Matiu 10:1 - Tataroha Diana

¹ Oto e haaraie mai aawalai pwaarongoisuli mwana rue ingeie i saana, na ko niie nanamanga e saka hunire hunie kire ke oohe aasie ahutana mo liꞌoa aaela na huni haꞌa-uurie mwala peꞌie taꞌena nga maelaa hai aaopaꞌi.

Matiu 10:1 Referans Kwoze

Tataroha Diana I Sulie A Jisas Kraes Nge A Luk E Uusue 10:19

Aana nou niie oto huniꞌomu nanamanga huni uuri haahie mo mwaa ala-ala na mo heri-heri. Na nou niie oto noꞌone nanamanga e saka loꞌu liutaa aana nanamanga a Satan. Oto nga mei ola e saꞌa huꞌisiꞌomu ike loꞌu.

Tataroha Diana I Sulie A Jisas Kraes Nge A Luk E Uusue 24:49

Na ineu maraaku, ne ke si uusungeꞌinie mai haahiꞌomu nga taa nge Aamaku e haiholotaꞌinie. Taꞌe omu ke iiꞌo kaꞌu i Jerusalem hule aana omu kei hele aana nanamanga ngeena uure i Lengi.”

Palonga 1:8

Taꞌe maholo Liꞌoa Maaꞌi kei siho oto mai haahiꞌomu, omu ke si honu aana nanamanga huni unu tahangaꞌinieu taꞌau i Jerusalem, na ahutana mo leu i Jiudia, na oto aana poꞌo ni henue i Samaria, na ahusie oto ahutana walumalau.”

Tataroha Diana I Sulie A Jisas Kraes Nge A Jon E Uusue 3:27

Oto a Jon ko aalamire uuri, “Taꞌena nga ola nga iini e toꞌo aana, e toꞌo aana mola aena aana a God taꞌau i Lengi e niie nana. Oto nou saꞌa saehanalie ike asunge a porona, wa ne ke upwesie mwala nge kire ko lae oto i saana.

Tataroha Diana I Sulie A Jisas Kraes Nge A Luk E Uusue 6:13

Oto e dangi hoꞌowa e soie mo iini ko lulu i sulie mai i saana, ko si lio hilisie aawalai mwane mwana rue mwaanire, na ko haaraꞌinire aana mo hurulaꞌaa.

Tataroha Diana I Sulie A Jisas Kraes Nge A Luk E Uusue 21:15

Ineu, ne kei haataꞌinie taane aamiu nga taa ni unue aana tohungana saenanaunge hule aana nga iini aana mo maelonga iꞌomu, na e saꞌa oolisie ike loꞌu nga mei wala aana erenga iꞌomu.

Palonga 19:15

Taꞌe liꞌoa aaela e aalamire ko teꞌuri mola, “Nou saie taane a Jisas, na nou saie a Pol. ?Taꞌe iꞌomu, kira tei ni iꞌomu?”

Tataroha Diana I Sulie A Jisas Kraes Nge A Jon E Uusue 17:2

Aana o niie oto mai hunieu nanamanga haahie ahutana iinoni, uri ne ke si niie maurihe huu nana mo iini o niire nakue.

Tataroha Diana I Sulie A Jisas Kraes Nge A Jon E Uusue 6:70

Oto a Jisas ko si teꞌuri hunire, “Iꞌomu oto aawalai mwane mwana rue nge nou lio hilisiꞌomu hunie omu ke lulu i sulieu, taꞌe ngaeta iini eemiu nga liꞌoa aaela nge mola aana.”

Tataroha Diana I Sulie A Jisas Kraes Nge A Jon E Uusue 3:35

A Mamaꞌa e manata diana hunie a Kalena, na e niie ahutana walu ola mango oto i laona nimana huni lio i suliꞌi.

Haataꞌinge 12:1

Oto ngaeta tolimaa oto paine e haataꞌi loꞌu taꞌau i Lengi. Nou leesie ngaeta huꞌe e toꞌoni haahie aana rarangana sato, na waro-waro i hahana aeꞌaena, na rorodara aana aawalai ho heeꞌu mwana rue i pweune.

Matiu 26:47

Oto maholo a Jisas ko ere-ere ue, na a Jiudas Iskariot ko hule oto peꞌie pulitaa paine, mo iini nge mo naꞌohai pris na mo rato ni mwane kire uusungeꞌinire mai peꞌie. Mwala ngeena kire mani hele naihi peꞌi diꞌe,

Matiu 26:20

Oto i seulehi, a Jisas na aawalai pwaarongoisuli mwana rue kire si iiꞌo huni ngeu.

Matiu 19:28

Oto a Jisas ko si unue hunire uuri, “No ko unue oto huniꞌomu uri aana walumalau haalu, maholo ineu a Kale Ni Iinoni ne kei iiꞌo i lengine naunekume ni menikuluꞌanga ineu, iꞌomu mo iini nge omu ko lulu i sulieu, omu kei iiꞌo noꞌone i lengine aawalai neunekume mwana rue huni leie aawalai komu mwana rue mo Israel.

Matiu 6:13

Na mwaanie o toliꞌaasiꞌemi huni oorahaꞌaa maholo malaahongalamami ko lae, taꞌe o ke lio i suli diana aamami mwaanie Iini Oorahaꞌaa.

Matiu 4:23

A Jisas e lae-lae kalie ahutana mo henue aana poꞌo ni henue i Kalili, peꞌi haꞌa-uusulinge i laona mo nume ni palo-palo mo Jiu, na peꞌi tarohaꞌinilana Tataroha Diana i sulie Aalahanga a God. Na e haꞌa-uurie noꞌone ahutana mwala nge kire toꞌo aana taꞌena nga maelaa hai aaopaꞌi.

Matiu 9:35

A Jisas e lae peꞌi maatolie ahutana mo huilume aana poꞌo ni henuena. Na e lae peꞌi haꞌa-uusuli i laona mo nume ni palo-palo mo Jiu aani laeliwalanga aana Tataroha Diana i sulie Aalahanga a God, na e haꞌa-uurie mwala peꞌie taꞌena nga taungei maelaa oto mola.

Matiu 9:38

Omu ke aitanaie iini e toꞌo aana hohola hunie ke uusungeꞌinie loꞌu mei nga mwala auꞌesu huni soꞌokoni nana.”