Matiu 12:25 - Tataroha Diana

²⁵ A Jisas e manataꞌinie mola mo loꞌongaꞌinge ikire, oto ko si teꞌuri, “Taꞌena nga aalahanga kei oopa aani heiseuninge honosie maraana, nge kei naꞌonga oto. Na taꞌena nga hanue wa taꞌena nga nume nge kei oopa maraana, nge kei eiꞌaa oto.

Matiu 12:25 Referans Kwoze

Kalesia 5:15

Taꞌe mala uri omu ko heꞌi polahiꞌomu loꞌu mola hailiu mala mo usu ni meꞌesu, nge omu ke lio talamiu, mwaanie omu horo suuheꞌiniꞌomu mola taꞌingelu.

Matiu 9:4

A Jisas e saie oto nga taa kire ko loꞌo-loꞌongaꞌinie, oto ko si teꞌuri hunire, “?E ue nge omu ko loꞌo-loꞌongaꞌi aaela urine?

Haataꞌinge 16:19

Na a God e neꞌisae oodoie aaelanga aana hanue paine nge e urihana Babilon wau i naꞌo, oto e tohungei haꞌa-aahesie apune aana saewasunge ingeie. Nunu peine ngeena e oopaa hanue paine ngeena aana e oolu poꞌo ni leu, na mo huilume paine aana taꞌena nga aapoloa kire aaꞌoho mango oto.

Hibru 4:13

Taꞌe-taꞌena nga ola haꞌaholalana e lae, mumunilana e saꞌa roroꞌa lae ike mwaanie maana God. Aana ingeie ko toꞌo-toꞌomaaie mola ahutana walu ola ngeena, na kire mani iiꞌo haadaꞌi mola i maana. Na aana nga dinge, kie kei saronai unu haadaꞌi mola aana oodoie taꞌe-taꞌena nga ola nge kie asuiꞌi.

Tataroha Diana I Sulie A Jisas Kraes Nge A Mak E Uusue 2:8

Na lau-leu a Jisas ko saie oto maraana mo neꞌisaenga ikire, oto ko si teꞌuri hunire, “?E ue nge omu ko loꞌo-loꞌongaꞌi oto hiitoꞌo urine?

Haataꞌinge 2:23

Na ne kei horo maesie noꞌone mo iini ko lulu i sulie, hunie ahutana mo soihaadaꞌinge kire ke saie uri ineu oto nou lio saie mola ahutana neꞌisaenga na hari-huninge mo iinoni. Na ne ke si waaie huniꞌomu, nga iini oto maraana i sulie asunge ingeie.

Tataroha Diana I Sulie A Jisas Kraes Nge A Jon E Uusue 21:17

Oto oolune nga maholo a Jisas ko heꞌi unue loꞌu hunie a Pita uuri, “?Saemon, kalena Jon, uri o manata diana taane hunieu?” Oto a Pita ko si saehuu oto hiitoꞌo aana a Jisas ko dolosi haꞌa-oolu oto aana uuri, “?O manata diana taane hunieu?” Oto e aalamie a Jisas, ko si teꞌuri, “Aalaha ineu, o manataꞌinie oto walu ola, na o saie kaꞌu oto uri nou manata diana huniꞌo.” A Jisas e aalamie oto ko si teꞌuri hunie, “O ke nii-nii ana mo sipu ineu.