Tataroha Diana I Sulie A Jisas Kraes Nge A Luk E Uusue 3:8 - Tataroha Diana

⁸ !E aasa! Taꞌe omu ke hungu eeni hue-huei ola diana i laona mau-meuringe iꞌomu huni haataꞌinie uri omu oonisae toꞌohuu oto mwaanie ahutana mo oorahaꞌaanga iꞌomu. Na mwaanie omu loꞌo-loꞌongaꞌinie uri omu kei tehisie saewasunge a God aena aana omu hute aana komu a Ebraham. Leune e saꞌa peꞌiꞌomu ike aana no ko unue huniꞌomu uri a God e sai huꞌisie mola mo heu ienini hunie kire ke neꞌi iinoni haalu hunie komu a Ebraham.

Tataroha Diana I Sulie A Jisas Kraes Nge A Luk E Uusue 3:8 Referans Kwoze

Palonga 26:20

Taꞌe no ko tarohaꞌinie uri mwala ke aaliꞌu mwaanie mo oorahaꞌaanga ikire, na kire ke aaliꞌu takoie a God, na kire ke lae i sulie tala diana huni haataꞌinie uri kire oonisae toꞌohuu. Holaꞌinaꞌo, nou holaꞌi lae i saana mwala ni Jiu nge kire ko oꞌoꞌo i Damaskas na i Jerusalem na taꞌena nga leu i Israel, oto purihaꞌana nge nou si lae loꞌu weu i saana mo Aapoloa Aaopa.

Matiu 21:43

Aena ngeena no ko unue huniꞌomu uri, taꞌaasilana aalahanga a God kei lae mwaaniꞌomu, na niilana kei lae oto hunie mo iini ko deu i sulie mo ola a God e saetoꞌo aani.

Pilipae 1:11

Oto omu ke si honu aana hue-huana oodotaꞌinge nge a Jisas Kraes maraana haꞌalaa ko niie, aani esuilana mo ola diana hunie mwala ke haꞌamanikuluꞌaa God peꞌi paalahelana haahiꞌi.

Uusu-uusu A Pol Hurula'aa Hunie Mo Rom 9:7

Na e kaꞌa ike uri ahutana mwala nge kire hute mai aana komu a Ebraham ni oto uri ikire mo tohungei kalena. Aana maꞌalana ngaeta mo mwela loꞌu kire hute aana a Ebraham, taꞌe a God e haiholotaꞌi hunie a Ebraham uuri, Tohungana komu iꞌoe kei uure mola mai mwaanie a Aesak. Jenesis 21:12

Uusu-uusu A Pol Hurula'aa Hunie Mo Rom 4:16

Aena mei olana nge haiholotaꞌinge ngeena mei ola mola i sulie hiiwalaimolinge. A God e asuie oto urine, uri hunie haiholotaꞌinge ngeena ke neꞌi niinge oto mola mwaakule, na e sai hule aana ahutana mo weuwana Ebraham mai puri. E kaꞌa ola ike mola ikire mwala ko lulu i sulie mo Haꞌatolanga a Mosis, taꞌe e neꞌie oto mei ola hunie ahutana mwala e hiiwalaimoli aana God mala a Ebraham e hiiwalaimoli aana. Aana ingeie oto weuwana ahutaka nge kie hiiwalaimoli aana a God,

Tataroha Diana I Sulie A Jisas Kraes Nge A Luk E Uusue 19:40

Taꞌe a Jisas e aalamire mola uuri, “No ko unue oto huniꞌomu, mala uri mo pwaarongoisuli ineu kire kaꞌa unue mo olana, nge mo heu kei mawa peꞌi paalahelana God noꞌone urine.”

Tataroha Diana I Sulie A Jisas Kraes Nge A Jon E Uusue 8:33

Oto kire aalamie a Jisas uuri, “!Haꞌike eena! Iꞌemi mo weuwana Ebraham, na emi kaꞌa asu ni hoꞌo ike ue nana nga iini. ?E ue nge o ko unue uri walaimolinge ke si da emi ke iiꞌo luhetaꞌi?”

Tataroha Diana I Sulie A Jisas Kraes Nge A Jon E Uusue 8:39

Oto kire aalamie a Jisas uuri, “!Aamameelu toꞌohuu oto a Ebraham, mwae!” Oto a Jisas e teꞌuri hunire, “!Haꞌike! Aana mala uri iꞌomu mo kalena Ebraham toꞌohuu, haꞌalaa omu ko karaꞌi esuie mo ola diana nge e auꞌesuiꞌi.

Matiu 3:8

!E aasa! Taꞌe omu ke hungu eeni hue-huei ola diana i laona mau-meuringe iꞌomu huni haataꞌinie uri omu oonisae toꞌohuu oto mwaanie ahutana mo oorahaꞌaanga iꞌomu.

Matiu 3:9

Na mwaanie omu loꞌo-loꞌongaꞌinie uri omu kei tehisie saewasunge a God, aena aana omu hute aana komu a Ebraham. Leune e saꞌa peꞌiꞌomu ike aana no ko unue huniꞌomu uri a God e sai huꞌisie mola mo heu ienini hunie kire ke neꞌi iinoni haalu hunie komu a Ebraham.

Tataroha Diana I Sulie A Jisas Kraes Nge A Luk E Uusue 5:21

Oto mo Parise na mo haꞌa-uusuli aana mo Haꞌatolanga a Mosis, kire ko aehota papanguru-nguru oto hunire maraadaelu uuri, “?A tei mwane ni ko ere toohaꞌinie uri ingeie e paine mala God ie? Taꞌa-taꞌa iini e sai saeꞌaasi oorahaꞌaa oto mola nge a God.”

Tataroha Diana I Sulie A Jisas Kraes Nge A Luk E Uusue 13:25

Na maholo mwane e toꞌo aana nume kei honoa maa aana nume ingeie, omu kei uure mola poꞌoi sinaha, na omu kei talei iiki-iiki mola peꞌie erenga uuri, ‘Poro paine, o ke tahamaa talameelu.’ Oto kei aalamiꞌomu mola uuri, ‘Nou kaꞌa manataꞌiniꞌomu ike. ?Omu uure i tei?’

Tataroha Diana I Sulie A Jisas Kraes Nge A Luk E Uusue 13:26

Oto omu kei heꞌi teꞌuri loꞌu hunie, ‘Iꞌemeelu kaꞌu melu ngeu-ngeu na melu inu-inu peꞌiꞌo, na o haꞌa-uusuliꞌemi aana mo henue iꞌemi.’

Tataroha Diana I Sulie A Jisas Kraes Nge A Luk E Uusue 14:9

Oto iini e haaraiꞌomoreꞌi kei lae mai unue huniꞌo uuri, ‘O ke ada mwaanie leu ngeena, hunie a mwane ie ke iiꞌo i leune.’ Urine, o kei tohungei masa oto hiitoꞌo aana o kei lai iiꞌo oto hai puri.

Tataroha Diana I Sulie A Jisas Kraes Nge A Luk E Uusue 19:9

Oto a Jisas ko teꞌuri hunie, “Siꞌiri a God ko haꞌa-uurie mwala aana nume iꞌoe ienini, aena aana iꞌoe, o si hute haalu aana komu a Ebraham.