Tataroha Diana I Sulie A Jisas Kraes Nge A Luk E Uusue 6:20 - Tataroha Diana

²⁰ Na a Jisas e toꞌo-toꞌomaaie mo pwaarongoisuli ingeie, ko si unue hunire uuri, “Deidehiꞌomu mo iini nge omu meitale, aena aana Aalahanga a God oto toꞌolamiu.

Tataroha Diana I Sulie A Jisas Kraes Nge A Luk E Uusue 6:20 Referans Kwoze

Jemes 2:5

Omu ke rongo kaꞌu, maeni eesiku maaꞌi. A God e lio hilisie mo iini e maitale aana walumalau ie hunie kire ke toꞌo-toꞌo aana hiiwalaimolinge, na huni toꞌo aana aalahanga nge e haiholotaꞌinie hunie mo iini nge kire manata diana hunie.

2 Korinit 8:9

Aana saeku hunie omu ke haimaanie hahuꞌana manata-diananga Aalaha ikie a Jisas Kraes. Omu saie mola uri e tohungei toꞌo-toꞌo kaꞌu oto taꞌau i Lengi, taꞌe e si lae mai neꞌi iinoni meitale mola i tehulaꞌamiu, uri hunie omu ke neꞌi iinoni toꞌo-toꞌo i tehulaꞌana maitalenga ingeie ngeena.

Tataroha Diana I Sulie A Jisas Kraes Nge A Luk E Uusue 12:32

“Maꞌalana omu kaꞌa hunge, taꞌe mwaanie omu meꞌu-meꞌu, maeni mwela, aena aana Aamamiu ko tohungei ilenimwaꞌe hunie omu kei aalaha peꞌie i laona Aalahanga ingeie.

Matiu 25:34

“Oto ineu, a Inemauri, ne ke si unue hunie mo iini oodotaꞌi nge ikire i pwalo-pwaloku uuri, ‘Omu ke lae mai mo iini nge a Mamaꞌa e niie haꞌadianaꞌanga ingeie oto huniꞌomu. Omu ke hele huu oto namiu aana aalahanga nge a Mamaꞌa e dau aakau aana loosiꞌomu, uure oto aana haꞌaholalana walumalau.

Haataꞌinge 2:9

“Nou saie taane mo aasanga iꞌomu na uri omu meitale. Taꞌe omu tohungei toꞌo-toꞌo taane aana hiiwalaimolinge. Nou saie taane mwala ko ere aaelasiꞌomu aana kire unue uri ikire oto mo iini a God e saetoꞌo aada. Taꞌe haꞌike. Ikire, kire ko haꞌapainaꞌaa mola a Satan ni ngeena.

2 Korinit 6:10

Aena aana mo aasanga ngeena, e malisine oto melu ke sae-saehuu, taꞌe melu ilenimwaꞌe mola tarau. Melu sai meitale taane, taꞌe melu ko peꞌie mola mwala hunge hunie kire ke toꞌo-toꞌo loꞌu. Melu kaꞌa toꞌo aana ike taane nga mei ola, taꞌe melu ko si toꞌo aana mola ahutana walu ola mango.

Jemes 1:12

Mala uri nga iini nge oohongilana ko lae na ko uure maꞌutaꞌa mola, nge ke ilenimwaꞌe mola. Aena aana i purine oohongilana hiiwalaimolinge ingeie ko lae urine, nge a God kei waaie aana rorodara ni meurihe huu, nge e haiholotaꞌinie hunie mo iini nge kire manata diana hunie.

2 Tesalonaeka 1:5

Aana omu ko sapesalu hiitoꞌo i tehulaꞌana a God oto ienini, nge a God ke si haataꞌinie uri omu tohungei melisine Aalahanga ingeie. Na aana nga maholo ue mai sapesalunge iꞌomu ngeena kei haataꞌinie noꞌone uri leinge a God e oodo taane mola.

