Kolosi 3:11 - Tataroha Diana

¹¹ Ahutaka mo iinoni kie mani sada mola i laona mauringe haalu ngeena. Maꞌalana uri kie hute aana mo Jiu wa haꞌike, maꞌalana uri kie hele aana torihesiꞌonga wa haꞌike, maꞌalana uri kie hute aana mwala ni puꞌo wa mwala e puꞌo tataꞌala oto liutaa mala mo Sitia, maꞌalana uri kie neꞌi koni-konihe wa kie iiꞌo luhetaꞌi loꞌu, taꞌe a Kraes oto e neꞌi naꞌohai ola roroꞌa i laona maurihaꞌaka, mo iini kie hiiwalaimoli aana.

Kolosi 3:11 Referans Kwoze

1 Korinit 12:13

Maꞌalana uri kie ke neꞌie loꞌu nga mo Jiu wa haꞌike, wa uri kie neꞌi koni-konihe wa haꞌike, taꞌe a Liꞌoa Maaꞌi e toolekie na e loto maaꞌi aaka hunie kie ke mani lado oto peꞌie a Kraes hunie kie ke neꞌie e taꞌa-taꞌa mei sape. Na a God e niie oto taꞌa-taꞌa Liꞌoa ngeena hunie kie ke mani aꞌailaꞌa aana.

Uusu-uusu A Pol Hurula'aa Hunie Mo Rom 10:12

Leune e toꞌohuu hunie taꞌena nga iinoni, maꞌalana ikire mo Jiu wa ikire nga mo Jiu haꞌike. A Kraes ingeie oto taꞌa-taꞌa Aalaha haahie ahutana mo iinoni, na ko niie mo haꞌadianaꞌanga hunge hunie ahutana mo iini kire norutoꞌo aana.

Epesas 3:6

Mei oalaꞌinge mumuni ngeena e unue uri iꞌomu mo Aapoloa Aaopa nge iꞌomu nga mo Jiu haꞌike, omu sai neꞌie taꞌa-taꞌa komu na e taꞌa-taꞌa mei sape peꞌiꞌemi mo Jiu, aana omu hiiwalaimoli noꞌone aana Tataroha Diana. Na urine nga taa nge a God e haiholotaꞌinie uri kei niie mai huniꞌemi i tehulaꞌana a Jisas Kraes, iꞌomu omu kei toꞌo aana noꞌone.

Epesas 1:23

Soihaadaꞌinge oto sapena Kraes, na ingeie oto ko esuie soihaadaꞌinge ke neꞌi iinoni haꞌileku, mala a Kraes e asuie taꞌena nga ola aana haꞌaholanga ke neꞌi ola haꞌileku.

Uusu-uusu A Pol Hurula'aa Hunie Mo Rom 3:29

?Wa e ue? ?Uri a God ko aalaha mola haahie mo Jiu? !Haꞌike! A God e paine noꞌone haahie mo iini nge ikire nga mo Jiu haꞌike.

Kalesia 5:6

Aana maholo iinoni e lado oto peꞌie a Jisas Kraes, nge maꞌalana e torihesiꞌo wa haꞌike, taꞌe e sada mola na e kaꞌa roroꞌa ike. Taꞌa-taꞌa leu mola e roroꞌa, na leune mola hiiwalaimolinge ikie aana a Jisas Kraes ke si haataꞌi aana manata-diananga hunie mo iinoni.

Tataroha Diana I Sulie A Jisas Kraes Nge A Jon E Uusue 17:23

Iꞌoe o iiꞌo i lalo aaku, na ineu ne ke iiꞌo i lalo aada, uri hunie kire ke tohungei neꞌie oto taꞌa-taꞌa iinoni. Oto walumalau ke si lio saie uri iꞌoe ni taane o uusungeꞌinieu mei, na uri o manata diana hunire oto mala o manata diana hunieu.

Kalesia 2:20

Na ineu haꞌike ni nou meuri ienini, taꞌe a Kraes ni e iiꞌo na e mauri i lalo aaku. Mauringe ineu aana walumalau ienini, ola nou toꞌo aana mola i sulie nou hiiwalaimoli aana Kalena God, iini e manata diana hunieu, na e toliꞌaasie maraana hunie ke mae honotaku.

1 Korinit 7:19

Aena aana uri o ke hele aana kaꞌu torihesiꞌonga wa haꞌike, nga mei roroꞌanga haꞌike aana. Taꞌa-taꞌa leu mola e roroꞌa oto, uri o ke lulu i sulie mo haꞌatolanga a God.

Palonga 15:17

Oto aena aana mei ola ienini, ngaeta mwala loꞌu aana walumalau kire kei loꞌohieu, na mo Aapoloa Aaopa nge nou lio hilisire oto, ikire noꞌone kire ke neꞌie mwala ineu. Walana Aalaha oto ienini.

Kolosi 2:10

Na aana omu lado oto peꞌie a Kraes, nga mei ola e kaꞌa aiꞌaa ike mwaanie maurihaꞌamiu. Aana ingeie oto e aalaha haahie ahutana mo aalaha na mo ensel na mo aakalo na taꞌena nga liꞌoa nanama taꞌau i Lengi na mai aano.

