Maeni eesiku maaꞌi, omu ke loꞌongaꞌi keꞌu i sulie laeliwalanga ineu. ?Mala uri no ko lae-lae mola ue peꞌi laeliwalanga aana torihesiꞌonga, e ue kaꞌu mo Jiu ko si teu-teungeꞌinieu mola? Mala uri leune ke toꞌohuu, haꞌalaa kire saꞌa saewasulieu ike loꞌu haahie laeliwalanga i sulie maelana a Kraes i lengine poꞌu-poꞌu.
Kalesia 6:12 - Tataroha Diana12 Mwala nge kire ko deu rarahiꞌomu hunie torihesiꞌonga ngeena, kire ko deu mola hunie mo Jiu ke saetoꞌo aada ni ngeena. Na loꞌu kire sereꞌinie mwala ke taungeꞌinire haahie hiiwalaimolinge uri maelana a Jisas Kraes i lengine poꞌu-poꞌu mola ni e sai haꞌa-uurikie. Gade chapit la |
Kalesia 6:12
22 Referans Kwoze
Saꞌa mola ngaeta mo iini ko loꞌo-loꞌongaꞌinie uri mo haꞌatolanga urine ikire oto tala ni saenanaunge toꞌohuu aena aana mwala nge ko deu i suliꞌi kire lio mala kire ko manata diana hunie a God, na uri kire ko haꞌamwai-mweiꞌara, na uri kire ko haꞌasapesaluꞌaa sapeda hunie kire ke iiꞌo maaꞌi. Taꞌe haꞌike, i sulie mo haꞌatolanga urine kire saꞌa roroꞌa ni haꞌa-oodohie ike mo saehanalinge mo iinoni wa mo heri-huninge ikire.
Aana mwala hunge kire ko unue uri kire hiiwalaimoli oto aana a Kraes, taꞌe aana iiꞌonga ikire e haataꞌinie uri ikire mo maelonga mola hunie Tataroha Diana i sulie maelana a Kraes i lengine poꞌu-poꞌu. Nou ere mango kaꞌu oto i sulie mei ola ngeena huniꞌomu i naꞌo, na no ko heꞌi ere ngara-ngara loꞌu aana.
Oto mwala nge kire ko haꞌapainaꞌara maraada ngeena, melu kaꞌa sare unue ike uri melu sada mola peꞌire wa uri melu peine sada mala ikire. !Haꞌike! Aana ikire, kire haꞌa-uuresie mola mo haꞌatolanga ikire maraada huni totohoa tolahada maraada, na kire ko lio-lio mola i matolada huni lio saie a tei aada ko deu diana aana mo haꞌatolanga ikire maraada ngeena. !Taꞌe hero-heronga mola ni ngeena!
“Ahutana nga moi taa kire ko euꞌesuiꞌi, mo ola mola uri hunie mwala ke lee-leesire. E toꞌohuu, a God e unue taane uri kie ke hoꞌo-hoꞌosie mo toꞌoni lauleuniꞌe na ngaeta mo ola loꞌu huni aama-aamasitoꞌo aana mo haꞌatolanga ingeie. !Taꞌe lio kaꞌu! Ikire, kire ko esu peine loꞌu aana mo olana, hunie uri mwala ko leesiꞌi na kire ke unue uuri, ‘Ikire ni oto mwala maaꞌi.’
“Taꞌena nga maholo o ko niie nga mo ola hunie nga iinoni meitale, o ke suꞌuri deu haadaꞌi loꞌu aana uri hunie mwala ke saie, mala mo iini ko lupweꞌi deu-deu nge kire ko lai euꞌesuie i laona mo nume ni palo-palo, na i sulie mo tala paine, uri hunie mwala ke too-toohaꞌinire. Toꞌohuu no ko unue huniꞌomu uri mo iini nge kire ko teteꞌurine, kire hele mangoa oto waaitada.
Na a Jisas e heꞌi teꞌuri loꞌu, “Maholo omu ko aarengaꞌi omu ke suꞌuri deu mala mo iini ko lupweꞌi deu-deu, nge saeda uri kire ke uure i laona mo nume ni palo-palo, na aani maai tala rue uri hunie mwala ke leesie kire ko aarengaꞌi. Ineu no ko unue huniꞌomu uri mo iini urine, kire hele mangoa oto waaitada.
Piblisite