Oto aalaha ingeie e saewasu e si uusungeꞌinie koni-konihe ngeena i laona leu ni haꞌamotaahinge, uri ke iiꞌo i leune lai hule aana kei saro suꞌu mangoa ahutana mo toꞌoha nge e waeliꞌine.”
Maeni eesiku maaꞌi, melu ko paalahea God mola tarau haahiꞌomu. Na e diana hunie melu ke asuie urine, aana hiiwalaimolinge iꞌomu ko peine aꞌailaꞌa mola i suli maholo, na manata-diananga nge omu toꞌo aana huniꞌomu heiliu ko lae peꞌi peine noꞌone loꞌu tarau.
Na ngaeta leu loꞌu, aena aana kalinge paine nge e liu honosikolu ie, nga iini saꞌa peꞌiꞌo ike. E aasa hunie nga iini ke lae wau huni peꞌiꞌo, na e aasa hunie nga iini ke uure wau huni lae mai.’
“Oto ne ke si unue loꞌu hunie mo iini i meu-meuliku uuri, ‘Omu ke tahi mwaanieu, mo iini nge omu iiꞌo oto loosie haꞌamotaahinge a God. Omu ke tahi i laona dunge nge ko weru tarau mola, na e saꞌa mwaꞌa loꞌu. Dunge ngeena dau aakaulana e lae oto hunie a Satan na mo liꞌoa aaela ingeie.