Matiu 10:3 - Tataroha Diana

³ Na a Pilip, na a Batolomiu, na a Tomas, na a Matiu (mwane e susulu toꞌoha aana takis nana aalahanga ni Rom), na ngaeta Jemes loꞌu (mwane kalena a Alpeas), na a Tadeas,

Matiu 10:3 Referans Kwoze

Palonga 1:13

Maholo kire lai hule taꞌau i Jerusalem, kire oodohie oto duru kire ko oꞌoꞌo i laona aana ruana nga sao-saohai nume. Na mo mwaena oto: a Pita, na a Jon, na a Jemes, na a Andru, na a Pilip, na a Tomas, na a Batolomiu, na a Matiu, na a Jemes kalena Alpeas, na a Saemon iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel, na a Jiudas kalena Jemes.

Tataroha Diana I Sulie A Jisas Kraes Nge A Mak E Uusue 3:18

Na Andru, na Pilip, na Batolomiu, na Matiu, na Tomas, na Jemes kalena Alpeas, na Tadeas, na Saemon ngaeta iini aana pulitaa nge ko sare haiseuni huni taꞌaasie aalahanga ni Rom mwaanie hanue i Israel,

Tataroha Diana I Sulie A Jisas Kraes Nge A Mak E Uusue 2:14

Na maholo e lae-lae ue, na ko leesie a Livae, kalena Alpeas, e iiꞌo aana leu ingeie huni susulu toꞌoha aana takis hunie aalahanga ni Rom. Oto a Jisas ko teꞌuri hunie, “O ke lulu i sulieu.” Oto a Livae e taꞌelaꞌi, na ko lulu i sulie oto a Jisas.

Matiu 9:9

Maholo a Jisas ko si kele lae mola taꞌau mwaanie leune na ko leesie nga mwane satana a Matiu, e iiꞌo aana leu ingeie huni totola toꞌoha aana takis hunie aalahanga ni Rom. Oto ko teꞌuri hunie a Matiu, “O ke lulu i sulieu.” Oto a Matiu e taꞌelaꞌi ko si lulu i sulie.

Tataroha Diana I Sulie A Jisas Kraes Nge A Jon E Uusue 21:2

A Saemon Pita, na a Tomas (nge ingeie ngaeta iini aana e ro iu), na a Nataniel (iini e uure aana huilume i Kena aana poꞌo ni henue i Kalili), na e ro kalena Sebedi, na ngaeta ro pwaarongoisuli loꞌu a Jisas, kire mani loko.

Tataroha Diana I Sulie A Jisas Kraes Nge A Jon E Uusue 11:16

Oto a Tomas, nge ingeie ngaeta iini aana e ro iu, e si teꞌuri hunie mo pwaarongoisuli oana, “Kolu ke lae oto noꞌone peꞌie a Haꞌa-uusuli hunie kolu ke mae tararuru oto peꞌie.”

Jiud 1:1

Saediananga mwaanieu a Jiud, koni-konihe a Jisas Kraes, na aasine a Jemes. No ko uusu-uusu ie huniꞌomu mo iini nge a God e soiꞌomu mei i saana. A God Mamaꞌa e tohungei manata diana huniꞌomu na omu iiꞌo oto i lalo aana hai kinetaꞌinge a Jisas Kraes.

Jemes 1:1

Saediananga mwaanieu a Jemes, koni-konihe a God na a Jisas Kraes Aalaha ikie, huniꞌomu ahutemiu mwala a God nge omu oopa hailiu i laona walumalau.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.

Kalesia 1:19

Nou kaꞌa leesie ike loꞌu ngaeta mo hurulaꞌaa, taꞌe a Jemes aasine a Aalaha mola nou leesie.

Palonga 21:18

Oto aana dinge loꞌu i puri, ahutameelu, melu meni lae huni lai leesie a Jemes, na ahutana mo naꞌohai mwane aana soihaadaꞌinge ikire noꞌone peꞌie.

Palonga 12:17

Taꞌe a Pita e salo haahire mola aana nimana hunie kire ke rohu, oto ko si lalado nada aana a God e haꞌa-iisitaangaꞌinie mwaanie nume ni hoꞌo uri taa. Mango urine, e si unue kire ke ladoa laladonga ienini nana a Jemes na mo eesine i lalo aana a Kraes. Oto e si lae mwaanire, na e lae loꞌu aana ngaeta leu.

