Matiu 10:27 - Tataroha Diana

²⁷ Nga taa no ko unu-unu mumuni aana huniꞌomu, omu ke si unu haadaꞌi aana. Na loꞌu nga taa omu ko rorongoa mola maraamiu, omu ke si soingeꞌinie hunie ahutana mwala ke rongoa.

Matiu 10:27 Referans Kwoze

Palonga 5:20

“Omu ke lae wau i Nume Maaꞌi Peine, oto omu ko haꞌarongoa mwala aana walu ola i sulie maurihe ienini.”

Tataroha Diana I Sulie A Jisas Kraes Nge A Jon E Uusue 16:13

Taꞌe a Liꞌoa kei haataꞌinie walaimolinge a God huniꞌomu. Maholo kei lae mai ngeena, nge ke si naꞌomiu oto i lalo aana ahutana walaimolinge uure mwaanie a God. E saꞌa ere ike mola tohune, taꞌe kei ere i sulie nga taa e rongoa, na kei unue huniꞌomu mo ola kei haro oa taane ue aana nga maholo.

Tataroha Diana I Sulie A Jisas Kraes Nge A Jon E Uusue 16:1

Nou unue oto mo ola ienini huniꞌomu mwaanie uri omu deu tekelaꞌinie hiiwalaimolinge iꞌomu.

Palonga 5:28

“Melu tohungei ere hiitoꞌo oto huniꞌomu mwaanie omu haꞌa-uusulie loꞌu nga iini i sulie a mwane ngeena, taꞌe omu ko da haꞌa-uusulinge iꞌomu ko lae ahusie oto taꞌena nga leu i Jerusalem. Na omu ko haꞌaroroꞌaiꞌemeelu aana omu ko unue uri iꞌemeelu nge melu horo maesie a mwane ngeena.”

Tataroha Diana I Sulie A Jisas Kraes Nge A Jon E Uusue 16:29

Oto mo pwaarongoisuli ingeie kire ko teꞌuri hunie, “Ie, o ko si ere taa eena, na o kaꞌa ere ni aalahuunge ike loꞌu.

Tataroha Diana I Sulie A Jisas Kraes Nge A Jon E Uusue 16:25

Oto a Jisas ko si teꞌuri loꞌu, “Nou ere-ere kaꞌu aani aalahuunge huniꞌomu i sulie walu ola ienini, taꞌe maholoi sato ko karaꞌini oto mai na nou saꞌa ere ike loꞌu peꞌiꞌomu aani aalahuunge. Aana maholona ne kei haataꞌi oodo-oodo mola aana a Mamaꞌa huniꞌomu.

Tataroha Diana I Sulie A Jisas Kraes Nge A Luk E Uusue 8:10

Oto a Jisas ko unue uuri, “A God e lio hilisiꞌomu hunie omu ke saenanau aana walaimolinge mumuni aana Aalahanga a God. Taꞌe hunie mo iini aaopa, no ko ere ni aalahuunge oto haꞌalaa, hunie uri kire ko lio-lio na kire ke suꞌuri lio saiꞌi, kire ko rorongo na mwaanie kire rongo saiꞌi.”

2 Korinit 3:12

Oto melu kaꞌa maꞌu ike huni tarohaꞌinie Tataroha Diana, aena aana melu norutoꞌo mola aana uri manikuluhaꞌana haiholotaꞌinge haalu a God ngeena e saꞌa aiꞌaa ike.

Palonga 17:17

Oto e lae i laona nume ni palo-palo mo Jiu huni ere-ere nada na taꞌena nga iini ko lae noꞌone mai huni palo-paloa God peꞌire. Na suli dinge ko lae-lae noꞌone aana leu ni uusiꞌe huni ere peꞌie mwala nge kire ko lae-lae mai i leune.

Matiu 24:17

Na mala nga iini e iiꞌo taꞌi koluhana nume ingeie, nge ke tahi oto na ke suꞌuri waelie loꞌu nga maholo huni lai toolea nga mo ola ingeie hai nume.

Tataroha Diana I Sulie A Jisas Kraes Nge A Luk E Uusue 12:3

Na nga taa nge omu ko ere-ere mumuni aana, na mwala kei saronai saie mola. Na nga taa nge omu ko kele sasawarungeꞌinie oto mola i eelingemiu i laona duru iꞌomu maraamiu, soingeꞌinilana kei lae taane hunie mwala ke mani rongoa.”