Kalesia 6:10 - Tataroha Diana

¹⁰ Aena urine, maholo kie ko leesie uri e malisine kie ke peꞌie nga iini, nge kie ke peꞌie oto. Na peꞌinge ikie ke lae oto liutaa hunie mo iini kie mani hiiwalaimoli aana Kraes.

Kalesia 6:10 Referans Kwoze

Hibru 13:16

Na mwaanie omu pupulongosie peꞌilana ngaeta mwala aani esunge diana nada, aena aana mo uunu-olanga urine noꞌone nge saena God ko lae otoi mamango haahiꞌi.

1 Tesalonaeka 5:15

Omu ke lio talamiu mwaanie nga iini e heꞌi suꞌue loꞌu tataꞌalanga hunie nga iini. !Haꞌike! Taꞌe omu ke diana mola huniꞌomu heiliu taraureꞌi na noꞌone hunie ahutana mwala.

Taetas 3:8

Ahutana mo haꞌa-uusulinge ngeena kire mani toꞌohuu. Aena urinena nge nou saetoꞌo aana o ke tohungei haꞌa-uusulie mwala oto aani, hunie mo iini nge kire hiiwalaimoli toꞌohuu aana God kire ke auꞌesu oodotaꞌi oto mola haliꞌite huni esuie mo ola diana. Walu ola ngeena kire diana oto taꞌingelu, na kire sai peꞌie ahutana mwala.

Matiu 25:40

“Oto ineu a Inemauri ne ke si aalamire uuri, ‘No ko unue oto huniꞌomu uri nga taa nge omu da urine hunie nga kele iini aana mo eesiku ienini, omu da hunieu ni otona.’

Hibru 6:10

Aana leinge a God e oodo oto taꞌingelu na e kaꞌa sai pulongosie ike asunge iꞌomu na manata-diananga nge omu haataꞌinie hunie mwala i tehulaꞌana a Kraes. E lio saie mola uri omu peꞌi-peꞌi diana aana mo iinoni ingeie, na uri omu ko lae-lae ue aana peꞌinge huniꞌomu heiliu.

Epesas 2:19

Oto iꞌomu mo iini nge iꞌomu nga mo Jiu haꞌike, omu kaꞌa neꞌi awataa ike loꞌu mwaanie ngaeta hanue aaopa. !Haꞌike! Omu neꞌie oto e taꞌa-taꞌa komu ni iinoni a God, na omu neꞌie oto ngaeta mo iinoni aana uluhe ingeie.

Tataroha Diana I Sulie A Jisas Kraes Nge A Jon E Uusue 12:35

Oto a Jisas ko si teꞌuri hunire, “Raa-raa kei iiꞌo haꞌawali mola ue peꞌiꞌomu huni haꞌasinelie saemiu. Oto omu ke norutoꞌo mola aana, na omu ke lae-lae maholo raa-raa e iiꞌo ue i matolamiu, mwaanie e rodo honosiꞌomu i sulie tala. Aana iini ko lae-lae i laona rodohono, e kaꞌa saie ike uri ko lae i tei.

Tataroha Diana I Sulie A Jisas Kraes Nge A Luk E Uusue 6:35

!Taꞌe haꞌike! Omu ke manata diana hunie mo maelonga iꞌomu na omu ke dau diana hunire. Omu ke nii-nii na omu ke suꞌuri loꞌongaꞌinie loꞌu suꞌuleni eelihoꞌi huniꞌomu. Mala uri omu kei teꞌurine nge waaitemiu ke si peine loꞌu liutaa, na omu ke si neꞌi kalena God, iini e paine liutaa. Aana ingeie noꞌone hule aana e diana hunie mo iini e oorahaꞌaala na mo iini kaꞌa sai paalahea.

Tataroha Diana I Sulie A Jisas Kraes Nge A Jon E Uusue 9:4

Maholo kolu ko mau-meuri ue e urihana mola e dai-dengi ue, na kolu sai esu oto nana iini e uusungeꞌinieu mei. Taꞌe aana maholo kei rodo oto, na nga iini e saꞌa asu ike loꞌu.