Tataroha Diana I Sulie A Jisas Kraes Nge A Luk E Uusue 5:27

Oto i purine, a Jisas e si lae mwaanie huilume na ko leesie nga mwane satana a Livae e iiꞌo aana leu ingeie huni totola toꞌoha aana takis hunie aalahanga ni Rom. Oto a Jisas ko teꞌuri hunie, “O ke lulu i sulieu.”

Palonga 15:13

Oto maholo kirerue ere-ere mango, a Jemes ko aehota ere uuri, “Maeni eesiku maaꞌi, omu ke pwaarongo kaꞌu hunieu.

Tataroha Diana I Sulie A Jisas Kraes Nge A Jon E Uusue 14:22

Oto ngaeta Jiudas aaopa loꞌu mwaanie a Jiudas Iskariot, ko si teꞌuri hunie a Jisas, “?Poro paine, aana e ue kaꞌu o unue uri o saꞌa haꞌasaie ike walumalau aana walu ola i suliꞌo? ?E ue o ko si haꞌasaiꞌemeelu mola maraameelu?”

Tataroha Diana I Sulie A Jisas Kraes Nge A Jon E Uusue 14:9

Oto a Jisas e aalamie ko teꞌuri, “!Mwae! ?No ko iiꞌo tewa oto peꞌiꞌomu, na uri o kaꞌa saieu ue, Pilip? A tei nge ko leesieu, e leesie a Mamaꞌa otona. ?E ue o ko saetoꞌo aana ne ke haataꞌinie a Mamaꞌa loꞌu eemiu?

Matiu 27:56

Ngaeta mo keni aada nge kira Meri ni Makdala, na a Meri nikana Jemes na Josep, na nikana e ro kalena Sebedi.

Matiu 18:17

Na mala uri e kaꞌa rongo oto noꞌone huniꞌomoolu, unue loꞌu mei olana hunie soihaadaꞌinge. Na leu ooreta mola uri, mala e kaꞌa rongo oto hunie soihaadaꞌinge, toliꞌaasie hunie ke iiꞌo oto mola i sinaha mala iinoni ni puꞌo wa mala iini peli-peli.

Tataroha Diana I Sulie A Jisas Kraes Nge A Mak E Uusue 15:40

Ngaeta mo keni kire uure noꞌone wau haꞌatau mwaanie poꞌu-poꞌu, kire ko haꞌa-haꞌamaesie nga taa ko reu. Ngaeta mo iini aada nge kira Meri ni Makdala, na a Salome, na a Meri (nikana a Jemes Saanau na a Josep).

Tataroha Diana I Sulie A Jisas Kraes Nge A Luk E Uusue 18:10

A Jisas e unue uuri, “Ngaeta hai dinge e ro mwane e oꞌoꞌo, oto kirerue ko hanetaa taꞌau i Nume Maaꞌi Peine huni aarea a God. Nga iini Parise, na ruana nga iini mwane susulu toꞌoha hunie aalahanga ni Rom.

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

Tataroha Diana I Sulie A Jisas Kraes Nge A Luk E Uusue 18:13

“Taꞌe mwane susulu toꞌoha ngeena, e uure mola mai haꞌatau, hule aana e kaꞌa sare lio loꞌu i lengi. Ko kukumu mola i mamangona aani saehuunge, na ko unue uuri, ‘God, o ke aamasieu, ineu iinoni ni oorahaꞌaa.’ ”

Tataroha Diana I Sulie A Jisas Kraes Nge A Luk E Uusue 19:2

na ngaeta mwane satana a Sakias i leune. Ingeie nga mwane toꞌo-toꞌo aena aana ingeie nga naꞌohai mwane aana mo iini ko susulu toꞌoha hunie aalahanga ni Rom.

Tataroha Diana I Sulie A Jisas Kraes Nge A Jon E Uusue 1:48

Oto a Nataniel e dolosi aana Jisas uuri, “?O manataꞌinieu keꞌu uri taa?” A Jisas e aalamie uuri, “Nou leesiꞌo kaꞌu weu i aeꞌaena ai fik, na a Pilip e kaꞌa soiꞌo ue.”

Tataroha Diana I Sulie A Jisas Kraes Nge A Jon E Uusue 14:5

Oto a Tomas ko teꞌuri hunie a Jisas, “Poro paine, melu kaꞌa manataꞌinie ike leu o ko lae aana. ?Haꞌalaa melu ke si saie tala hunie uri taa eena?”