Kolosi 3:15 - Tataroha Diana

¹⁵ A God e soiꞌomu tararuru hunie omu ke iiꞌo aana hanuelamanga i lalo aana taꞌa-taꞌa mei sape, na mwaanie omu kele waelie hanuelamanga nge a Kraes e niie huniꞌomu ngeena, taꞌe hanuelamanga ngeena ke aalaha haahie neꞌisaenga iꞌomu. Na omu ke paa-paalahea God tarau.

Kolosi 3:15 Referans Kwoze

Tataroha Diana I Sulie A Jisas Kraes Nge A Jon E Uusue 14:27

No ko haꞌa-oorea hanuelamanga oto huniꞌomu, na hanuelamanga ineu no ko niie oto huniꞌomu ie. Nou kaꞌa niie ike mala mwala aana walumalau ko nii-nii, taꞌe no ko nii toꞌohuu. Oto omu ke suꞌuri totolahiꞌe wa omu ke maꞌu-meꞌu.

Uusu-uusu A Pol Hurula'aa Hunie Mo Rom 15:13

A God oto iini nge kie ko maaꞌoohi susutoꞌo hunie, na no ko eiꞌeitanaie hunie ke haꞌahonuꞌomu aana ilenimwaꞌenga na hanuelamanga paine aena aana omu hiiwalaimoli aana. Na no ko eiꞌeitanaie noꞌone hunie nanamanga aana Liꞌoa Maaꞌi ke tohungei haꞌa-aꞌailaꞌaa hiiwalaimolinge iꞌomu maholo omu ko maaꞌoohi susutoꞌo hunie nga taa e haiholotaꞌinie hunikie.

1 Tesalonaeka 5:18

Na maꞌalana nga taa ke rau-reu loꞌu, taꞌe omu ke paalahea God mola tarau suli maholo. Aana a God e saetoꞌo aana omu ke asu urine aena aana omu lado oto peꞌie a Jisas Kraes.

Uusu-uusu A Pol Hurula'aa Hunie Mo Rom 5:1

Oto aana haꞌa-oodohilaka e lae oto urine i sulie hiiwalaimolinge ikie aana God, nge kie ko iiꞌo ni henuelama oto peꞌie a God. Walu ola urine e rau mola hunikie i tehulaꞌana a Jisas Kraes Aalaha ikie,

Kolosi 3:17

Oto taꞌe-taꞌena nga ola omu ko euꞌesuie, wa omu ko unu-unue, omu ke asuie mala iinoni a Aalaha ikie a Jisas. Na omu ke paalahea a God Aamaka tarau i tehulaꞌana a Kalena.

Tataroha Diana I Sulie A Jisas Kraes Nge A Jon E Uusue 16:33

Nou unue oto walu ola ienini huniꞌomu, hunie uri omu ke si toꞌo aana hanuelamanga aani iiꞌonga tararuru peꞌieu. Walumalau kei haꞌasapesaluꞌaꞌomu taane, taꞌe mwaanie omu meꞌu-meꞌu. Saemiu ke mango mola, aana nou tola hehesie oto walumalau.”

Epesas 5:20

Na omu ke paalahea God Mamaꞌa tarau haahie taꞌena nga ola aana satana Aalaha ikie a Jisas Kraes.

2 Korinit 9:11

A God ke si da hunie omu ke toꞌo aana taꞌena nga ola e malisine omu ke toꞌo aani hunie ke mwadaꞌusie niinge ke paine loꞌu. Oto mwala hunge ke si paalahea God haahie niinge iꞌomu maholo melu kei toolea taꞌau hunire.

Epesas 4:4

Ikie taꞌa-taꞌa mei sape mola, na kie mani toꞌo aana mola taꞌa-taꞌa Liꞌoa Maaꞌi i lalo aaka, na kie ko meni maaꞌoohi susutoꞌo mola hunie taꞌa-taꞌa haiholotaꞌinge, nge a God e haiholotaꞌinie hunie ahutaka maholo e soikie mai i saana.

Uusu-uusu A Pol Hurula'aa Hunie Mo Rom 14:17

Aana mo ola mala ngaunge na inunge, kire kaꞌa roroꞌa ike i laona Aalahanga a God. Taꞌe mo ola nge Liꞌoa Maaꞌi ko niiꞌi mala oodotaꞌinge na hanuelamanga na ilenimwaꞌenga haꞌalaa kire roroꞌa.

