Kolosi 4:5 - Tataroha Diana

⁵ Omu ke lio-lio kohi talamiu mala mo iini e saenanau maholo omu ko iiꞌo peꞌie mo iini nge kire kaꞌa hiiwalaimoli ike aana a Kraes. Omu ke suꞌuri toliꞌaasie nga kele maholo ke waetaꞌi, taꞌe omu ke asu diana aana ahutana maholo omu ko iiꞌo peꞌire, aena aana mo maholo diana huni haataꞌinie tolahana a Kraes hunire ni otona.

Kolosi 4:5 Referans Kwoze

1 Tesalonaeka 4:12

Aana omu kei deu urine nge hule aana mwala ni puꞌo na kire ke si haꞌamaꞌu eemiu, na omu saꞌa sare sukaa ike loꞌu nga mei ola mwaanie nga iini.

Jemes 3:13

Mala uri nga iini hikemiu ko saenanau na saena e taha, oto ke haataꞌinie saenanaunge ingeie aana iiꞌonga oodotaꞌi. Na ke si esuie mo ola diana peꞌie haꞌamwai-mweiꞌanga nge e uure mai mwaanie saenanaunge.

Uusu-uusu A Pol Hurula'aa Hunie Mo Rom 16:19

Nou saie uri iꞌomu, omu saꞌa rongo ike hunire, aana ahutana mwala kire mani rongoa oto uri omu ko totola i sulie mola a Aalaha, na aena mei olana nge no ko tohungei ilenimwaꞌe haahiꞌomu. Taꞌe saeku uri omu ke tohungei saenanau i sulie walu ola diana, na omu ke iiꞌo haꞌatau loꞌu mwaanie walu ola aaela.

Jemes 3:17

Taꞌe saenanaunge nge e lae mai mwaanie a God e uuri. E rereꞌa, na e honu aana hanuelamanga, na e mamae, na e sai tola i suli, na e sai hei-aamasi, na ko peꞌi. Saenanaunge urine e kaꞌa sai lupweꞌi deu-deu na e kaꞌa sai rara ike haahie nga iini.

Matiu 10:16

Oto a Jisas ko heꞌi teꞌuri loꞌu hunie mo hurulaꞌaa, “Omu ke rongo kaꞌu. No ko uusungeꞌiniꞌomu i matolana mwala e oorahaꞌaa, na saeda huni horoꞌiꞌomu mala mo wawaulo ni meꞌesu ko seunie mo sipu. Aena ngeena omu ke saenanau aana mo tala ni horonga ikire, taꞌe iꞌomu, omu ke maneko mola mala hiroikuu.

1 Timoti 3:7

Taꞌena nga naꞌohai mwane haahie soihaadaꞌinge ke haro neꞌie iinoni diana, hule aana mwala poꞌoi sinaha mwaanie soihaadaꞌinge ikire noꞌone kire ke ere diana i sulie. Ke urine oto mwaanie mwala kire siho aana, na mwaanie e pola mola peꞌie pwanu a Pwelu Eero-eero.

Kolosi 3:16

Omu ke iiꞌo diana hunie haꞌa-uusulinge a Kraes ke haataꞌi aana taꞌena nga ola omu ko esuie. Oto maholo omu ko haꞌa-uusuliꞌomu heiliu wa omu ko haꞌasaie nga iini, taꞌe saenanaunge ingeie ke si haataꞌi i leune. Na omu ke paalahea God aana ahutana saemiu aani kanalilana mo kananga aana Uusu-uusu Maaꞌi, na mo kananga maaꞌi lalahuꞌe, na mo kananga haalu nge Liꞌoa Maaꞌi ko niiꞌi mei hunikie.

Tataroha Diana I Sulie A Jisas Kraes Nge A Mak E Uusue 4:11

Oto a Jisas ko teꞌuri hunire, “A God e lio hilisiꞌomu hunie omu ke saenanau aana walaimolinge mumuni aana Aalahanga a God, taꞌe mo iini poꞌoi sinaha aana Aalahanga ingeie, nge mo ere-erenga ko lae mola hunire aani aalahuunge.

Jemes 1:5

Taꞌe mala nga iini hikemiu ko saetoꞌo aana saenanaunge, nge ke suke aana a God. Sulie a God e mwaꞌe-mwaꞌe huni nii, na e sai niie saenanaunge huniꞌomu, na e saꞌa asuie ike omu ke hii aaela aani sukanga.

1 Pita 3:1

Na iꞌomu mo huꞌe noꞌone, omu ke tola i sulie mo poro iꞌomu. Urine, maꞌalana poro iꞌoe e kaꞌa hiiwalaimoli ike aana God, taꞌe ohe tolahamu kei haꞌa-aaliꞌue mai takoie hiiwalaimolinge. E kaꞌa ilisie ike uri o ke haro unue loꞌu nga mei ola hunie, taꞌe poro iꞌoe kei hiiwalaimoli mola