Tataroha Diana I Sulie A Jisas Kraes Nge A Luk E Uusue 8:44 - Tataroha Diana

⁴⁴ A keni ngeena e lae poi i matolana ruruhaa i purine a Jisas, oto ko kopi aana ngongoꞌana toꞌoni ingeie, na apu raha-raha ngeena ko tolana mango oto mwaanie.

Tataroha Diana I Sulie A Jisas Kraes Nge A Luk E Uusue 8:44 Referans Kwoze

Palonga 19:12

Maꞌalana taꞌena nga mei sala e toꞌorie mola sapena Pol, na kire kei toolea hunie mo iini ko mataꞌi wa mo iini nge mo liꞌoa aaela e iiꞌo aada, kire sai awaa oto, na mo liꞌoa aaela ngeena ko tehi oto mwaanire.

Tataroha Diana I Sulie A Jisas Kraes Nge A Jon E Uusue 5:13

Taꞌe mwane nge haꞌa-uurilana e lae ngeena, e kaꞌa saie ike uri a tei ni e haꞌa-uurie, aena aana a Jisas e aaraꞌimuni oto mwaanie aana mwala hunge i leune.

Tataroha Diana I Sulie A Jisas Kraes Nge A Luk E Uusue 13:13

Oto a Jisas e hele i sapena a keine, na a keine ko tolana uure oodo oto peꞌi haꞌamanikuluꞌaa God.

Tataroha Diana I Sulie A Jisas Kraes Nge A Luk E Uusue 7:38

Oto a keine e lae mai i saana a Jisas ko pouruuru i saana e ro aeꞌaena, ko si ngara peꞌi oonisaenga na ko haꞌamedoa e ro aeꞌaena a Jisas aana mo wei ni aakalo ko aahe mwaanie maana. Na ko hulo aꞌate aana e ro aeꞌaena aana iihune pwaune. Oto ko nonoꞌie e ro aeꞌaena, na ko huie ho rumu e wasu mangoni ngeena i lengini.

Tataroha Diana I Sulie A Jisas Kraes Nge A Mak E Uusue 6:56

Na ahutana mo leu nge a Jisas ko lae aani mala mo henue paine wa mo huilume wa ngaeta mo leu loꞌu, mwala kire ko haꞌa-enohie mo mae-maeaꞌa i laona mo amaa aana mo henue huni maaꞌoohie. Oto kire ko eitanaie uri hunie kire ke kopi mola aana taꞌena nga leu aana toꞌoni ingeie. Na ahutana mo iini kire kopi aana, kire awaa oto.

Matiu 20:34

A Jisas e aamasirerue, ko si hele wau i maadarue, na maadarue ko tolana lio-lio loꞌu. Oto kirerue ko si lae i sulie.

Matiu 8:3

Oto a Jisas e si susueꞌinie wau nimana huni hele i sapena mwaena, na ko teꞌuri, “Iau, nou mwaꞌe-mwaꞌe taane. Sapemu ke mola oto.” Oto maelaa ni osa ngeena e tolana mango oto mwaanie.

Palonga 5:15

Oto aena aana mo huꞌi-huꞌite hunge nge mo hurulaꞌaa ko esuiꞌi, nge mwala kire lae peꞌi toolea mai mo mwei-mweriaꞌa oto i sinaha, na kire ko lai haꞌa-enosire i lengine mo tahe na mo niꞌe i sulie tala. Aana neꞌisaenga ikire uri maholo a Pita kei liu aana leune, maꞌalana nunune ko liu mola haahie mo iini ko mweri ngeena na kire sai awaa loꞌu.

Matiu 9:20

Na ngaeta huꞌe apu raha-raha ko seunie oto hunie aawalai helisi mwana rue, ko lae poi purine a Jisas, na ko kopi mumuni aana ngongoꞌana toꞌoni ingeie.

Tataroha Diana I Sulie A Jisas Kraes Nge A Luk E Uusue 8:43

Na i matolana mwala e hunge ngeena, ngaeta keni noꞌone i leune maelaa madaꞌa aana apu raha-raha ko seunie oto hunie aawalai helisi mwana rue. A keine e nii mangoa oto toꞌo-toꞌolana hunie mwala kure-kure, taꞌe nga iini na e kaꞌa haꞌa-uurie ike.

Tataroha Diana I Sulie A Jisas Kraes Nge A Luk E Uusue 8:45

Oto a Jisas ko dolosi uuri, “?A tei ni e kopi eeku?” Taꞌe kire ko meni taateingeꞌinie mola. Oto a Pita ko teꞌuri, “Aalaha, mwala hunge kaꞌu kire ruru kali-keliꞌo ngeena, na kire ko lae peꞌi helipaꞌo uri huni leesiꞌo.”