Kolosi 1:15 - Tataroha Diana

¹⁵ A Kraes oto iini lio sailana a God e sai lae aana, aana e tohungei sada oto peꞌie Aamana nge nga iini kaꞌa sai leesie ike. Maholo haꞌaholanga haꞌike ue, taꞌe a Kraes e iiꞌo oto, na e paine oto liutaa haahie taꞌena nga ola aana haꞌaholanga ngeena.

Kolosi 1:15 Referans Kwoze

Hibru 1:3

Ingeie oto raa-raa nge ko haataꞌinie manikuluhaꞌana a God, na ingeie oto ko haataꞌinie walu ola i sulie a God, aana kirerue tohungei sada. Kalena God oto ko hele maꞌutaꞌa aana walumalau aana walana nge e nanama. Na maholo e asu mangoa oto tala hunie saeꞌaasilana mo oorahaꞌaa ikie, nge e si lai iiꞌo aana naꞌohai iiꞌo-iiꞌoha i pwalo-pwalona God, Sam 110:1 iini nge ko iiꞌo taꞌau i Lengi na e manikuluꞌe oto liutaa.

Tataroha Diana I Sulie A Jisas Kraes Nge A Jon E Uusue 14:9

Oto a Jisas e aalamie ko teꞌuri, “!Mwae! ?No ko iiꞌo tewa oto peꞌiꞌomu, na uri o kaꞌa saieu ue, Pilip? A tei nge ko leesieu, e leesie a Mamaꞌa otona. ?E ue o ko saetoꞌo aana ne ke haataꞌinie a Mamaꞌa loꞌu eemiu?

Tataroha Diana I Sulie A Jisas Kraes Nge A Jon E Uusue 1:1

Aana aehotalana walu ola na walumalau haꞌike ue, a mei Wala e pwani iiꞌo oto, na a mei Wala ngeena oto i saana God, na a mei Wala ngeena ingeie tohungei God oto noꞌone.

2 Korinit 4:4

Kire kaꞌa hiiwalaimoli ike aana a Jisas, aena aana aalaha haahie walumalau ienini ko da mola manatada ko rodohono. Oto kire kaꞌa sai leesie ike raa-raangana Tataroha Diana nge ko raa haahire. Kire kaꞌa lio saie ike mei wala melu ko tarohaꞌinie i sulie manikuluhaꞌana a Kraes, iini e tohungei sada oto peꞌie a God.

Tataroha Diana I Sulie A Jisas Kraes Nge A Jon E Uusue 1:18

Nga taꞌa-taꞌa iini e kaꞌa leesie ike ue a God. Taꞌe taꞌa-taꞌa mwela mouteꞌi ingeie ko oꞌoꞌo peꞌie Aamana, na aana ingeie tohungei God noꞌone, ingeie oto e haataꞌi diana aana a God hunikie.

Tataroha Diana I Sulie A Jisas Kraes Nge A Jon E Uusue 1:14

A mei Wala ngeena e lae oto mai na e neꞌi iinoni. E oꞌoꞌo oto i matolameelu na melu leesie oto manikuluhaꞌana, mei menikuluꞌanga oto paine aena aana ingeie oto taꞌa-taꞌa mwela mouteꞌi a God. Ingeie oto ko niie ahutana hahuꞌana manata-diananga a God hunikie, na ko unu-unue ahutana walaimolinge a God hunikie.

Pilipae 2:6

Aana ingeie e pwani neꞌi God oto uure mai, taꞌe e kaꞌa sare tola hiitoꞌo ike aana mei neꞌisaenga ngeena i sapena, uri ingeie e sada mola peꞌie a God.

2 Korinit 4:6

Aana haꞌaholanga a God e unue uuri, !Raa-raa kei raangie rodohono! Jenesis 1:3 Na ingeie noꞌone nge e sinelie saemeelu aana raa-raa ingeie, hunie melu ke lio saie uri mwala e sai leesie manikuluhaꞌana God aana a Jisas Kraes.

Uusu-uusu A Pol Hurula'aa Hunie Mo Rom 8:29

Aana uure mai naꞌo, a God e manataꞌinie oto mwala ingeie, na e oalaꞌinie hunie kire ke mani urihana a Kalena, hunie a Kalena kei neꞌie naꞌohai mwane aana mo eesine oto hunge.

1 Timoti 1:17

Oto kie ko tohungei paalahea Inemauri nge e iiꞌo huu, e saꞌa roroꞌa mae ike loꞌu, kie kaꞌa sai leesie ike aani maa. Taꞌe ingeie mola e neꞌi tohungei God, ahutaka mo iinoni kie ke haꞌamaꞌu aana kie ke soi haꞌamanikuluꞌaa oto di, oto di. !Iau, ke urine oto!

Haataꞌinge 3:14

Oto a mwaena e heꞌi unue loꞌu hunieu uuri, “O ke uusue oto hunie naꞌohai mwane aana soihaadaꞌinge wai Leodisia uuri. “Ineu oto iini nge no ko haataꞌinie uri ahutana mo heiholotaꞌinge a God kire toꞌohuu. Na ineu oto iini nge no ko unu tahangaꞌinie toꞌohuu mo ola e uure aana God suli maholo. Na ahutana mo ola aana haꞌaholanga a God e uure mola mai eeku. Ineu oto ie, no ko unue huniꞌomu.

Hibru 1:6

Na maholo a God e uusungeꞌinie Hahuꞌana Mwela Mouteꞌi ingeie mai i laona walumalau, oto e unue hunie ahutana mo ensel ingeie uri kire ke mani palo-paloa oto. Sam 97:7

1 Timoti 6:16

Ingeie oto haliꞌite nge e saꞌa roroꞌa mae ike. E iiꞌo i lalo aana raa-raa, raa-raa ngeena nga iini e saꞌa lae wau karaꞌinie, nga iinoni e kaꞌa leesie ike ue a God, wa ke sai leesie. Oto mwala kei meni soi haꞌamanikuluꞌaa oto di. Nanamanga ingeie kei iiꞌo huu oto nana. !Iau, ke urine oto!

Tataroha Diana I Sulie A Jisas Kraes Nge A Jon E Uusue 15:24

Mala uri ne ke suꞌuri lae mai esuie mo ola nge nga iini aaopa e kaꞌa asuiꞌi ue ngeena i matolada, haꞌalaa mo oorahaꞌaanga ikire saꞌa iiꞌo haadaꞌi ike urine. Taꞌe oto ie kire leesie taane mo huꞌi-huꞌite, na kire saronai ngiduupu mola ue huniꞌemereꞌi Aamaku.

Tataroha Diana I Sulie A Jisas Kraes Nge A Jon E Uusue 3:16

A God e tohungei manata diana hunie walumalau, hule aana e uusungeꞌinie taꞌa-taꞌa mwela mouteꞌi ingeie ke mae oalana, hunie taꞌena nga iini ko hiiwalaimoli aana ke suꞌuri eiꞌaa, taꞌe ke helesie maurihe huu i tehulaꞌana.

Kolosi 1:13

Aana e haꞌa-uurikie mwaanie nanamanga aana rodohono, na e toolekie i laona Aalahanga a Kalena, iini e tohungei manata diana hunie.

Hibru 11:27

Aani hiiwalaimolinge mone, a Mosis e lae mwaanie i Ijip, na e uure aꞌailaꞌa honosie saewasunge a inemauri, aena aana ko tola i sulie mola Inemauri nge nga iini e kaꞌa sai leesie ike.