1 Timoti 2:1

No ko holaꞌi unue kaꞌu huniꞌo uri o ke aarengaꞌi talana ahutana mwala. O ke paalahea God haahire, na o ke aitanaie a God hunie ke peꞌire na ke haꞌadianaꞌara.

Kolosi 2:7

Omu ke iiꞌo susu oto i lalo aana Kraes mala nga ai imi-imine e susu i aano. Na hiiwalaimolinge iꞌomu ke susu na ke aatosara loꞌu aana mo ola nge haꞌa-uusulilemiu e lae aani, na omu ke paa-paalahea God taraureꞌi suli maholo.

Epesas 5:1

Mala mo mwela ko heimaanie mo aamada, nge iꞌomu noꞌone omu ke haimaanie Aamamiu i Lengi, nge e tohungei manata diana hiitoꞌo huniꞌomu.

2 Korinit 4:15

Melu ko mwaꞌe-mwaꞌe ni sapesalu urine huni peꞌiꞌomu, na hunie mwala oto hunge kire ke sai diana aana hahuꞌana manata-diananga a God hunire. Urine mwala oto hunge loꞌu kire ke si soi haꞌamanikuluꞌaa God peꞌi paalahelana.

Haataꞌinge 7:12

Kire ko teꞌuri, “Iau. Haꞌapainaꞌanga, na manikuluꞌanga, na manatanga, na paalahenga, na haꞌamaꞌunge, na nanamanga, na aꞌailaꞌanga, mo ola a God ikie otona na oto huu. Ke urine oto.”

Epesas 4:16

na ingeie oto ko konie taꞌena nga sasarai ola aana tohungana leu talana, na ko hele maꞌutaꞌa aana mei sape ngeena. Oto maholo mo sasarai ola aana ko esu diana aana mo euꞌesunge hai aaopaꞌi ikire, nge mo ladoha kei aꞌailaꞌa na kire sai peꞌie loꞌu ngaeta mo sasarai ola. Oto ahutana mei sape laku ngeena kei awaa, na kei lae peꞌi peine loꞌu, na kei honu mola aana manata-diananga.

Kolosi 1:12

Na maꞌalana omu ke siꞌohaꞌa loꞌu uri taa, taꞌe omu ke paa-paalahea mola a Mamaꞌa aana e da kie ke malisine nga aapa aana nga taa a God e loohaꞌinie hunie mwala ingeie taꞌau i laona Aalahanga ni Matapwanga.

Hibru 13:15

Oto aana peꞌinge a Jisas hunikie, kie ke paalahea oto a God tarau peꞌi soi haꞌamanikuluꞌalana satana. Aana urine oto e urihana kie ko esuie mo uunu-olanga i saana God.

1 Korinit 7:15

Taꞌe mala uri iini nge e iiꞌo ni puꞌo ko sare sikaa poro wa huꞌe ingeie nge e hiiwalaimoli aana a Kraes, toliꞌaasie mola ke lae i sulie saena. Mala ko lae urine, nga mei haꞌatolanga kaꞌa uure honosie ike iini nge e hiiwalaimoli. Taꞌe omu ke aamasitoꞌo aana uri a God e saetoꞌo aana kie ke iiꞌo ni henuelama.

Uusu-uusu A Pol Hurula'aa Hunie Mo Rom 1:21

Oto maꞌalana kire saie taane mola a God, taꞌe kire kaꞌa haꞌamaꞌu ike aana, wa uri kire ke paalahea na haꞌike loꞌu. Loꞌongaꞌinge ikire e loho aaopa mola aana mo ola mwaakule mola, na saeda e honu mola aana rodohono.

1 Korinit 10:17

Aena aana e taꞌa-taꞌa ho ngeulaa mola, nge maꞌalana kie ke hunge loꞌu uri taa, taꞌe kie neꞌie e taꞌa-taꞌa mei sape mola ni ngeena, aena aana kie ko meni ngeue mola e taꞌa-taꞌa mei ngeulaa ngeena.

1 Timoti 6:12

Mo ola oto hunge kei uure huni ooho honosie hiiwalaimolinge iꞌoe, taꞌe o ke ooho diana mola, na o ke hele maꞌutaꞌa aana maurihe huu. A God e soiꞌo hunie maurihe maholo o unu tahangaꞌinie i naꞌona ruruhaa uri o hiiwalaimoli aana a Jisas.