Tataroha Diana I Sulie A Jisas Kraes Nge A Luk E Uusue 15:22 - Tataroha Diana

²² Taꞌe aamana e unue hunie mo koni-konihe ingeie uuri, ‘Omu ke toolea mai nga mo toꞌoni diana lau-leu, na omu ke haꞌatoꞌonie aani. Omu ke neꞌie nga ringi i riꞌi-riꞌine, na nga mo hoꞌohaahiꞌae i aeꞌaena.

Tataroha Diana I Sulie A Jisas Kraes Nge A Luk E Uusue 15:22 Referans Kwoze

Haataꞌinge 6:11

Oto niilana toꞌoni rereꞌa e lae hunie taꞌena nga iini aada, na unulana e lae hunire uuri, “Omu ke maaꞌoohi haꞌawali keꞌu. Mala kire horoꞌiꞌomu keꞌu, nge horoꞌilana mo koni-konihe a God ko lae-lae ue. Oto kei saro hule aana iidu-iidunge aana mo eesimiu kire ko horoꞌire kei ehu, nge ne ke si suꞌue mei epu iꞌomu.”

Haataꞌinge 19:8

E hoꞌosie oto toꞌoni aani sala mwarau, toꞌoni haalu rereꞌa nge niilana e lae oto hunie.” (Omu ke saie uri a huꞌe haalu ngeena nge mo iinoni maaꞌi a God na toꞌoni mwarau rereꞌa ngeena e haꞌamalaa uri mo esunge diana kire asuiꞌi.)

Haataꞌinge 7:9

Oto loꞌu i purine leune, nou lio na no ko leesie loꞌu nikei pulitaa oto paine, nge nga iini e saꞌa roroꞌa iidu-suuhana. Mwala ngeena kire uure mai mwaanie taꞌena nga mwala, na mwaanie taꞌena nga aapoloa, na mwaanie taꞌena nga komu, na mwaanie taꞌena nga erenga i laona walumalau. Kire mani toꞌoni eeni toꞌoni rereꞌa, na kire mani hele apa-apai eꞌe. Kire mani uure i naꞌona naunekume ni aalaha ngeena na a Kalei Sipu,

Uusu-uusu A Pol Hurula'aa Hunie Mo Rom 8:15

Aana Liꞌoa Maaꞌi nge a God e niie oto huniꞌomu ngeena, e kaꞌa asuie ike hunie omu ke maꞌu-meꞌu oto tarau mala koni-konihe nge e dau aaela. !Haꞌike! Taꞌe a Liꞌoa Maaꞌi ko si da mola omu ke neꞌi kalena God, na aana omu saie uri a God ko manata diana huniꞌomu urine, nge omu sai soie aana, “!Mamaꞌa! !Mamaꞌa!”

Haataꞌinge 2:17

“Omu ke pwaarongo diana, hunie omu ke rongo saie nga taa nge Liꞌoa Maaꞌi ko unu-unue hunie mo soihaadaꞌinge. Mo iini nge kire kei aꞌailaꞌa taraꞌasi honosie aaelanga, nge ne kei niie ngaulaa uure i Lengi ada, ola nge mwala aana pongine a Mosis kire kaꞌa lio saie neꞌisaenga aana. Na ne kei haꞌa-adora aani heu rereꞌa nge uusulana satai ola haalu e lae aana. Satai ola haalu ngeena nga taꞌa-taꞌa iini aaopa e kaꞌa saie loꞌu, taꞌe iini nge niilana ho heu ngeena e lae hunie.”

Kalesia 3:27

Aana ahutemiu nge omu lado toꞌohuu peꞌie a Kraes aana loto-maaꞌinge, nge omu toꞌo aana noꞌone mau-meuringe a Kraes i lalo aamiu.

Uusu-uusu A Pol Hurula'aa Hunie Mo Rom 13:14

Taꞌe omu ke toliꞌaasie Aalaha ikie a Jisas Kraes ke naꞌomiu, na omu ke tola i sulie aana taꞌena nga ola omu ko euꞌesuie. Na omu ke suꞌuri neꞌi-neꞌisae aakau hunie omu ke haꞌa-oaie nga mei heri-huninge aaela aana sape.

Haataꞌinge 3:18

Oto no ko unue nga taa e diana liutaa hunie omu kei esuie. Omu ke toliꞌaasie ne ke niie namiu mo ola e aasa hunie omu kei holiꞌi. Toliꞌaasie ne ke luhesiꞌomu mwaanie mo oorahaꞌaa iꞌomu. Urine omu ke si lio oodoie maurihe huu na omu ke si toꞌo-toꞌo toꞌohuu. Oto omu ke toolea loꞌu mwaanieu mo toꞌoni rereꞌa aana oodo-oodonga ineu, huni hoꞌosiꞌi haahie maurihaꞌamiu mwaanie omu masa aana omu iiꞌo oto mola mwaakule. Na loꞌu omu ke toolea noꞌone mwaanieu mo ei ni ulu huni huiꞌi i laona maamiu, hunie omu ke lio taataha aana a God.

Epesas 6:15

Omu ke iiꞌo aakau huni tarohaꞌinie Tataroha Diana i sulie hanuelamanga peꞌie a God, aana urine domana uri omu hoꞌosie oto mo hoꞌohaahiꞌae iꞌomu.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Tataroha Diana I Sulie A Jisas Kraes Nge A Luk E Uusue 15:21

Oto a mwaꞌune ko teꞌuri hunie aamana, ‘Mamaꞌa, nou oorahaꞌaala oto i naꞌona God na oto noꞌone i naꞌomu, na nou kaꞌa malisine ike loꞌu uri o ke saieu aana a kalemu.’

Tataroha Diana I Sulie A Jisas Kraes Nge A Luk E Uusue 15:23

Oto omu ko lai toolea mai kele puluke pwiꞌe-pwiꞌala ineu na omu ke horoꞌie hunie kolu ke ngau ni ilenimwaꞌenga peꞌie a kaleku.