Kolosi 1:29 - Tataroha Diana

²⁹ Oto huni esuie leune, no ko tohungei esu waaꞌiniꞌini oto liutaa. Na asunge ineu e aꞌailaꞌa taraꞌasi mola urine aena aana no ko esu aana nanamanga nge a Kraes e niie hunieu.

Kolosi 1:29 Referans Kwoze

1 Korinit 15:10

Taꞌe aana niinge ni hahuꞌana manata-diananga a God e lae hunieu mone, no ko oꞌoꞌo urine ue ie. Na manata-diananga a God hunieu e kaꞌa waetaꞌi ike taane mola mwaakule, aana nou lae peꞌi esu oto hiitoꞌo loꞌu liutaa aada mo hurulaꞌaa. Taꞌe nou kaꞌa asuie ike taane tohuku, aana niinge a God mone ko peꞌieu huni esuie leune urine.

Epesas 1:19

Na no ko eitanaie a God loꞌu hunie omu ke lio saie noꞌone nanamanga paine ingeie nge ko esu i laona manataka, mo iini kie hiiwalaimoli aana. Nanamanga nge ko esu oto aana maurihaꞌaka,

Epesas 3:7

Oto aena aana hahuꞌana manata-diananga paine a God hunieu mone, nge e niie nanamanga ingeie hunieu hunie uri ne ke tarohaꞌinie Tataroha Diana mala iinoni euꞌesu ingeie.

Pilipae 2:13

Aena aana a God ni ko esu i lalo aamiu urine, huni haꞌamwaꞌe-mwaꞌeꞌomu, na hunie omu ke sai tola i sulie tolahana maraana.

Kolosi 2:1

Nou saetoꞌo aana uri omu ke manataꞌinie uri no ko tohungei esu oto hiitoꞌo huni peꞌiꞌomu, na huni peꞌie noꞌone mo iinoni hiiwalaimoli wau aana huilume karaꞌiniꞌomu i Leodisia, na loꞌu ahutana mo iinoni a God nge hule aana nou kaꞌa oodoire ue.

2 Tesalonaeka 3:8

Na melu kaꞌa totola mwaakule ike aana nga mei ngeulaa mwaanie mwala, taꞌe melu haro holi-holiꞌi mola. Oto melu esu susue mola aatowaa na rodo mwaanie nga iini eemiu e tolahiꞌe loꞌu aana nga mei ola.

1 Tesalonaeka 2:9

Maeni eesiku maaꞌi, nou saie uri omu ko aama-aamasitoꞌo taane aana weonga iꞌemeelu aana melu esu susue rodo na aatowaa mwaanie melu haꞌahiꞌeie nga iini eemiu maholo melu lae-laeliwala aana Tataroha Diana a God namiu.

Kolosi 4:12

A Epapras noꞌone ko niie wau mei wala ni saediananga huniꞌomu. Ingeie nga koni-konihe toꞌohuu a Kraes Jisas na ngaeta iini eemiu. Ingeie ko esu namiu tarau aani eitanailana a God hunie omu ke sai diana aana walu ola a God e saetoꞌo aana omu ke asuiꞌi, na hunie omu ke asuiꞌi oto toꞌohuu mala mo rato aana tolahana Kraes.

Pilipae 2:16

aani laeliwalanga nada aana mei wala nge e sai niie maurihe huu hunire. Na mala uri omu ko teꞌurine, nge ne kei tohungei ilenimwaꞌe aana hai dinge a Kraes kei ooli mei, aena aana ne kei saie uri nou kaꞌa huru mwaakule ike taane aana asunge ineu i matolamiu.

1 Korinit 12:11

Taꞌe e taꞌa-taꞌa Liꞌoa Maaꞌi ngeena mola ko niie ahutana mo niinge ngeena oto i sulie saena maraana, na e mani haꞌa-adokie oto aana mo niinge ingeie.

Uusu-uusu A Pol Hurula'aa Hunie Mo Rom 15:20

Na oto tarau no ko sare laeliwala aana Tataroha Diana mola aana mo henue nge mwala kaꞌa saie wa kire ke rongoa ue a Kraes, mwaanie uri nou lae peꞌi esu loꞌu mola aana hanue ngaeta iinoni e aehotaa oto soihaadaꞌinge aana.

Haataꞌinge 2:3

Nou saie taane uri omu uure maꞌutaꞌa na omu kaꞌa toliꞌaa ike maꞌalana mwala kire taungeꞌiniꞌomu i tehulaꞌaku.

