Matiu 26:64

Oto a Jisas ko aalamie uuri, “Nge kaꞌu oto o ko unuena. Na aana nga maholo omu kei meni leesieu a Kale Ni Iinoni ne kei iiꞌo aana naꞌohai iiꞌo-iiꞌoha i pwalo-pwalona God Hahuꞌana Nanama, na kei lae mai i laona mei uuru uure taꞌau i salo.”

1 Pita 1:17

Omu ko haa-haaraꞌinie a God uri ingeie oto Aamamiu, na e toꞌohuu oto. Taꞌe aama-aamasitoꞌo aana uri e kaꞌa sai rara haahie ike mola nga iini. Aana ingeie ko lei sada mola aana ahutana iinoni i sulie helelada. Aena urinena, maholo omu ko meu-meuri ue mai laona walumalau, nge omu ke iiꞌo diana oto mai laona walumalau peꞌi haꞌamaꞌunge aana taraureꞌi.

Tataroha Diana I Sulie A Jisas Kraes Nge A Luk E Uusue 22:69

Taꞌe uure aana maholoi sato ienini pwau weu, ineu a Kale Ni Iinoni ne kei iiꞌo oto aana naꞌohai iiꞌo-iiꞌoha i pwalo-pwalona God Hahuꞌana Nanama.”

Tataroha Diana I Sulie A Jisas Kraes Nge A Luk E Uusue 9:26

Mala uri nga iini ko masa huni unu tahangaꞌinieu na mo haꞌa-uusulinge ineu, nge ineu noꞌone ne kei masa huni unu tahangaꞌinie aana maholo ne kei lae mai peꞌie manikuluhaꞌaku na manikuluhaꞌana a Mamaꞌa na mo ensel maaꞌi.

Matiu 13:49

Kei urine noꞌone aana haꞌamangolana walumalau aana mo ensel kei siho mai, na kire kei oopaa kira oorahaꞌaa mwaanie mo iini oodotaꞌi.

1 Tesalonaeka 1:10

Na kire ko laladoa noꞌone uri omu ko maaꞌoohie oto a Kalena kei lae mai uure taꞌau i Lengi. Ingeie oto a Jisas nge e taꞌelaꞌi mwaanie maenga, na ko haꞌa-uurikie mwaanie saewasunge a God nge ko lae mai aana dinge ni leinge.

1 Tesalonaeka 4:16

Taꞌe a Aalaha maraana kei siho mai uure taꞌau i Lengi peꞌie mawataa paine mwaanie naꞌohai ensel na aawatai eehuri a God. Oto kira hiiwalaimoli nge kire mae oto, kire kei holaꞌi taꞌelaꞌi oto hunie maurihe.

Matiu 13:41

A Kale Ni Iinoni kei uusungeꞌinie mo ensel ingeie huni taꞌaasie mo iini aaela mwaanie aalahanga ingeie. Oto kire ke soꞌokoni aasie mo iini ko haꞌatataroa mwala hunie oorahaꞌaa na mo iini ko da tataꞌalanga.

1 Korinit 8:8

Taꞌe ngaulaa e kaꞌa roroꞌa ike i maana God. Oto maꞌalana uri kie ke ngaue mo ngeulaa ngeena wa haꞌike, kie saꞌa aaela ike aani wa kie ke tarie nga mei ola aani.

Matiu 8:20

Oto a Jisas e aalamie ko teꞌuri, “Mo usu ni meꞌesu na hule aana kire toꞌo liwe ni maꞌahu ikire, na mo menu loꞌu kire mani toꞌo niuꞌi taane noꞌone, taꞌe ineu a Kale Ni Iinoni hule aana nga leu ni mamalo ineu na haꞌike loꞌu.”

Tataroha Diana I Sulie A Jisas Kraes Nge A Jon E Uusue 21:22

A Jisas e aalamie, oto ko teꞌuri, “?Mala uri no ko saetoꞌo aana uri ke oꞌoꞌo mola hule aana ne kei ooli loꞌu mei, e ue o ko tolahiꞌe aana? Iꞌoe, o ke lulu i sulieu.”

Tataroha Diana I Sulie A Jisas Kraes Nge A Jon E Uusue 21:23

Oto mei wala ko taro i matolana mo pwaarongoisuli a Jisas uri pwaarongoisuli ngeena e saꞌa mae ike. Taꞌe a Jisas e kaꞌa unue ike uri e saꞌa mae, taꞌe e unue mola uuri, “?Mala no ko saetoꞌo aana ke oꞌoꞌo mola hule aana ne kei ooli loꞌu mei, e ue o ko tolahiꞌe aana?”

1 Korinit 3:13

Taꞌe aana hai dinge ooreta, dunge kei haataꞌinie mo taungei esunge hai aaopaꞌi nge mwala e asuiꞌi, ohe kire diana taane wa haꞌike.

1 Korinit 15:23

Taꞌe nga iini ni e lae-lae oto i sulie maholo ingeie. A Kraes oto e holaꞌi taꞌelaꞌi mwaanie maenga, na maholo kei ooli loꞌu mei, nge ikie mwala ingeie kie ke si taꞌelaꞌi loꞌu.

Kolosi 3:25

Na omu ke aamasitoꞌo aana noꞌone uri ahutana mwala nge kire ko deu aaela, leilada kei lae haahie mo aaelanga ikire. A God e kaꞌa sai rara haahie ike nga iinoni hunie iinonine ke dau-deu aaela mola, aana ahutana mwala kire mani sada mola i maana God.

Jemes 5:7

Maeni eesiku, omu ke maaꞌoohi susutoꞌo lai hule aana a Jisas kei ooli loꞌu mei. Ikolu, kolu meni saie uri mo mwane nge ko esuie hohola kire sai maaꞌoohi susutoꞌo hule aana nemo kei da hohola ikire ke repo diana malisine soꞌokoninge.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.