Matiu 11:8 - Tataroha Diana

⁸ ?Wa nga ola uri taa ni omu lae-lae taꞌau huni leesie? ?Ohe iinoni e toꞌoni eeni toꞌoni lio manikuluꞌe? !Haꞌike noꞌone! Mwala e toꞌoni urine kire ko oꞌoꞌo mola aana mo nume mo inemauri.

Matiu 11:8 Referans Kwoze

Matiu 3:4

A Jon e hoꞌo-hoꞌosie mola toꞌoni aaela kire asuie aana iihune kamel, na e hoꞌosie haahie danumana rorotoꞌoni aani teꞌe-teꞌei puluke. Na ngaulaa ingeie oto mo oru na mo ngingidue.

Haataꞌinge 11:3

Na ne kei uusungeꞌinie poi e ro mwane ineu nge kire sai haꞌawalaimoliꞌaa walaku. Kirerue kei toꞌoni aani toꞌoni aaela ni haataꞌinie uri kirerue ko saehuu, na ne kei niie nanamanga hunirerue hunie kirerue ke unu tahangaꞌinie walaku hunie sinola peꞌie e ro tangalau na e oono aawalai hei dinge ngeena.”

2 Korinit 11:27

Nou iiꞌo mola aani weonga, na nou oodoie mo aasanga oto hunge aena aana asunge nana Kraes. Mo maholo oto hunge asunge ngeena ko haapilingaꞌa haahieu hule aana nga maholo ni maꞌahunge na haꞌike loꞌu. Mo maholo hunge nou hiolo na nou maarou, na ngaeta mo dinge nga kele mei ngeulaa ne ke hikana na haꞌike loꞌu. Mo maholo hunge no ko maꞌahu mola mala iiola, na aana mo maholo hunge no ko maesie mola mamaꞌudi aana wawai e paine, na nou kaꞌa toꞌo aana ike nga mei ola ni eeluhieu aana.

1 Korinit 4:11

Iꞌemeelu, mwala e lio mwai-mweisiꞌemeelu, taꞌe iꞌomu nge mwala e leesiꞌomu mala mo aalaha. Oto lae mai hule siꞌiri, melu ko tohungei maesie oto hiolonga, na melu ko maesie oto inunge, na melu kaꞌa hoꞌo-hoꞌosie oto nga mei sala diana. Mwala ko seuniꞌemeelu, na melu kaꞌa toꞌo aana ike nga leu ni iiꞌo aana.

Matiu 11:7

Oto mo pwaarongoisuli a Jon kire rorongo i sulie mo aalaminge a Jisas, kire si eelihoꞌi i saana a Jon. Oto a Jisas ko si aehota ere-ere nana mwala i sulie a Jon uuri, “?Maholo omu lae taꞌau i saana Jon i henuesala, nga taa ni omu lae taꞌau huni leesie? ?Ohe omu loꞌongaꞌinie uri a Jon nga iinoni saena e rue-ruaꞌa mala apai rade ko euꞌesuleꞌi aana iiru? !Haꞌike!

Matiu 11:9

?Taꞌe nga taa ni omu lae taꞌau huni leesie? ?Huni leesie nga propet? !Iau! !E toꞌohuu oto! Na a Jon nge omu leesie e paine loꞌu liutaa aana mo propet oto i naꞌo.

Tataroha Diana I Sulie A Jisas Kraes Nge A Luk E Uusue 7:25

?Wa nga ola uri taa ni omu lae-lae taꞌau huni leesie? ?Ohe iinoni e toꞌoni eeni toꞌoni lio manikuluꞌe? !Haꞌike loꞌu! Aana mwala nge kire toꞌo aana walu ola manikuluꞌe na kire hoꞌo toꞌoni diana urine, kire ko oꞌoꞌo mola aana mo nume mo inemauri.