2 Timoti 2:10

Aena urine kaꞌu, maꞌalana mwala ko haꞌaloieu mala ie, taꞌe no ko iiꞌo susu mola. Aana tala urine nge no ko peꞌie mwala nge a God e lio hilisire oto, hunie kire ke toꞌo aana maurihe peꞌie a Jisas Kraes na kire ke iiꞌo peꞌie aana manikuluhaꞌana oto di.

Pilipae 1:27

Oto maꞌalana uri ne ke lae loꞌu mei leesiꞌomu wa haꞌike, taꞌe tolahamiu ke oodo oto malisine Tataroha Diana a Jisas Kraes. Na nou sare rongoa uri omu ke mani esu loko-loko taane peꞌie taꞌa-taꞌa mei sae aani helinge honosie mo iini ko sare dau tekelaꞌinie hiiwalaimolinge aana Tataroha Diana.

Epesas 3:20

Peꞌie nanamanga a God i lalo aaka, a God e sai esuie walu ola e liutaa loꞌu aana taꞌena nga ola kie sai sukaa wa loꞌongaꞌinie.

2 Korinit 13:3

Oto leune ke haataꞌinie toꞌohuu huniꞌomu uri no ko ere oalana a Kraes ni ngeena, aana omu kei leesie taꞌa-taꞌa nanamanga aaku nge omu ko leesie noꞌone aana a Kraes nge ko esu aꞌailaꞌa mola peꞌie nanamanga paine ingeie i matolamiu ngeena.

2 Korinit 11:23

Kire ko unue uri ikire oto mo koni-konihe a Kraes. No ko ere loꞌu mala iinoni e pweu, taꞌe ineu oto nou tohungei esu mala koni-konihe a Kraes loꞌu liutaa aada. I tehulaꞌana asunge a Kraes ienini nou sapesalu oto hiitoꞌo liutaa aada. Ineu oto nou iiꞌo i nume ni hoꞌo mo maholo hunge liutaa aada. Ineu oto kire wini-winieu hiitoꞌo liutaa aada. Ineu oto nou karaꞌi mae mo maholo hunge liutaa aada.

2 Korinit 6:5

Mwala kire rapusiꞌemeelu oto, na kire neꞌiꞌemeelu oto i laona nume ni hoꞌo, na kire maaola-ola peꞌi waeliꞌemeelu oto. Taꞌe maꞌalana e urine melu ko haꞌaweoꞌemeelu oto mola aani tarohaꞌinilana a Jisas taraureꞌi, hule aana nga maꞌahunge wa ngaunge na haꞌike loꞌu.

2 Korinit 5:9

Taꞌa-taꞌa mei eehuꞌi ola kie saetoꞌo aana, maꞌalana kie ke iiꞌo aana sapeka mai aano i leu wa kie ke oopa mwaanie na kie ke iiꞌo oto taꞌau i Lengi, taꞌe kie saetoꞌo aana mola uri a Aalaha ke ilenimwaꞌe haahikie.

1 Korinit 12:6

Mo saenanaunge ikie hunie asunge na kire mani hei aaopaꞌi noꞌone, taꞌe taꞌa-taꞌa God mola ni ko niie mo saenanaunge ngeena huni esuie mo taungei esunge hai aaopaꞌi urine.

Uusu-uusu A Pol Hurula'aa Hunie Mo Rom 15:30

Maeni eesiku maaꞌi, aena aana kie mani lado oto peꞌie Aalaha ikie a Jisas Kraes, na i tehulaꞌana manata-diananga a Liꞌoa Maaꞌi e niie hunikie hailiu, nge no ko eitanaiꞌomu uri omu ke peꞌieu i laona asunge ineu aani aarengaꞌinge hunie a God talaku.

Tataroha Diana I Sulie A Jisas Kraes Nge A Luk E Uusue 13:24

“Omu ke dau aahonga toꞌohuu huni sili i sulie maai para e kokohisi, aana no ko unue oto huniꞌomu uri mo iini hunge kei eriꞌapasie silinge wau, taꞌe e saꞌa mwadaꞌusire ike.

Hibru 12:4

Iꞌomu, omu ko lae peꞌi ooho taane honosie mo tolahai ola ni oorahaꞌaa, taꞌe nga iini hikemiu e kaꞌa ooho aꞌailaꞌa ue lae hule aana ke maesie leune.

Kolosi 2:12

Oto maholo loto maaꞌilemiu e lae, e urihana a God e haitolingeꞌiniꞌomu oto peꞌie a Kraes, na e taꞌelaꞌiniꞌomu oto loꞌu peꞌie noꞌone hunie mauringe haalu. A God e si esuie urine i tehulaꞌana hiiwalaimolinge iꞌomu aana nanamanga paine ingeie nge e taꞌea a Kraes mwaanie maenga.