Kolosi 1:18 - Tataroha Diana

¹⁸ Mo iinoni aana soihaadaꞌinge, kire urihana sapena Kraes, na ingeie oto pwaune soihaadaꞌinge, aena aana ingeie oto aahuꞌine maurihe. Ingeie oto eetana nga iinoni huni taꞌelaꞌi mwaanie maenga peꞌie maurihe nge ko iiꞌo oto huu, hunie uri taꞌe ingeie haliꞌite ke neꞌie naꞌohai iini haahie ahutana walu ola.

Kolosi 1:18 Referans Kwoze

Haataꞌinge 1:5

na kire uure noꞌone mwaanie a Jisas Kraes. A Jisas oto ko haꞌawalaimoliꞌaa walana God, na ingeie oto naꞌohai mwane e taꞌelaꞌi mwaanie maenga, na ingeie oto inemauri haahie ahutana mo aalaha mai welumalau. Ingeie oto iini nge e manata diana hunikie, na ingeie oto e luhesikie mwaanie mo oorahaꞌaa ikie aana apune.

Palonga 26:23

Ikire noꞌone kire unue uri a Haꞌa-uuri nge a God e haiholotaꞌinie kei lae mai kei sapesalu hule aana maenga, na aana ingeie oto eetana nga iini kei holaꞌi taꞌelaꞌi eelihoꞌi mwaanie maenga, ingeie oto ke si tarohaꞌinie raa-raa a God hunie mo Jiu na mo Aapoloa Aaopa.”

Matiu 28:18

Oto a Jisas ko lae mai saada, na ko ere hunire uuri, “A God e niie oto ahutana nanamanga hunieu, haahie ahutana mo ola i Lengi na mai aano i leu.

1 Korinit 11:3

Taꞌe ngaeta mei ola loꞌu saeku hunie omu ke saie. A God e iiꞌo mala ingeie pwaune a Kraes, na a Kraes e iiꞌo mala ingeie pwaune mwane, na mwane e iiꞌo mala ingeie pwaune keni.

Haataꞌinge 22:13

Ineu oto a A na a Z, aana ineu oto aehotalana na haꞌamangolana walu ola.

Epesas 5:23

Aana mo poro iꞌomu, ikire oto kire ko lio i suliꞌomu mala pwaune iinoni ko lio i sulie sapena, na mala a Kraes noꞌone ko lio i sulie soihaadaꞌinge nge e haꞌa-uurie oto.

Haataꞌinge 21:6

Oto e heꞌi teꞌuri loꞌu, “E mango oto eena. Ineu oto a A na a Z, aana ineu oto aehotalana na haꞌamangolana walu ola. Ne kei nii mwaakule mola aana wai mwaanie huulaa ni meurihe hunie taꞌena nga iini ko sare inu.

1 Korinit 15:25

Aana a Kraes kei haro aalaha kaꞌu peꞌi hele tolingie mo maelonga ingeie, lai hule aana ahutada mango-mango kire kei iiꞌo oto i hahana nanamanga ingeie.

Haataꞌinge 11:15

Oto hiune nga ensel e uuhie aahuri ingeie, na mo wala paine uure taꞌau i Lengi ko teꞌuri, “A God ikie na iini e lio hilisie hunie ke neꞌie a Haꞌa-uuri, ikire oto kire toꞌo aana nanamanga haahie ahutana walu ola aana walumalau na huni aalaha haahie oto huu.”

Haataꞌinge 1:18

Ineu oto iini meu-meuriꞌe. Nou mae kaꞌu, taꞌe ie nou meuri oto hunie iiꞌonga huu. Iau, na ineu oto nou saka liutaa aana maenga, na nou toꞌo aana kii aana mo kilipweꞌu.

Haataꞌinge 1:8

A God e unue uuri, “Ineu oto a A na a Z, aana ineu oto aehotalana na haꞌamangolana walu ola. Ineu oto iini Hahuꞌana Nanama uure oto mai naꞌo, na siꞌiri ie, na oto huu.”

Kolosi 1:24

Oto maꞌalana no ko sapesalu oto ienini i tehulaꞌamiu, taꞌe no ko ilenimwaꞌe mola, aena aana sapesalunge aana sapeku ienini kei peꞌiꞌomu. A Kraes e sapesalu hiitoꞌo waite huni peꞌie soihaadaꞌinge, aena aana sapena ni otona. Oto ineu no ko sapesalu noꞌone urine aana sapeku huni haꞌamangoa kele leu e oore ue aana sapesalunge a Kraes arengaku.

Epesas 1:10

Na haꞌa-oalaꞌinge a God ngeena ke si oa aana tohungei maholo hunie, huni tarakonie mai i saana Kraes taꞌe-taꞌena nga ola i laona haꞌaholanga, maꞌalana mo ola taꞌau i Lengi na mo ola mai aano i leu. Na a Kraes oto kei peine haahiꞌi.

Tataroha Diana I Sulie A Jisas Kraes Nge A Jon E Uusue 1:27

Ingeie oto iini nge no ko deu aakau aana tala loosie, na ingeie oto e tohungei peine loꞌu liutaa aaku, hule aana ineu, na nou kaꞌa diana ike malisine ne ke asu mala koni-konihe huni luhesie hoꞌohaahiꞌae ingeie.”

Tataroha Diana I Sulie A Jisas Kraes Nge A Jon E Uusue 1:16

Oto aena aana e tohungei honu aana manata-diananga na walaimolinge, nge ko nii-niie mai ngaeta mo niinge diana loꞌu hunie ke oolisie niinge diana wau i naꞌo ngeena.

Tataroha Diana I Sulie A Jisas Kraes Nge A Jon E Uusue 1:1

Aana aehotalana walu ola na walumalau haꞌike ue, a mei Wala e pwani iiꞌo oto, na a mei Wala ngeena oto i saana God, na a mei Wala ngeena ingeie tohungei God oto noꞌone.

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.

1 Jon 1:1

Ie melu ko uusue uusu-uusu huniꞌomu i sulie tohungei iinoni e uure oto mai aehotalana, nge ingeie mei Wala ni Meurihe. Melu ko uusue oto mala melu rongoa aana aalingameelu, na melu leesie aana maameelu. Melu toꞌomaaie, na melu hele aana oto aana kiꞌimeelu.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

Matiu 23:8

“Taꞌe iꞌomu, omu ke suꞌuri toliꞌaasie mwala ke haaraꞌiniꞌomu aana, ‘Haꞌa-uusuli,’ aena aana omu toꞌo aana mola e taꞌa-taꞌa haꞌa-uusuli, na iꞌomu mo mwaasine haliꞌite.

1 Korinit 12:27

Oto e urine noꞌone aana ahutemiu loko-loko oto sapena Kraes, na taꞌena nga iini hikemiu e neꞌi sasarai ola oto aana.

Kolosi 2:19

Kire kaꞌa hele maꞌutaꞌa ike aana a Kraes. Ingeie oto pwaune soihaadaꞌinge nge ko lio i sulie soihaadaꞌinge na ko hele lokoa ahutana mo sasarai ola aana hunie ke mauri oto mala a God e saetoꞌo aana.