1 Tesalonaeka 1:6

Oto maholo omu hiiwalaimoli aana Tataroha Diana, omu heimaanie oto mo tolahai ola diana iꞌemeelu na aana Aalaha ikie. Na maꞌalana omu sapesalu hiitoꞌo kaꞌu i tehulaꞌana Tataroha Diana ngeena, taꞌe a Liꞌoa Maaꞌi e asuie omu ko ile-ilenimwaꞌe mola haahie.

2 Korinit 8:2

Oohongilada e lae kaꞌu aana mo aasanga oto paine e hite aada, na kire maitale oto hiitoꞌo. Taꞌe maꞌalana e urine, ilenimwaꞌenga ikire e paine oto liutaa hule aana kire ko sare nii huni peꞌie ngaeta mwala.

Palonga 14:22

Na kirerue ko ere-ere peꞌie mo pwaarongoisuli haalu a Jisas aana mo henuena huni ere haꞌasusure hunie hiiwalaimolinge ikire ke susu. Na kirerue ko ere uuri hunire. “Omu ke hiiwalaimoli tarau mola aana a Jisas, aena aana mo maholo hunge kolu kei lae oodoie aasanga purihaꞌana kolu ke si hule aana Aalahanga a God.”

Tataroha Diana I Sulie A Jisas Kraes Nge A Luk E Uusue 14:15

Na maholo ngaeta iini aana mwala e iiꞌo peꞌie a Jisas e rongoa mo ola ie, oto ko si teꞌuri hunie, “Deidehie mo iini kei ngeu aana ngauhe aana Aalahanga a God.”

Tataroha Diana I Sulie A Jisas Kraes Nge A Luk E Uusue 13:28

“I leune omu kei iiꞌo ni saehuunge mola peꞌie ngaranga. Aana omu kei leesie a Ebraham, na a Aesak, na a Jekob peꞌie mo propet oto i naꞌo ikire i laona Aalahanga a God, na iꞌomu, aasilemiu kei lae mola poꞌoi sinaha mwaanie leune.

Tataroha Diana I Sulie A Jisas Kraes Nge A Luk E Uusue 4:18

Liꞌoa Maaꞌi a God oto peꞌieu, aena aana e lio hilisieu huni tarohaꞌinie Tataroha Diana hunie mo iinoni meitale. E uusungeꞌinieu huni tarohaꞌinie uri mo iini kire hoꞌosire i nume ni hoꞌo uri kire ke iiꞌo luhetaꞌi oto, na huni haꞌarongoa mo ulu uri kire ke lio loꞌu, Aesaea 61:1 na huni unue hunie mo iini kire iiꞌo i mamalutana mwala e sai haꞌamweꞌu-mweꞌu uri kire ke iiꞌo luhetaꞌi loꞌu, Aesaea 58:6

Matiu 11:5

Aana mo ulu ko lio-lio oto, mo rarasi ko lae-lae diana oto loꞌu, mo iini ko sapesalu aana maelaa ni osa kire mola oto, mo iini e pungu ko rorongo oto loꞌu, na mo iini e mae kire ko meuri eelihoꞌi oto loꞌu. Na laeliwalanga aana Tataroha Diana ko lae oto hunie mo meitale.

Tataroha Diana I Sulie A Jisas Kraes Nge A Luk E Uusue 16:25

“Taꞌe a Ebraham e teꞌuri mola, ‘Kaleku, o ke aamasitoꞌo aana maholo o oꞌoꞌo mauri, o toꞌo aana oto dianahaꞌana ahutana mo ola, taꞌe a Lasaros e lae peꞌi siꞌohaꞌa oto hiitoꞌo. Oto ie, a Lasaros e iiꞌo ni ilenimwaꞌenga na iꞌoe ko motaahiꞌo. Oto e aasa hunie ke peꞌiꞌo.

Matiu 5:1

Maholo a Jisas e leesie uri mwala hunge ko lae i sulie, oto ko hanetaa taꞌau i lengine uuwo. Na maholo e iiꞌo i aano huni haꞌa-uusuli, mo pwaarongoisuli ingeie kire ko meni loko oto mai saana.