Uusu-uusu A Pol Hurula'aa Hunie Mo Rom 1:14

Aana asunge ineu ie mei esunge huni peꞌie ahutana mwala, maꞌalana ikire mo iini manata wa haꞌike, na maꞌalana ikire mo iini puꞌosasu wa kire saenanau, taꞌe Tataroha Diana a Jisas ke lae hunie ahutana mwala.

Tataroha Diana I Sulie A Jisas Kraes Nge A Jon E Uusue 15:5

“Ineu oto ai grep toꞌohuu na iꞌomu oto mo sasarana. Iini ko iiꞌo susu oto aaku na ineu noꞌone aana, nge ke si hungu oto loꞌu liutaa. Aena aana aahoꞌa aaku, omu saꞌa roroꞌa ni da ike nga mei ola diana.

Palonga 28:4

Maholo mwala aana mala-malau ngeena kire leesie mwaa ala-ala e uꞌu aana kiꞌine a Pol, oto kire ko ere-ere uuri hunire hailiu, “Mwane horo-horo ohe ni ngeena, kaꞌu maꞌalana kire hule sapemawa oto i oone mwaanie aasi, taꞌe god aana suꞌu-olanga ko sare horoꞌie loꞌu ngeena.”

Palonga 28:2

Na mwala aana mala-malau ngeena kire tohungei peꞌiꞌemeelu aani lio i sulilameelu. Maholona mone ko nemo na e tohungei wawai, oto kire rurue dunge hunie melu ke rakani.

Tataroha Diana I Sulie A Jisas Kraes Nge A Jon E Uusue 14:23

Oto a Jisas e aalamie ko teꞌuri, “Mala nga iini ko manata diana hunieu, nge ke tola i sulie walaku. Oto Aamaku ke si manata diana hunie, na iꞌemereꞌi Aamaku mere ke si lae mai saana huni iiꞌo susu oto peꞌie.

2 Jon 1:9

Taꞌena nga iini nge e kaꞌa iiꞌo susu aana mo haꞌa-uusulinge a Kraes taꞌe ko sapeie loꞌu mola mo neꞌisaenga ingeie, iini urine, a God e kaꞌa iiꞌo ike i lalo aana. Taꞌe iini nge ko iiꞌo susu peꞌie lulu i sulilana mo haꞌa-uusulinge a Kraes, iini urine, a Mamaꞌa na a Kale kire mani iiꞌo oto i lalo aana.

1 Jon 5:20

Na kie manataꞌinie oto noꞌone uri a Kalena God e lae mai na e niie oto saenanaunge naka, uri hunie kie ke manataꞌinie Iini Toꞌohuu. Na maurihaꞌaka oto i lalo aana Iini Toꞌohuu, aana ikie i lalo aana Kalena, a Jisas Kraes. Taꞌe ingeie mola tohungei God, na ingeie oto aahuꞌine maurihe huu.

Epesas 6:8

Omu ke dau diana urine aana omu saie oto uri Aalaha Paine ikie ngeena ni kei waaie ahutana mo iini ko esu diana, maꞌalana nga koni-konihe wa nga iini e kaꞌa iiꞌo ike i mamalutana nga iini.

Epesas 3:17

na hunie a Kraes ke iiꞌo susu i laona manatamiu aani hiiwalaimolinge aana. No ko eitanai talamiu uri manata-diananga a Kraes huniꞌomu ke neꞌi imi-imine mauringe iꞌomu hunie omu ke uure maꞌutaꞌa.

1 Korinit 14:11

Taꞌe mala uri nga iini kei ere peꞌieu aana erenga nou kaꞌa saie, nge nga diananga haꞌike aana. Mere kei lee-leesiꞌemereꞌi mola mala iꞌemereꞌi e ro iinoni aana e ro mala-malau hai aaopaꞌi.

Uusu-uusu A Pol Hurula'aa Hunie Mo Rom 3:22

A God maraana oto ko esuie mwala e hiiwalaimoli aana Jisas Kraes, kire ke neꞌi iinoni oodotaꞌi i maana. Na nga taꞌa-taꞌa mei ola e kaꞌa aaopa ike i matolana mo Jiu na mwala nge ikire nga mo Jiu haꞌike.

Epesas 2:14

Aana a Kraes maraana oto e asuie hanuelamanga i matolana mo Jiu na mo Aapoloa Aaopa, na e asuie uri kire ke mani neꞌie taꞌa-taꞌa iinoni mola. E oho aasie oto para aani maelonga nge ko oopara aana e ro poꞌo ni iinoni.

Epesas 2:15

Maenga ingeie e haꞌamangoa oto tolaha ni lulu i sulilana ahutana mo Haꞌatolanga mo Jiu. Na urine nge e si da hunie e ro taungei iinoni ngeena ke neꞌie taꞌa-taꞌa taungei iinoni haalu aani iiꞌo-rurunge ni henuelama peꞌie.