Taetas 2:14

aana e toliꞌaasie maraana hunie ke mae honotaka, na hunie ke tola aalihoꞌi aaka mwaanie mo oorahaꞌaanga ikie. E haꞌarereꞌakie oto hunie kie ke neꞌi iinoni oto ingeie, hunie kie ke tohungei iiꞌo oodotaꞌi aani esuilana mo ola diana oto tarau.

Pilipae 4:10

No ko tohungei ilenimwaꞌe oto liutaa na no ko paalahea a Aalaha ikie aana omu ko heꞌi haataꞌinie loꞌu uri omu manata diana taane ue hunieu aana mo ola omu haꞌatolaꞌi mei hunieu. Nou kaꞌa unue ike uri omu rohu oto mwaanieu, taꞌe uri omu kaꞌa toꞌo maholo mola huni peꞌieu.

Matiu 12:50

A tei nge ko deu i sulie nga taa Aamaku i Lengi e saetoꞌo aana, ingeie ni aasiku na a nikeku.”

3 Jon 1:11

Oto o ke suꞌuri heimaanie mo tolahai iinoni aaela urine, malahuku, taꞌe o ke lae mola i sulie tolahai iinoni diana. Aana iini nge ko lae i sulie tolahai iinoni diana, nge ingeie iinoni a God otona. Taꞌe iini nge ko lae i sulie tolahai iinoni aaela, nge e kaꞌa manataꞌinie ike a God.

Kolosi 4:5

Omu ke lio-lio kohi talamiu mala mo iini e saenanau maholo omu ko iiꞌo peꞌie mo iini nge kire kaꞌa hiiwalaimoli ike aana a Kraes. Omu ke suꞌuri toliꞌaasie nga kele maholo ke waetaꞌi, taꞌe omu ke asu diana aana ahutana maholo omu ko iiꞌo peꞌire, aena aana mo maholo diana huni haataꞌinie tolahana a Kraes hunire ni otona.

Epesas 5:16

Omu ke asu diana aana ahutana mo kele maholoi sato omu toꞌo aani ngeena, aena aana maholo ienini, maholo oto aana aaelanga ni ngeena.

1 Jon 5:1

Taꞌena nga iini ko hiiwalaimoli aana a Jisas uri ingeie a Kraes, a Haꞌa-uuritaka nge a God e haiholotaꞌinie kaꞌu huni uusungeꞌinie mai, nge iinoni ngeena e hute haalu mala ngaeta kalena God. Na taꞌena nga iini ko manata diana hunie Mamaꞌa i Lengi, nge ke manata diana noꞌone hunie mo iini nge e hute aana.

Hibru 3:6

Taꞌe a Kraes mone Kalena God, na ingeie oto ko aalaha haahie uluhe aana nume a God, na ko tohungei lio i suli diana aana. Na ikie oto uluhe aana nume a God ngeena, mala uri kie kaꞌa mou-mou ike aani hiiwalaimolinge na kie ko maaꞌoohi susutoꞌo peꞌie norutoꞌonga aana Kraes oto taraureꞌi.

Tataroha Diana I Sulie A Jisas Kraes Nge A Mak E Uusue 3:4

Oto e teꞌuri hunie mo iini kire ko upwesie ngeena, “?Nga taa ni Haꞌatolanga ikolu e toliꞌaasie huni esuie aana Dinge Maaꞌi? ?Huni peꞌie iinoni wa huni waelie mola? ?Huni haꞌa-uurie iinoni wa huni horoꞌie?” Taꞌe kire rohu mola, na nga iini kaꞌa ere ike.

Epesas 3:15

nge e niie mauringe hunie taꞌena nga ola taꞌau i Lengi na mai aano i leu.

