Tataroha Diana I Sulie A Jisas Kraes Nge A Luk E Uusue 6:42 - Tataroha Diana

⁴² Na e kaꞌa diana ike noꞌone uri hunie o ke unue hunie aasimu uuri, ‘Kaꞌu, ne ke taꞌaasie kele ngangaꞌai ola ngeena mwaanie maamu,’ na hule aana iꞌoe maraamu rotoi ei laku noꞌone mola e eno honosie maamu. !Nga hero-heronga kaꞌa urine ike! Mala uri o ko teꞌurine, nge o ko lupweꞌi deu-deu mola ni ngeena. Taꞌe o ke holaꞌi taꞌaasie kaꞌu rotoi ei laku ngeena mwaanie maamu hunie maamu ke manola. Oto o ke si lio susulie kele ngangaꞌai ola i maana aasimu hunie o ke kae aasie.”

Tataroha Diana I Sulie A Jisas Kraes Nge A Luk E Uusue 6:42 Referans Kwoze

2 Pita 1:9

Taꞌe mala uri nga iini nge e kaꞌa toꞌo aana ike mo tolahai ola ngeena i lalo aana mau-meuringe ingeie, iinoni ngeena e urihana mola iinoni e kaꞌa sai lio kohi ike, wa maana e ulu toꞌohuu. E pulongosie oto uri a God ni e hoda rereꞌa aana mwaanie mo oorahaꞌaanga ingeie i naꞌo.

2 Timoti 2:21

E urine noꞌone mola aana mo iinoni. Mo iini nge kire ko toliꞌaasie mo tolahai ola aaela ngeena oto taꞌingelu mwaanire, nge kire kei iiꞌo maaꞌi oto i maana Aalaha ikire. Mauringe ikire kei toꞌohie saena a Aalaha, na kire sai esuie taꞌena nga mei esunge diana oto mola nana.

2 Korinit 5:18

Ahutana walu ola ngeena a God ni ko esuiꞌi hunikie aana a Kraes. A God e uusungeꞌinie mone a Kraes hunie kie ke aaliꞌu loꞌu mei takoie hunie kie ke uure ruru peꞌie. Na e niie mei esunge ngeena nameelu huni toolea mai mo iinoni takoie hunie ikire noꞌone kire ke uure ruru peꞌie.

Uusu-uusu A Pol Hurula'aa Hunie Mo Rom 2:1

Oto iꞌomu nge omu ko unu-unue uri mo iini nge kire dau urine kire tohungei deu aaela, iꞌomu noꞌone omu ke lio talamiu. ?Oto omu ko ere huni taa? Aena aana maholo omu ko leie ngaeta mwala urine, e urihana omu ko leiꞌomu loꞌu mola maraamiu ni ngeena, aena aana iꞌomu na omu ko deu-deu aaela noꞌone mola mala ikire.

Palonga 13:10

na ko teꞌuri “!Mwae, iꞌoe kalena a Pwelu Eero-eero oto toꞌohuu! Ahutana walu ola oodo o meni lelediꞌi mango mola, na o tohungei honu mola aana eeronga na pwelu-walanga. ?Aana e ue o ko deu aahonga huni huꞌisie walana God nge e walaimoli hunie ke rongo mala eeronga?

Palonga 8:21

Iꞌoe o kaꞌa toꞌo aana ike nga kele mei ola aana asunge a God ienini, aana loꞌongaꞌinge iꞌoe e kaꞌa oodo ike i maana a God.

Palonga 2:38

Oto a Pita e aalamire ko teꞌuri, “Ahutemiu mango, omu ke oonisae mwaanie mo oorahaꞌaanga iꞌomu na omu ke loto maaꞌi aana satana a Jisas Kraes hunie a God ke si saeꞌaasie mo oorahaꞌaanga iꞌomu na ke niie mai Liꞌoa Maaꞌi huniꞌomu.

Tataroha Diana I Sulie A Jisas Kraes Nge A Luk E Uusue 22:32

Taꞌe ineu, no ko aarengaꞌi taane talamu Saemon hunie uri hiiwalaimolinge iꞌoe ke susu. Oto maholo o ko eeliꞌu mei takoieu, o ke si haꞌasusue mo eesimu hunie kire ke aꞌailaꞌa noꞌone.”

Tataroha Diana I Sulie A Jisas Kraes Nge A Luk E Uusue 13:15

Oto a Jisas ko aalamie uuri, “!Iꞌomu oto mwala mola huni lupweꞌi deu-deu! Ahutemiu omu ko luluhesie kaꞌu mola mo puluke na mo dongki iꞌomu, na omu ko too-tooleꞌi kaꞌu mola i wei huni inu-inu aana ahutana dinge, maꞌalana uri aana Dinge Maaꞌi.

Matiu 26:75

Aana maholona nge a Pita ko si aamasitoꞌo aana mo wala a Jisas e unu-unuꞌi hunie uuri, “I naꞌona kue kei ngara i rodo siꞌirini, o kei taateingeꞌinieu haꞌa-oolu uri o kaꞌa manataꞌinieu ike.” Oto a Pita e iisitaa i sinaha, ko si ngara uulo-uulo.

Matiu 7:3

?E ue kaꞌu o ko ili lio susulie kele ngangaꞌai ola oto mola mwai-mwei i maana aasimu? Taꞌe hule aana iꞌoe, rotoi ei leku e eno honosie maamu na o kaꞌa sai hiingeꞌinie.

Matiu 7:4

Na e kaꞌa diana ike noꞌone uri hunie o ke unue hunie aasimu uuri, ‘Kaꞌu ne ke taꞌaasie ngangaꞌai ola mwaanie maamu,’ na hule aana iꞌoe maraamu, rotoi ei leku noꞌone mola e eno honosie maamu.

Tataroha Diana I Sulie A Jisas Kraes Nge A Luk E Uusue 6:41

?E ue kaꞌu o ko ili lio susulie kele ngangaꞌai ola oto mola mwai-mwei i maana aasimu? Taꞌe hule aana iꞌoe, rotoi ei leku e eno honosie maamu na o kaꞌa sai hiingeꞌinie.

Tataroha Diana I Sulie A Jisas Kraes Nge A Luk E Uusue 6:43

Oto a Jisas ko heꞌi teꞌuri loꞌu, “Ai diana e saꞌa roroꞌa hungu ike aani hue-huei ei aaela, wa ai aaela ke hungu eeni hue-huei ei diana.