Tataroha Diana I Sulie A Jisas Kraes Nge A Luk E Uusue 6:48 - Tataroha Diana

⁴⁸ e urihana iinoni saenanau e tohue nume ingeie aana e eli kokoro talana mo hunu, na e neꞌie mo heu i poo-pootana mo hunu aana nume ngeena. Oto lae-lae maholo wai kei kone na kei halolo aana nume ngeena, taꞌe hule aana e saꞌa asuleꞌi ike, aena aana e tohu diana aana.

Tataroha Diana I Sulie A Jisas Kraes Nge A Luk E Uusue 6:48 Referans Kwoze

Jiud 1:24

Oto kie ke haꞌamanikuluꞌaa iini e nanama na e sai kakalikie mwaanie kie domu i laona oorahaꞌaa. E sai kinetaꞌinikie mwaanie kie dau aaelasie nga mei ola, na kei toolekie aani ilenimwaꞌenga oto paine i laona manikuluhaꞌana.

Epesas 2:20

Iꞌomu, omu urihana oto noꞌone nume a God ko esuie. Nume ngeena, mo hurulaꞌaa na mo propet kire neꞌi poo-poota aana, na a Jisas Kraes oto tohungana haususu aana.

1 Jon 2:28

Iau, maeni mwela ineu, omu ke iiꞌo susu oto i lalo aana a Kraes, uri hunie maholo kei ooli mei, kie ke suꞌuri meꞌu na kie ke suꞌuri masa i maana.

2 Timoti 2:19

Taꞌe maꞌalana ngaeta mo iini ko neꞌisae rue-ruaꞌa urine, soihaadaꞌinge e saꞌa rongo ike hunire aena aana soihaadaꞌinge e toꞌo aana taane poo-pootana nge e kaꞌa sai esuleꞌi ike. Na a God e uusue mo wala i sulie soihaadaꞌinge ingeie uuri, “A Aalaha e manataꞌinie taane mo iini ingeie,” na loꞌu uuri, “Ahutana mo iini ko unue uri kire hiiwalaimoli aana a Aalaha, kire ke mani toliꞌaasie oto mo tolahai ola aaela ikire.”

2 Pita 1:10

Oto e lae otoi diana, maeni eesiku maaꞌi, uri hunie omu ke asu aꞌailaꞌa loꞌu hunie omu ke haataꞌinie uri a God e tohungei lio hilisiꞌomu oto nana maraana. Omu ke haataꞌinie uri e soiꞌomu mei i saana toꞌohuu aana mo tolahai ola diana aana mau-meuringe iꞌomu. Na mala uri omu kei esu urine, omu saꞌa heꞌi lae takalo loꞌu mwaanie tala oodo, wa omu ke tataro aana laenga i sulie.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Tataroha Diana I Sulie A Jisas Kraes Nge A Luk E Uusue 6:47

Taꞌe-taꞌena nga iini ko lae mai seeku na ko rongoa walaku peꞌi sulu i suliꞌi,

Tataroha Diana I Sulie A Jisas Kraes Nge A Luk E Uusue 6:49

Taꞌe nga iini nge ko rongoa walaku na e kaꞌa sulu ike i sulie, ingeie e urihana iinoni e tohue nume ingeie mola i lengine oone mwaakule. E kaꞌa eli kokoro ike wa ke neꞌie mo heu ehuie mo hunu. Oto lae-lae maholo kone kei halolo aana numena, na kei tolana aaꞌoho taꞌingelu oto.”