Matiu 5:43

Oto a Jisas ko lae peꞌi haꞌa-uusuli loꞌu uuri, “Na omu rongoa oto noꞌone uuri, ‘Omu ke manata diana hunie mo malahumiu, Levitikas 19:18 na omu ke ngiduupu hunie mo maelonga iꞌomu.’

Matiu 10:25

E malisine uri tolahana pwaarongoisuli ke urihana oto haꞌa-uusuli ingeie, na koni-konihe ke urihana oto aalaha ingeie. Ineu oto pwaune nume ikolu, na oto mala mwala ko haaraꞌinieu aana naꞌohana mo liꞌoa aaela, iꞌomu, mwala aana nume kire ke si haaraꞌi aaelasiꞌomu loꞌu liutaa.

Palonga 6:7

Oto walana God mone ko lae ahusie oto mo henue hunge, na mo pwaarongoisuli i Jerusalem kire ko hunge loꞌu liutaa, na hungelana mo pris ko lulu i sulie oto a Jisas noꞌone.

Kalesia 1:23

Kire ko si rongoa mola uuri, “Iini nge e taungeꞌinikie kaꞌu, ko tarohaꞌinie loꞌu Tataroha Diana nge e ariꞌapasie kaꞌu ke ohoie.”

Epesas 4:28

A tei iinoni ko peli-peli, ke toliꞌaasie oto tolahai ola aaela ngeena na ke aehotaa loꞌu asunge diana. Ke asuie nga mo ola diana aana nimana, hunie ke toꞌo aana mo ola huni peꞌie mo iini kire maitale.

1 Tesalonaeka 5:21

Taꞌe omu ke holaꞌi lei diana aana kaꞌu ahutana mo haꞌa-uusulinge. Oto omu ke si lulu i sulie mo iini diana,

1 Pita 2:5

Urine iꞌomu noꞌone omu ke urihana mo heu hunie nume a God. Na neꞌisaenga aana nume a God oto ahutana mo iinoni nge kire ko lulu i sulie aana nanamanga a Liꞌoa Maaꞌi, nge soihaadaꞌinge a God otona. Iꞌomu aana soihaadaꞌinge a God, omu meni neꞌie oto mwala maaꞌi nge kire sai lae oodo taꞌau i naꞌona a God huni uunu-uunu ola i saana. Iau, omu meni neꞌi pris oto, na aana peꞌinge a Jisas Kraes mone, mo ola diana omu ko esuiꞌi nana kire neꞌie mo uuraaꞌinge nge a God ko ilenimwaꞌe haahiꞌi ngeena.

1 Pita 4:17

Maholo e hule oto hunie leinge a God kei aehota, na kei aehota oto peꞌie mwala aana uluhe ni iinoni ingeie. Na aana leinge ngeena ko aehota peꞌikie mwala ingeie, nge kie saie oto uri leinge a God kei aaela oto liutaa hunie mo iini nge kire kaꞌa hiiwalaimoli ike aana Tataroha Diana.

3 Jon 1:3

Nou tohungei ilenimwaꞌe aana maholo ngaeta mo mwaasine e hule mai na kire haꞌarongoau aana mauringe iꞌoe e tohungei aꞌailaꞌa na uri o ko lulu i sulie ue walaimolinge toꞌohuu.

3 Jon 1:10

Oto mala uri no ko lae wau, ne ke si haataꞌinie taane aamiu ahutana walu ola aaela nge ko esuiꞌi, na mo eeronga taꞌewau nge ko talei unuꞌi mola i suliꞌemeelu. Na aena aana mo aaelanga ngeena kire kaꞌa paine ue i sulie saena, nge ko sare asuie loꞌu nga mo aaelanga paine. Oto e kaꞌa sare tola konie ike mo mwaasine, na hule aana ko uure honosie mo iini ko sare tola konie mo mwaasine ngeena, na ko neꞌire i sinaha mwaanie soihaadaꞌinge.

2 Korinit 2:8

Aena ngeena no ko eitanaiꞌomu uri omu ke peꞌie a mwaena hunie uri ke saie oto uri omu manata diana hunie toꞌohuu.