Tataroha Diana I Sulie A Jisas Kraes Nge A Luk E Uusue 23:41 - Tataroha Diana

⁴¹ Ikure aana e urine, na horoꞌilakarue ko lae oto haahie mo ola kure dau aaelasiꞌi. Taꞌe a mwane ienini, ingeie e kaꞌa dau aaelasie ike nga mei ola oto ooꞌoo.”

Tataroha Diana I Sulie A Jisas Kraes Nge A Luk E Uusue 23:41 Referans Kwoze

1 Pita 1:19

!Haꞌike! E holi eelihoꞌi eemiu aana tohungana apune a Kraes, aana a Kraes e mae honotamiu urihana nga kele kalei sipu aana uunu-olanga. Na mala kire ko lio hilisie nga kele kalei sipu e kaꞌa toꞌo aana ike nga mei ola ke aaela aana hunie uunu-olanga, nge e urine noꞌone aana a God e lio hilisie a Kraes.

Matiu 27:24

A Paelat e lio-lio na ko lio aasaie oto uri kei uure honosire uri taa, na maaola-olanga ko karaꞌi reu oto. Oto e si da nimei wei, ko hodalie nimana i maadaelu na ko unue uuri, “!Lio kaꞌu! No ko hodalie nimeku mwaanie nou roroꞌa aana horo-maesilana a mwane ie. Nga roroꞌanga ineu haꞌike, taꞌe roroꞌanga oto iꞌomu maraamiu.”

Matiu 27:4

Oto ko teꞌuri hunire, “Nou deu oorahaꞌaa oto aana nou talei pwelo tototala mola aana iini e kaꞌa dau huꞌisie ike nga mei ola.” Oto mo rato ni mwane kire ko aalamie uuri, “Leu ngeena kaꞌa roroꞌanga ike iꞌemeelu ni ngeena. Roroꞌanga oto iꞌoe maraamu.”

Jemes 4:7

Aena ngeena omu ke haꞌamwai-mweiꞌaꞌomu huni iiꞌo i memelutana a God. Omu ke uure aꞌailaꞌa honosie a Satan, nge ke si tehi mwaaniꞌomu.

Matiu 27:54

Oto naꞌohana mo ramo ni Rom na mo ramo peꞌie nge ko kakalie a Jisas, kire leesie nunu na ngaeta mo ola loꞌu e raune, kire ko si tohungei meꞌu oto hiitoꞌo na kire ko unue uuri, “A mwane ie Kalena God oto toꞌohuu.”

Matiu 27:19

Oto maholo a Paelat e iiꞌo i aano i lengine naunekume ni leinge, huꞌe ingeie e uusungeꞌinie mai mei wala hunie na ko unue uuri, “Mwaanie o euꞌesuie nga mei ola aana mwane oodotaꞌi ngeena, aena aana nou tohungei hii aaela i rodo aana nou maꞌahu polea.”

Tataroha Diana I Sulie A Jisas Kraes Nge A Luk E Uusue 23:40

Taꞌe ngaeta iini ko si ere aana mola uuri, “?Uri o kaꞌa maꞌuteꞌinie ike a God? Aana leilemu ko lae tararuru peꞌie a mwane ienini.

Tataroha Diana I Sulie A Jisas Kraes Nge A Luk E Uusue 23:42

Oto ko si teꞌuri hunie a Jisas, “Jisas, o ke neꞌisae aaku maholo o kei iiꞌo aana aalahanga iꞌoe.”

1 Tesalonaeka 2:10

Maholo melu oꞌoꞌo peꞌiꞌomu mo iini omu hiiwalaimoli, tolahameelu e diana, na e oodo, na e maaꞌi takoiꞌomu. Oto omu meni saie mola leune e toꞌohuu, na a God na e saie noꞌone urine.

1 Pita 2:23

Na maholo mwala kire ere aaelasie, e kaꞌa ere aaela ike oolisire. Maholo kire tohungei haꞌasapesaluꞌaa e kaꞌa haꞌamaꞌusire ike, taꞌe e norutoꞌo mola aana God, iini e sai leie mo iinoni aana tala e oodo.