Matiu 10:26 - Tataroha Diana

²⁶ “Taꞌe maꞌalana e urine, omu ke suꞌuri meꞌuteꞌinire, aana taꞌe-taꞌena nga mei ola iinoni ko mumumunie, haataꞌinilana kei saro lae mola, na taꞌena nga mei ola ko reu mumuni, sailana kei saronai lae taane.

Matiu 10:26 Referans Kwoze

Tataroha Diana I Sulie A Jisas Kraes Nge A Luk E Uusue 8:17

Aana taꞌena nga ola mumunilana e lae, nge haataꞌinilana kei saronai lae taane mai haadaꞌi aana leu matapwa. Na nga taa nge aaluhilana e lae, aelilana kei saronai lae taane mai haadaꞌi huni leesie.

Tataroha Diana I Sulie A Jisas Kraes Nge A Mak E Uusue 4:22

Na taꞌena nga mei ola mumunilana ko lae-lae, haataꞌinilana kei saronai lae taane mai haadaꞌi aana leu matapwa. Na nga taa nge aaluhilana ko lae-lae, aelilana kei saronai lae taane mai haadaꞌi huni leesie.

1 Korinit 4:5

Oto omu ke suꞌuri leie mwala, aena aana e kaꞌa hule ue aana maholo a God kei lae mai huni leie mwala. Oto omu ke maaꞌoohie kaꞌu Aalaha ikie kei lae mai, aana ingeie nge ke si haataꞌinie mo ola kire oꞌoꞌo mumuni rorodoꞌa hunie kire ke iiꞌo haadaꞌi. Ingeie oto kei haataꞌinie saehaahinge mo iinoni, na kei lahera i sulie nga taa nga iini e asuie.

Matiu 10:28

Mwaanie omu meꞌu-meꞌuteꞌinie mo iini ko sare horoꞌiꞌomu, aana kire sai horoꞌie mola sapemiu, taꞌe e aasa hunie kire ke horoꞌie maurihaꞌamiu. Taꞌe omu ke maꞌuteꞌinie mola a God aana taꞌe ingeie haliꞌite nge e toꞌo aana nanamanga huni deu tekelaꞌinie sape na maurihaꞌai i laona dunge ni haꞌamotaahinge.

1 Pita 3:14

Taꞌe maꞌalana uri omu ko sapesalu i tehulaꞌana oodotaꞌinge, omu ke ile-ilenimwaꞌe mola aana a God kei haro haꞌadianaꞌaꞌomu taane. Oto omu ke suꞌuri tolahiꞌe i sulie mei sapesalunge, na omu ke suꞌuri meꞌuteꞌinie nga iini.

Palonga 4:19

Taꞌe a Pita na Jon ko aalamire mola uuri, “Omu ke loꞌo-loꞌongaꞌi diana. ?Uri e diana mola i maana God huni heitohea walana na mere ke dau mola i sulie neꞌisaenga iꞌomu? !Haꞌike oto ooꞌoo!

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Palonga 4:13

Oto mo mwane aana pulitaa ni lei-lei ngeena kire ko si tohungei pangataꞌi aana kire leesie a Pita na Jon kirerue kaꞌa maꞌu loꞌu, maꞌalana uri kirerue e ro mei iinoni reu mola na kirerue kaꞌa sukulu diana ike. Na i leune nge kire si lio saie uri ikirerue ni kire lae-lae tarau peꞌie a Jisas holaꞌinaꞌo.

Tataroha Diana I Sulie A Jisas Kraes Nge A Luk E Uusue 24:47

Kire unue noꞌone uri mei wala i sulieu ke lae hunie ahutana mo iinoni ni welumalau ke aaliꞌu takoie God hunie ke saeꞌaasie mo oorahaꞌaa ikire. Oto omu ke lai haꞌarongoa mwala aana walu olana, aehota mai i Jerusalem, lae hule aana ahutana mo komu ni welumalau.