Matiu 11:2 - Tataroha Diana

² Oto a Jon Loto Maaꞌi e iiꞌo i nume ni hoꞌo, na maholo ko rongoa tataroha aana asunge a Kraes, oto ko uusungeꞌinie ngaeta mo pwaarongoisuli ingeie i saana huni dolosi aana uuri,

Matiu 11:2 Referans Kwoze

Tataroha Diana I Sulie A Jisas Kraes Nge A Mak E Uusue 6:17

A Herod oto maraana nge e unue hunie mo ramo ingeie uri kire ke pwasue a Jon Loto Maaꞌi na kire ke neꞌie i laona nume ni hoꞌo. E teꞌurine aena aana a Jon e ere aana Herod haahie e toꞌo aana a Herodias, huꞌe a Pilip mwane aasine,

Matiu 14:3

A Herod e ere urine aena aana a Jon Loto Maaꞌi e mae oto. Na laladonga i sulie maelana a Jon e lae uuri. Holaꞌinaꞌo, keni satana a Herodias ingeie huꞌe a Pilip mwane aasine a Herod. Taꞌe lae-lae a Herod ko heꞌi toolea loꞌu a huꞌena mwaanie a Pilip aasine. Oto a Jon Loto Maaꞌi e unu-unue hunie a Herod uuri, “Aana Haꞌatolanga a Mosis, e kaꞌa adona ike uri hunie o ke toꞌo aana loꞌu a Herodias aena aana ingeie huꞌe a Pilip aasimu.” Oto a Herod e si unue kire ke tapolie a Jon Loto Maaꞌi na kire ke pwasue aani iieli heu na kire ke neꞌie i nume ni hoꞌo.

Matiu 4:12

Maholo a Jisas e rongoa uri a Jon ingeie i laona nume ni hoꞌo, oto ko lae oto hunie poꞌo ni henue i Kalili.

Matiu 9:14

Oto mo pwaarongoisuli a John Loto Maaꞌi kire lae mai saana a Jisas na kire ko dolosi aana uuri, “?E ue kaꞌu nge iꞌemeelu na mo Parise, melu ko oolo-oolongau tarau, taꞌe mo pwaarongoisuli iꞌoe nge kire kaꞌa sai oolongau?”

Tataroha Diana I Sulie A Jisas Kraes Nge A Jon E Uusue 4:1

Oto mo Parise kire rongoa uri mo iini hunge ko lulu i sulie oto a Jisas, na ko loto maaꞌi oto aada, na hule aana kire hunge oto liutaa aana mo iini kire ko pwaarongo i sulie a Jon Loto Maaꞌi.

Tataroha Diana I Sulie A Jisas Kraes Nge A Luk E Uusue 3:19

Na e tohungei ere aana a Herod Antipas hiitoꞌo haahie e toꞌo aana loꞌu mola a Herodias, huꞌe a mwane aasine. Na e ere aana noꞌone a Herod haahie ahutana mo ola aaela e dau huꞌisiꞌi.

Matiu 1:17

Oto uure aana a Ebraham lae mai hule aana a Deved Inemauri, aawalai naꞌohai hute-hutanga mwana hai. Na uure loꞌu aana Deved Inemauri lae mai hule aana maholo mo maelonga kire toolea mo Israel hunie aalahanga ikire i Babilon, ngaeta aawalai naꞌohai hute-hutanga mwana hai loꞌu. Na ngaeta aawalai naꞌohai hute-hutanga mwana hai loꞌu, uure aana maholo mo Babilon kire toolea mo Israel hunie i Babilon lae mai hule aana maholo a Kraes e hute.

Tataroha Diana I Sulie A Jisas Kraes Nge A Luk E Uusue 9:7

Maholo a Herod Antipas, aalaha ni Kalili, e rongo tarohana walu ola nge ko reune, ko tohungei teipuꞌo-puꞌo, aena aana ngaeta mwala ko unue uuri, “A Jon Loto maaꞌi ni e mauri loꞌu.”