Tataroha Diana I Sulie A Jisas Kraes Nge A Luk E Uusue 5:29 - Tataroha Diana

²⁹ Oto a Livae ko esuie ngaunge paine hunie a Jisas i nume ingeie, na mwala hunge kire loko aana ngaunge ngeena. Hungelana mwala e loko ngeena, ikire mwala susulu toꞌoha noꞌone.

Tataroha Diana I Sulie A Jisas Kraes Nge A Luk E Uusue 5:29 Referans Kwoze

Tataroha Diana I Sulie A Jisas Kraes Nge A Luk E Uusue 15:1

Aana ngaeta hai dinge, mwala susulu toꞌoha na mo iini e oorahaꞌaala kire lae mai saana Jisas huni rongoa mo haꞌa-uusulinge ingeie.

1 Korinit 10:27

Na loꞌu, mala uri nga iinoni ni puꞌo ko haaraiꞌomu huni lai ngeu peꞌie, na uri omu ko mwaꞌe-mwaꞌe ni lae, oto nga taa ko niie amiu, omu ke hele aana mola na omu ke suꞌuri dolosi loꞌu i sulie.

Tataroha Diana I Sulie A Jisas Kraes Nge A Jon E Uusue 12:2

Oto i leune kire haꞌalie hunie kele ngauhe huni haꞌamaꞌu aana. A Maata nge ko raretaꞌinire, na a Lasaros noꞌone ngaeta iini aana mwala e ngau peꞌie a Jisas aana maholona.

Tataroha Diana I Sulie A Jisas Kraes Nge A Mak E Uusue 2:15

Na mwala hunge aana mo iini kire unue ikire mwala oorahaꞌaa, na mo mwane susulu toꞌoha aana takis, kire ko lae i sulie a Jisas. Oto maholo a Jisas e lai iiꞌo i nume a Livae huni ngeu peꞌie, mwala hunge noꞌone urine kire loko wau, na kire ko ngeu peꞌie a Jisas na mo pwaarongoisuli ingeie.

Matiu 9:10

Oto maholo a Jisas na mo pwaarongoisuli ingeie kire lae huni ngeu peꞌie a Matiu, na hungelana mwala susulu toꞌoha hunie aalahanga ni Rom mala a Matiu, na mo iini hunge aana mwala oorahaꞌaala, kire ko lae noꞌone mai huni ngeu tararuru peꞌire.

Matiu 5:46

Oto mala omu kei manata diana mola hunie mo iini e manata diana huniꞌomu, a God e saꞌa niie ike nga waaite huniꞌomu. Taungei ola urine hule aana mo iini aaela nge ko susulu toꞌoha hunie aalahanga ni Rom, na kire sai teꞌurine noꞌone mola.

Matiu 9:9

Maholo a Jisas ko si kele lae mola taꞌau mwaanie leune na ko leesie nga mwane satana a Matiu, e iiꞌo aana leu ingeie huni totola toꞌoha aana takis hunie aalahanga ni Rom. Oto ko teꞌuri hunie a Matiu, “O ke lulu i sulieu.” Oto a Matiu e taꞌelaꞌi ko si lulu i sulie.

Matiu 11:19

Oto ineu a Kale Ni Iinoni, nou lae mai na no ko ngeu na no ko inu waen mola, oto mwala ko unue loꞌu mola uuri, ‘A mwane ngeena ngauhana e paine na e tohungei sai inu hiitoꞌo. Na mo malahune oto mola mwala susulu toꞌoha na mo iinoni oorahaꞌaa.’ ” Oto a Jisas e haꞌamangoa erenga ingeie uuri, “Taꞌe tolahana mo iini kire toꞌo aana saenanaunge a God kei haataꞌinie uri ikire oto mo iinoni toꞌohuu.”