Matiu 15:12 - Tataroha Diana

¹² Oto mo pwaarongoisuli kire lae mai saana, na kire ko teꞌuri hunie, “?Uri o saie taane mo Parise ko hii aaela i sulie nga taa o unue?”

Matiu 15:12 Referans Kwoze

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Kalesia 2:5

Taꞌe melu kaꞌa rongo ike hunie mo haꞌa-uusuli eero-eero ngeena, aana melu saetoꞌo aana uri walaimolinge aana Tataroha Diana ke iiꞌo huu eemiu mo Aapoloa Aaopa.

2 Korinit 6:3

Melu eriꞌapasie taane uri walu ola melu ko esuiꞌi ke oodo na kire ke suꞌuri liu honosie hiiwalaimolinge nga iini aana a Jisas, na mwaanie nga iini e ere aaelasie asunge iꞌemeelu ienini.

Matiu 17:27

Taꞌe aana ke urine, na kolu kaꞌa saetoꞌo aana ike uri mwalana ke neꞌisae aaelasikolu. Oto o ke lae, na o ke lai aasie walo hai laona aasi ngeena. Ho iiꞌe o kei holaꞌi weꞌinie, o ke lio i laona wawana, na i leune o kei lio oodoie nga seleni malisine nga taa kire ko sukaa mwaanikure. O ko hele aana, oto o ko lai niie hunire arengakarue.”

Matiu 11:6

Na omu ke haꞌarongoa noꞌone a Jon uri ilenimwaꞌenga paine kei lae hunie mo iini hiiwalaimolinge ikire e susu, na kire kaꞌa neꞌisae rue-ruaꞌa aaku.”

Matiu 15:11

Mo ngeulaa nge iinoni ko ngeuꞌi kire kaꞌa haꞌamadaꞌaa ike iinonine i maana God, taꞌe mo wala nge ko iisitaa mwaanie ngidune ni ko haꞌamadaꞌaa.”

Matiu 15:13

Oto a Jisas ko aalamire ko teꞌuri, “Toliꞌaasire mola, aana ahutana mo ei nge Aamaku i Lengi e kaꞌa hasiꞌi, ware-aasileni kei lae.