No ko aarengaꞌi talamu susue rodo na aatowaa, na no ko tohungei sae-saemango haahiꞌo suli maholo no ko aarea God ineu nge no ko esu nana peꞌie mei manatanga rereꞌa oto noꞌone mala mo weuweku kire auꞌesuie.
Aena urinena, uure aana hai dinge melu rongoa tataroha i suliꞌomu, melu ko lae peꞌi aarengaꞌi talamiu. Na melu ko eitanaie a God uri omu ke sai diana aana nga taa a God e saetoꞌo aana omu ke asuie, na uri omu ke honu mola aana saenanaunge na lio sai-olanga a Liꞌoa Maaꞌi e sai niie hunikolu.
Omu ke suꞌuri tolahiꞌe loꞌu aana nga mei ola, taꞌe omu ke aarea mola a God. Na omu ke sukaa taꞌena nga ola omu saetoꞌo aana, peꞌi paalahelana wau i saemiu.
Na omu ke aarengaꞌi tarau na omu ke suke aana a God hunie ke peꞌiꞌomu i suli maholo. Na omu ke iiꞌo aani aarengaꞌinge aana nanamanga a Liꞌoa Maaꞌi. Oto omu ke lio-lio diana, na mwaanie omu toitoliꞌaasie aarengaꞌinge tarau talana ahutana mo iinoni a God.