Kalesia 6:3 - Tataroha Diana

³ Na mala uri nga iini ko loꞌongaꞌinie uri ingeie oto e paine liutaa, nge ko talei eero-eeroa mola maraana na hule aana ingeie iinoni mwaakule noꞌone mola.

Kalesia 6:3 Referans Kwoze

1 Korinit 3:18

Oto omu ke suꞌuri neꞌi-neꞌisae aaela i sulie mei ola ienini. Mala uri nga iini eemiu ko neꞌi-neꞌisae uri e saenanau aana saenanaunge ni welumalau, e diana oto liutaa hunie iinoni ngeena ke tohungei toli puri aana saenanaunge ngeena maꞌalana mwala ko haaraꞌinie aana “Pweu.” Oto ke si hule aana saenanaunge toꞌohuu.

1 Korinit 8:2

Mala nga iini ko unue uri e saenanau, e kaꞌa tohungei sai diana aana ike ue nga taa e malisine uri ke saie.

Uusu-uusu A Pol Hurula'aa Hunie Mo Rom 12:3

Aana a God e manata diana mone hunieu, nge e lio hilisieu mala Hurulaꞌaa ingeie huniꞌomu mo Aapoloa Aaopa, na e niie noꞌone mei wala ienini hunie ne ke unue huniꞌomu uri nga iini eemiu ke suꞌuri neꞌi-neꞌisae toohaꞌinie maraana, taꞌe omu ke neꞌi-neꞌisae toꞌohuu mola, na omu ke totohoꞌomu maraamiu mola aana hiiwalaimolinge nge a God e niie huniꞌomu e paine uri taa.

2 Korinit 3:5

Melu kaꞌa toꞌo aana ike nga mei ola tohumeelu hunie melu ke malisine asunge paine ngeena. A God mone e si da melu ke malisine asunge ngeena.

1 Korinit 13:2

Na maꞌalana nou sai unu tahangaꞌinie walana a God, wa maꞌalana ne ke saenanau loꞌu aana taꞌena nga ola mumuni, wa maꞌalana uri hiiwalaimolinge ineu ke susu huni lidue mo toloi henue, taꞌe nou kaꞌa toꞌo aana manata-diananga, ineu iinoni mwaakule mola ni ngeena.

1 Jon 1:8

Mala nga iini ko unue uri e kaꞌa oorahaꞌaa ike, nge iinonine ko eeroa mola maraana ni ngeena, na walaimolinge e kaꞌa iiꞌo ike aana.

Uusu-uusu A Pol Hurula'aa Hunie Mo Rom 12:16

Omu ke iiꞌo diana mola peꞌie ahutana mwala. Mwaanie omu too-toohaꞌiniꞌomu, taꞌe omu ke mwaꞌe-mwaꞌe mola ni deu i sulie taꞌena nga mei esunge wa huni heꞌimalahune peꞌie taꞌena nga iini. Na mwaanie omu loꞌo-loꞌongaꞌinie uri iꞌomu oto omu saenanau.

Tataroha Diana I Sulie A Jisas Kraes Nge A Luk E Uusue 18:11

Oto Parise ngeena e uure wau maraana mwaanie mwane susulu toꞌoha, ko si aarengaꞌi i sulie maraana, na ko teꞌuri, ‘God, no ko paalaheꞌo aana nou kaꞌa aaela ike mala ngaeta mwala. Nou kaꞌa urihana ike mwala nge kire sai peli, kire sai leu-leu ola, na kire ko mei-mesi. No ko paalaheꞌo aana nou kaꞌa urihana ike mwane susulu toꞌoha waune.

Jemes 1:22

Taꞌe omu ke asuie nga taa nge a God e unue huniꞌomu, na omu ke suꞌuri talei rorongo aasie mola, aana ko urine nge omu ko haꞌapweuꞌomu mola maraamiu ni ngeena.

Jemes 1:26

Mala nga iini ko loꞌongaꞌinie uri ingeie nga mwane aana soihaadaꞌinge, taꞌe e kaꞌa kinetaꞌinie erenga aana meana, nge urine ko talei haꞌapweue mola maraana, na asunge ingeie aana soihaadaꞌinge, nga ola toꞌohuu haꞌike.

2 Timoti 3:13

Taꞌe mwala tataꞌala nge kire ko haꞌapweue mola mwala, kire kei hunge oto loꞌu liutaa. Kire kei aaela oto loꞌu, na kire kei lae peꞌi eeroa mwala oto hiitoꞌo, taꞌe lae-lae na mwala kei haro pwelora loꞌu noꞌone.

2 Korinit 12:11

No ko deu oto mala pweu aana nou ere toohaꞌinieu urine, taꞌe iꞌomu ni omu ko si da no ko teꞌurine. Aana e malisine uri omu ke lalado diana oto i sulie asunge ineu, taꞌe omu rohu mola. Ineu nou kaꞌa adona ike taane nga mei ola, taꞌe aena aana nanamanga a God e iiꞌo i lalo aaku, oto mo hurulaꞌaa paine nge omu tohungei saetoꞌo aada ngeena, na kire kaꞌa paine ike liutaa aaku aana nga mei ola oto ooꞌoo.

Kalesia 2:6

Oto mo naꞌohai mwane aana soihaadaꞌinge ngeena kire kaꞌa unue ike uri nga mei ola aana laeliwalanga ineu ke aaopa. (Na e kaꞌa roroꞌaieu ike mala uri kire ke neꞌi mwane paine loꞌu uri taa, taꞌe walaimolinge nge e roroꞌa hunieu aana a God ko lee-leesikie mo iinoni uri kie mani sada mola i maana.)

Palonga 5:36

Omu saie oto aana mo helisi e mango, a Tiudas e unue uri ingeie ngaeta naꞌohai mwane, oto lae-lae hai tangalai mwane ko lae loꞌu mei peꞌie. Taꞌe mae ni Rom kire horoꞌie, oto mo mwane ingeie kire tatanga hailiu mola na hari-huninge ingeie e kaꞌa oa ike.

Kalesia 2:9

Na maholo kire lio saie uri mei esunge ngeena a God e niie oto hunieu, nge a Jemes na a Pita na a Jon kire ko si hele i kiꞌimereꞌi a Banabas. Urine mo iini nge kire unue uri ikiraelu oto mo hunu aana soihaadaꞌinge, kiraelu ko si haataꞌinie uri kiraelu ko heiholotaꞌi huni esu loko-loko peꞌiꞌemereꞌi. Oto melu meni neꞌisae mouteꞌi uri asunge iꞌemereꞌi a Banabas kei lae oto nana mo Aapoloa Aaopa, na asunge ikiraelu oto nana mo Jiu.